DOWNLOAD OUR APP

Read latest news on your phone
app-store
The Week that was on August 27, 2023
Aug 27, 2023

CM leh FMGEW inbiakna hlawhtling lo 

Aizawl : August 21, 2023 khan sawrkar hnathawk FMGEW hruaitute leh CM an inbia a, FMGEW lam hian Thawhlehni khan an kal zel dan tur an ngaihtuah chhunzawm a, nawrh an rel.
    Sawrkar hnathawkten dan dinglai anga Dearness Allowance (DA) pek phut-a lungawi lohna an lantir chungchang ah CM Zoramthanga chuan, tun dinhmunah sawrkar sum dinhmun a that loh avangin FMGEW hruaitute chu lo hrethiam hram tur leh lungawi lohna an lantir mek chu titawp turin a ngen a ni. FMGEW lam chuan August 28, 29 leh 30 hian Pendown strike neih an tum a, hei hian awmzia a nei lo a nih chuan August 31 & September 1. 2023 hian Mass Casual Leave lak an rel.

CM in Tlabung kawng chhia chungchang House ah a sawi

Aizawl : Chief Minister Zoramthanga chuan August 22, 2023-a Assembly Session-ah Lunglei - Tlabung kawng chu NHIDCL kawng a ni tih sawiin, mipui harsatna sukiang turin an hotute leh thawktute an nawr reng thu a sawi.
    Nihar Kanti Chakma'n calling attention nei a Tlabung kawng chungchang a sawi chhuah chungchangah, PWD changtu CM ni bawk Zoramthanga chuan, Lunglei - Tlabung kawng chu siam lai a ni tih sawiin, fur nen a innang a, chu chuan harsatna a thlen niin a sawi. Kum 2021 Februay thlengin PWD in an enkawl a, chumi hnuaah NHIDCL in tun thlengin an enkawl a ni.

Forest Conservation (Amendment) Act, 2023 dodalna House ah pawm

Aizawl : Forest Conservation (Amendment) Act, 2023 dodalna resolution, Forest minister TJ. Lalnuntluanga put luh chu Mizoram Legislative Assembly in August 22, 2023 khan a pawm.
    Resolution a put luh khaikhawmna a neiha Forest minister sawi danin, an hriattirh atangin hma an la nghal a, October 2, 2021 ah Central sawrkarin an ngaihdan a rawn zawt a, meeting neih nghal a nih hnu, October 21, 2021 ah an duh loh thu Central ah ziak a thlen nghal a ni.
    Forest minister chuan kumin June ni 6 ah ah duh lohna an thlen leh tih sawiin, Lok Sabha Secretariat ah PCCF hming a an thlen thu te leh JPC ah pawh an thlen thu te a sawi. 

Kolasib leh Cachar district hotute inkawm

Aizawl : August 22, 2023 khan Conference Hall, Dholai Police Station-ah Cachar leh Kolasib district-a sawrkar thuneituten ramri a ralmuanna a awm chhunzawm theih nana thawh ho dan tur relin thutkhawmna an nei.
    He thutkhawmna ah hian Kolasib DC John LT Sanga, Deputy Commissioner chuan Kolasib leh Cachar district chu ramri thui tak in?awm an nih angin a tul apianga inpuitawn tur leh boruak muanawm siam tur a thawh hona ?ha a awm a pawimawh thu a sawi Mizoram ah MLA inthlanpui nei tur a inbuatsaihna kal mek ah Cachar district thuneitute chuan a ?ul apiang a puih an inpeih reng thu an sawi a. 

AYUSH Health & Wellness Centre 38-a hman tur vailiam

Aizawl : MSACS hnuaia New Bike Outreach kaltlanga District tuam chhuak tur Bike 11 leh AYUSH Health & Wellness Centre 38 a hman tur Mini Laboratory Services bungrua, te chu August 22 khan MINECO Open Gym bul kawtzawl atangin Health & Family Welfare Minister Dr. R.Lalthangliana chuan a vai liam.
    Dr. R.Lalthangliana chuan MSACS hnuaia Bike Outreach Service leh Ayush Health & Wellness Centre tihchangtlunna tur laboratory bungrua vailiamte chu hriselna kawnga hmasawnna, damreina leh nunna chhan nana hmalakna a ni tiin, hriselna kawnga bung thar leh thil chhinchhiah tlak tak Mizoramin a chuangkai chu lawmawm a tih thu a sawi a ni.

Relkawng leidawh chimin mi 26 a chimpui

Aizawl : August 23, 2023-a Bairabi atanga Sihhmui-a rel luhna kawng tur Lei dawh chimin mi 26 a chimpui a, a ni hian ruang 19 lakchhuah a ni a, hliam tuar 3 lakchhuah an ni bawk. August 24 khan ruang pathum lakchhuah leh an ni a, Zirtawpni khan ruang pakhat dang lakchhuah leh a ni bawk. 
    Leidawh mek a hnathawkte hi a hnuai lam metre 40 vel zet a sangah leichim hian a tlakpui a, ruang te hi an taksa chhe tak tak te pawh an awm nual nia thudawn a ni. Lei-in a chimpui te hi hmuh kim tawh an ni. 

