The Week That Was on April 25, 2020

Admin - Apr 24, 2021

The Week That Was on April 25, 2020

CCC TLAWH
April 22, 2021 khan Manpower Development Board Vice Chairman leh Aizawl West-I MLA ni bawk Zothantluanga chuan a bial chhung Chawlhhnun veng a Co-operative Building, a MLA fund atanga Cheng nuai 4 vel senga Covid Care Centre atan a thuam that chu tlawhin, an mamawh tur thil chi hrang hrang pek bakah, hmalak chhunzawmna tur thilah thuneitute a biak sak nghal hlawm.  A veng chhung Local/Village Task Force Duty tinah hian a tul ang zela an lo hman atan Rs. 10,000/- theuh a pek bakah, Hand Sanitiser, Glove leh Hri thahna hlo te a sem vek bawk.

ZIN LO TURIN NGEN
New Delhi ah COVID-19 case a pun nasat avangin April 21, 2021 khan General Administration Department chuan thuchhuah siamin mipuite chu tul tawp khawk thilah lo leh hrileng in ziahawm lam a pan hma in New Delhi ah zin lo turin mipuite thurawn a pe a. Hemi rualin, Mizoram mipuite an him zawk nan leh Mizoram House, New Delhi a thawktute leh an chhungte an him zawk nan thu leh awm hma chu mikhual thar Vasant Vihar leh Chanakyapuri Mizoram House ah thleng phal a ni dawn lo tih GAD chuan an hriattir bawk. Hei hian medical emergency leh House thuneituten rem an tih te chu a huam tel lo.

QUARANTINE FACILITY
District Magistrate, Aizawl District chuan April 21, 2021 khan CQF atan a hnuaia tarlan te hi ruat thar a ni tih mipuite a hriattir a, CQF enkawl leh hman chungchangah Local/Village Level Task Force ten mawhphurhna an la ang tih mipuite a hriattir bawk a ni.
Sakawrtuichhun- Govt. Middle School, Govt. Primary School-I, Cluster Resource Centre (CRC)
Vaivakawn- Chhinlung Academy SSA
Ramhlun South- Govt. Primary School, Govt. Middle School, Govt. High School

Doctor rawn theih
COVID-19 hrileng kara mipui him zawkna turin leh awlsam zawk nan Mizoram sorkar chuan mipuite'n mahni in lum atanga awlsam taka doctor an râwn theih nan e-Sanjeevani OPD Telemedicine a chhawpchhuak a. Mobile phone/ laptop/personal computer hmangin ni 21.04.2021 (Wednesday) atang hian nitin dar 2:00 pm — 4:00 pm chhungin, Inrinni leh Pathianni tiam lovin Medicine, Surgery, Obs & Gynae, Paediatrics leh Oncology OPD hawngin rawn theih an ni.

CHAKZAWKA HMALAK April 20, 2021 khan Aizawl DC’s Conference Hall-ah Bawrhsap Dr Lalhriatzuali Ralte, Chairman, District Disaster Management Authority/District Task Force on Covid – 19 kaihruainain Aizawl District chhunga Covid-19 hrileng dona kawnga hmalaknate thlir ho a ni a. Chak zawka hmalak dan tur te an rel.

ASF epicentre puang
April 21, 2021 khan Sub-Section (1) Section (6) of the Prevention and Control of Infectious and Contagious Disease in Animals Act 2009 in thuneihna a pek angin Mizoram Governor chuan Aizawl, Lunglei, Siaha leh Serchhip District chhunga veng leh khaw thenkhat African Swine Fever (ASF) epicentre-ah a puang.
SCREENING POINT
Serlui bialtu MLA Lalrinsanga Ralte, Rubber & Allied Crops Development Board Vice Chairman ni bawk chuan April 20, 2021 khan Vairengte Screening point a tlawh a. Covid 19 thawh hnihna lo thleng leh ah hian Vairengte Screening point-a duty te mamawh leh inbuatsaih dan te a enpui.

RINLIANA SAILO TEL
April 19, 2021 khan Lok Sabha Speaker Om Birla chuan India rama State leh Union Territory zawng zawnga Legislative Assembly leh Legislative Council Speaker leh Chairman te video conference kaltlangin meeting a ko a. Mizoram Legislative Assembly Speaker Lalrinliana Sailo bakah Deputy Speaker Er.Lalrinawma, Parliamentary Affairs changtu Minister TJ Lalnuntluanga bakah Opposition Group Leader Vanlalhlana te chu meeting ah hian an tel a ni.

SAMAGRA SHIKSHA
School Education Minister Lalchhandama Ralte hovin April 19, 2021 khan SCERT Seminar room,Aizawl-ah Samagra Shiksha Annual Work Plan & Budget 2021-22 thlirho a ni.

CITATION HLAN
April 19, 2021 khan Mizoram State Cooperative Service Association chuan Cooperation Minister C. Lalrinsanga’n Mizoram State Cooperative Service a enkawl danah an lungawizia leh a laka an lawmzia lantir nan thilpek leh citation an hlan.

MYC THUCHHUAH
Aizawl, the 19th April, 2021: Mizoram Youth Commission chuan District hrang hranga Pre-Army Recruitment Rally atana training a kalpui mek chu sipai lak hun tur sawn a nih tak avang leh hrileng dinhmun tha lo tak hnuaia training pek hi him tawk loa hriat a nih avangin April 20, 2021 atangin tiam chin awm lovin a titawp tih hriattirna an chhuah. 

Share now