CWP meeting ah tel
Commonwealth Parliamentary Association (CPA) hnuaia Common Wealth Women Parliamentarians (CWP) network buatsaih, 'CWP Roundtable : Gender Sensitive Parliaments in the 21st Century' chu Speaker in a nominate angin Dr.Vanlaltanpuia, MLA, Dr. Vanlalthlana, MLA leh Mizoram Legislative Assembly senior officials ten virtual meeting July 29, 2021 khan an telpui.

thudik thehdarh
July 29, 2021 khan Deputy Chief Minister Tawnluia hovin Department of Information and Public Relations (DIPR) Minister Lalruatkima leh phai lam chanchinbu leh TV-a thawk Mizo journalist-te chu Mizoram pawna thudik puanchhuah leh thehdarh chungchangah kalphung tha zawk ngaihtuahin a pisaah an thukhawm.

GOVERNOR leh MZU
Governor Dr Haribabu Kambhampati, Chief Rector, Mizoram University ni bawk chuan Raj Bhavan-ah  Prof JK Patnaik Pro Vice Chancellor and Prof Lalnundanga, Registrar, MZU te chu July 29, 2021 khan a kawm.

CS pahnih inbia
Assam Police ten July ni 26, 2021 (Thawhtanni) a Mizoram rawn luta buaina an siam vanga state pahnih inkara harsatna awmte su kiang turin Union Home Secretary Ajay Kumar Bhalla kaihhruaina hnuaiah July 28, 2021 khan Mizoram Chief Secretary Lalnunmawia Chuaungo leh Assam Chief Secretary Jishnu Barua te chu North Block, New Delhi-ah an inbia.

ZMC harsatna
July 28, 2021 khan Health Minister Dr. R. Lalthangliana hovin SAD Conference Hall, MINECO-ah Dedicated COVID Hospital (DCH) Zoram Medical College harsatna tawh chungchang leh damlote enkawltu volunteers frontline workers indaihlohna chungchang sawiho a ni a. He hunah hian Medical Operational Team on COVID-19 Chairman Dr. ZR Thiamsanga, Health Secretary R. Lalramnghaka, Health department hotu pawimawhte leh Zoram Medical College hotute an tel a ni.

Home Secy-in thlen
Assam leh Mizoram ramria buaina chhuak kal zelah Assam chuan Mizoram tana nitin mamawh, ei leh bar chawk luhna kawngpui a dan pin bakah rel kawng a tichhia a. Hemi chungchangah hian Mizoram Sawrkara Home Secretary  Lalbiaksangi chuan Sawrkar Laipui Union Home Secretary hnenah July 28, 2021 khan lehkha a thawn.

DUTY POST TLAWH
July 27, 2021 khan Pu Lalchamliana, Home Minister chuan ni 26, July 2021-a Assam Police-ten Mizoram ramria IR duty-na hnehchhuh an tumna hmun, Vairengte Autorickshaw stand bul a tlawh.

POL pek chhuah
 Director, Food, Civil Supplies and Consumer Affairs Department chuan POL pekchhuah dan chungchangah thupek hman nghal tur July 26, 2021 khan a chhuah a, Scooty tan litre 2, 2 wheeler dang tan litre-4, LMV tan litre -10, Lirthei te chi dang tan litre 10, Truck tan litre 50 leh Buhfai leh nitin mamawh phur chu an tlanna tur a zira pek tur a ni. A hmuna kal te chauh a hnuaia tarlan ang hian pek chhuah tur a ni, Bur, gallon/barrel-a lak phal a ni lo.

Nuai 4000 senna tur

July 26, 2021 khan Tourism Minister Pu Robert Romawia Royte chuan Chite Venga Convention Centre sakna tur hmun leh sa tura ruahmanna siam dante a hmunah kalin a enfiah a.He Centre bula tunhnaia tuilianin Chite Lei a tihchhiat pawh a hmunah a enfiah bawk.

CHILDLINE 1098
Mizoram Legislative Assembly Speaker Pu Lalrinliana Sailo chuan CHILDLINE 1098 Awareness video clip chu July 26, 2021 khan Video Conference hmangin a tlangzarh. Speaker chuan Child right issue hi thil pawimawh tak leh ram roreltute pawhin keimahni level theuha kan ngaih pawimawh tur a ni a ti.