Mamit naupang bo ruang chhawlchhin a hmuh a ni

Aizawl :  August ni 18 atanga chin hriat loh a bo Lalremruata (11) s/o Lalvulmawii, High School Veng nia rin ruang chu chhawlchhin a hmuh niin, thawmhnaw inbel a nei lo.
    Mamit atanga thu lakna in a tarlan danin, August 23, 2023 chhun dar 12 bawr vel khan Mamit Field thlang tlak lam rama Lianmawii Highschool veng ramah ruang chhar a ni a.
Rinchhana (Lalremruata pute a) chuan a ha hmai atangin a tupa ngei niin a hria a ni.

Lok Sabha MP, Minister leh MLA ten lei chimna tlawh

Aizawl : August 23, 2023 khan Lok Sabha MP C. Lalrosanga chuan Kurung lui chunga lei dawh lai chim avanga mi 23 zetin nunna an channa chu a hmunah a tlawh.
    Lok Sabha MP hian he lei dawh lai chimna hmun a tlawh laia a hmuna lo awm Transport Minister TJ Lalnuntluanga, K. Laldawngliana MLA, Home Commissioner Lalengmawia bakah civil leh police lam hotute pawh kawmin chhanchhuah hna thawh kawnga hmalak dan turte an sawiho a ni.
    2022 January khan MP hian Sairanga relkawng siamna tur hmun te hi a lo zuk tlawh tawh a, hetianga chhiatna a thleng chu pawi a tih thu sawiin, vanduaina rapthlak tak avanga nunna chante leh hliam tuarte a tawrhpui thu a sawi.

Chief Secretary Dr.Renu Sharma-in State Archives tlawh

Aizawl : August 23, 2023 khan Dr. Renu Sharma, Chief Secretary, Government of Mizoram chuan Mizoram State Archives a tlawh.
    Chief Secretary hian September ni 6 & 7, 2023-a The Heritage Consortium, Patna, HDFC Bank leh Art & Culture Department-te tanghovin Mizoram State Archives Hall-a an buatsaih tur ‘Workshop on preventive and curative measures of Archival records along with the latest methods of its storage” atan a hmun leh hma turte endikin hmalak dan turte a kawhhmuh a ni.

Robert Romawia hovin Republic Day a telte lawmpuina nei

Aizawl : August 24 khan khan Sports & Youth Services Minister Office, MINECO-ah 1st Mizo Air Squadron NCC hnuaia Cadet pahnih, kumin Republic Day Camp, New Delhi-a tel pha Cadet Under Officer Kenny Lalrinawma Singh leh Cadet Under Officer Laltlansangi, Pachhunga University College-te leh, Care Taker Officer hna thawk tha pahnih, Care Taker Officer Lalrinsangi Nghinglova, Associate Professor, Govt. Zirtiri Residential Science College leh Care Taker Officer Sanju Karwar, Govt. Diakkawn High School, Kolasib-te lawmpuina leh chawimawina hun Sports & Youth Services Minister Robert Romawia Royte hova neih a ni.

Bamboo Value Chain Development kalpui dan tur sawikhawm

Aizawl : Chief Minister Zoramthanga kaihhruaiin National Bamboo Missions leh Asian Development Bank te tangkawpin Northeast India state pangaa Mau sawngbawlna tihhmasawnna tur hmalakna a kalpui tur; Bamboo Value Chain Development in Northeast, Mizorama kalpui dan tur inrawnkhawmna Mizorama Mau sawngbawlna Industry neitute nen August 24 khan neih a ni.
    

September-ah SEDP Phase-2 pek kim hman tum

Aizawl : August 24, 2023 khan Deputy Chief Minister Tawnluia, SEDP Executive Board Chairman ni bawk hovin SEDP Executive Board chu Family Oriented SEDP Phase 2 kalpui dan tur chungchang relin Planning & Program Implementation Department Committee Room-ah an thukhawm.
    SEDP Executive Board Meeting chuan kumin September thla chhung hian Family Oriented SEDP Phase-2 hnuaia tanpuina dawng tur ten an dawn kim theih dan tur an ngaihtuah a. Phase-2 hnuaiah hian beneficiary 60,000 huam tura ruahmanna siam a ni tawh. SEDP Executive Board Meeting chuan tuna FO-SEDP Phase-1 leh Phase-2 kalpui mek zawh hnuah hian chhungkaw thar 60,000 huam leh turin Phase-3 kalpui leh an rel a ni.

Agniveer sipai lak runpui nei leh dawn

Aizawl : Army Recruiting Office, Aizawl buatsaihin Agniveer sipai lak runpui, recruitment rally thawh hnihna Phase-II chu Phase-I kaltlanga District hrang hrang atanga thlanchhuah (shortlisted candidates) te tan Rajiv Gandhi Stadium, Mualpui, Aizawlah September ni 5-6, 2023 chhung hian neih a ni dawn.
    He hun inlan turte chu Rajiv Gandhi Stadium Mualpui, Aizawlah September ni 5, zing dar 3:00 ah Admit Card leh Document thil tel ngai rally notification-in a phut ang te kenga in report tur a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh