AMBULANCE A PE
August 12, 2021 khan Aizawl South-III Bialtu MLA Prof.F.Lalnunmawia chuan a bial chhung Sialsuk PHC-a damlo phurhna tur Ambulance chu Health & Family Welfare Department hnenah a pe.

hmalakna sawipui
Governor Brig(Dr) B.D. Mishra (Retd) chuan August 12, 2021 khan Mizoram sawrkar hmalakna pawimawh deuh te belchiang turin Home Department, Health Department and Public Works Department hotulian te Raj Bhavan-ah a kawm a. Heng department aiawh te hian an hmalakna pawimawh zual te sawi na hun an hmang a ni.

ASSEMBLY JUBILEE
Mizoram Legislative Assembly chuan nakum, 10th May, 2022 hian kum 50 a lo tling dawn a. A lawm dan tur chungchang ngaihtuahin August 12, 2021 khan Mizoram Legislative Assembly Golden Jubilee Organising Committee chu Assembly Annexe Building ah an thukhawm. 

SA LEH THLAI MAN
August 12, 2021 khan Sa leh thlai man bithliahtu Prize Fixation Committee chu an Chairman Dr.Lalhriatzuali Ralte, Aizawl DC hovin a Office Chamber-ah an thukhawm a, Lockdown thlahdul ni mahse sa leh thlai rate an fix tawh chu hman chhunzawm zel nise an ti a, mipuite pawh hei hi zawm theuh turin an hriattir.

PM leh SELF-HELP GROUP
August 12, 2021 khan Prime Minister Narendra Modi chuan DAY-NRLM hnuaia Self Help Group te kawmna a nei a. He hun hi Lalruatkima, Rural Development Minister, R.Zarzosanga,Rural Development Secretary leh MzSRLM officials dang ten video conference hmangin an chhim. State zawng zawnga State Rural Livelihoods Mission (SRLM) hnuaia SHG member te pawh he hun hi chhim vek tura hriattir an nih angin Mizoram ah pawh MzSRLM hnuai SHG member ten an chhim ve vek a ni.

CHUHVEL TLAWH
R. Lalzirliana, Hon'ble Minister, Power & Electricity, Art & Culture, LRS & WC, DC & MA chuan August 12, 2021 khan Chuhvel khua a tlawh. Chuhvel khaw mipuite'n tha taka sorkar an thawhpuina-ah lawmthu sawiin, ram tana thawktu kan nih angin kan sipaite tha tichaktu ni zel turin a chah.

WHO in pe
World Health Organisation India (WHO) chuan Health & Family Welfare Department, Government of Mizoram-in COVID-19 dona kawnga a tul anga an hman atan August 11, 2021 khan Puan in lian (Hub tent) leh a kaihhnawih thilte a hlan.

MOT leh LLTF
August 11, 2021 khan Medical Operational Team on COVID-19 (MOT) Chairman Dr. Z.R. Thiamsanga hovin Assembly Conference Hall-ah MOT member te leh Aizawl Municipal Corporation (AMC) huamchhunga Local Level Task Force (LLTF) hruaitute COVID-19 chungchangah an inkawm.

Brig(Dr) BD Mishra (Retd.) lalut
Arunachal Pradesh Governor ni mek, Brig(Dr) B.D. Mishra (Retd.) chu rinawmna thu tiam tirin Governor Haribabu Kambhampati chawlh lak chhunga Mizoram Governor hna thawk lailawk turin Mizoram Governor 23-na atan August 11, 2021 khan lakluh a ni a. Governor Haribabu Kambhampati chawlh chhung atana President of India in ruahmanna a rawn siam a ni.

RAMRI-ah eng tha
Vairengte, 11th August 11, 2021 khan Power & Electricity Department Minister R.Lalzirliana chuan Vairengte leh ramri hnaih khuate a tlawh a, heng lai hmun te hmasawn nan leh ramri hrul a Police duty-nate thawmthat dan tur a hmuna enin, heng khua ten power tha an neih a tul tih a sawi. Lalrintluanga Sailo, Dy. Chief Whip, Pu H.Lalzirliana, MLA, Pu Lalrinsanga Ralte, Serlui bialtu MLA leh P&E Department hotuten Minister hi an tawiawm a, Pu Lalbiakthanga Khiangte, DIG(NR), Pu Vanlalfaka Ralte, SP Kolasib te an tel bawk a ni.

Monsoon Session tiamchin awm lovin tihtawp
July ni 19-a neih tan Lok Sabha fur thutkhawm (Monsoon Session) chuAugust ni 11, 2021 chawhma khan tiamchin awm lovin tihtawp a ni. Ni 13 thlenga neih tura tih Lok Sabha fur thutkhawm chu member boral tawhte sunna hun hman zawh veleh Speaker Om Birla chuan tiamchin awm lova tihtawp a ni tih a puang.

Brig T Sailo Park
August 11, 2021 khan LAD Minister K.Lalrinliana chuan Brig T. Sailo Park, Lengpui a tlawh a. Park chhunga hmalakna te enfiahin cheibawl ngai lai te a Local Administration Department official te nen an enho a ni.

MSSC COMPLEX
Aizawl, 10th August, 2021 : Vawiin khan Sports Minister Robert Romawia Royte chuan Lengpuia MSSC Mini Sports Complex hmuna Khelo India sum Rs 500 Lakh senga Football Astroturf Field siam mek chu August 10, 2021 khan a tlawh. Football Field hnathawh hi zawh tawh niin a pavillion leh compound light system sak mekte chu tun August thla chhunga zawh theih beisei a ni.

CII Virtual Conference
Aizawl 10th August 2021: Confederation of Indian Industry (CII) leh Software Technology Park (STPI) te hmalakna in August 10, 2021 khan India kum 75 tlin lawmna tur denchhenin ‘Economic Development in North East -Challenges, Opportunities and The Way Forward’ tih thupui a hmangin Virtual Seminar hman a ni a. Dr. R.Lalthangliana, Hon’ble Minister for Commerce & Industries leh Health Minister ni bawkin a hmanpui a.

ICU THAR TUR TLAWH
Hripui vei ICU a enkawl ngai an pun chhoh mek karah August 9, 2021 khan Chief Minister leh Health Minister te ruahmanna angin Dr. ZR Thiamsanga MLA, Chairman Covid-19 Medical Operational Team chuan Civil Hospital Aizawl a ICU siam mek chu a tlawh.

EI LEH IN

Dy. Commissioner of Food Safety-Cum- Controlling & Licensing Authority, Directorate of Health Services, Pu Lalsawma chuan ei leh in chungchangah August 9, 2021 khan thuchah a siam.