The Week that Was on August 29, 2021

Admin - Aug 28, 2021

The Week that Was on August 29, 2021

CM leh NEC Secy
NEC Secretary K. Moses Chalai chuan 27.8.2021 khan Chief Minister Zoramthanga chu a pisa ah a hmu a, Mizorama NEC hnuaia hmalaknate an sawi dun. Chief Minister leh NEC Secretary hian Mizoram leh India hmarchhaka economy tihhmasawnna chungchang sawi dunin, tanrualna a pawimawh thu an sawi 

CS CHAWIMAWI
Mizoram Departmental Officers Association (MDOA) chuan August, 26, 2021 khan Lalnunmawia Chuaungo, IAS chu Mizoram sawrkara dinhmun hrang hrang, Principal Secretary Home & Finance, leh tuna Chief Secretary hna chelha a thawhna a theihna zawng zawng senga ram leh hnam chhan nan a beih thinna avangin chawimawina, Thuchei, Tawlhloh Puan leh Thangchhuah Diar an hlan a ni.

Olympian chawimawi
Mizo Olympian Hockey Player Lalremsiami Tokyo Olynmpic 2020 a tel avangan chawimawina August 26, 2021 khan Mizoram sawrkar chuan Vanapa Hall-ah a buatsaih.

LAW COMMISSION THUKHAWM
August 26, 2021 khan Mizoram State Law Commission chu an Chairman Lala Khobung hovin an thukhawm a, Law Commission thu-khawm vawi 39-na a ni. 

Online Teaching
High School leh Higher Secondary School Mathematics Zirtirtute tan Online Class kaltlanga zirna kalpui dan ‘Online Training on Educational Technology for Helping Teacher during the COVID-19 Pandemic’ chu 25.08.2021 leh Dt. 24.08.2021 zan khan buatsaih a ni.

PPE kit leh hmanrua
August 26, 2021 khan India Formosa Foundation leh Tzu Chi Foundation, Taiwan tangkawp ten Mizoram sawrkarin COVID-19 hripui leng a dona kawnga a hman turin PPE Kit 10000, N-95 Mask 10000 leh Face Shield 10000 Health Minister Pu R. Lalthangliana hnenah an hlan.

DISHA MEETING leh RAMRI TLAWH
Lok Sabha MP C. Lalrosanga chuan August 25, 2021 khan Kolasib-ah District Infrastructure Scheme Advisory (DISHA) meeting - District Development Monitoring & Coordination Committee Meeting a neihpui. Assam nena inkahna hmun leh Saihapui V te a tlawh.

26th SGPB meeting
State Geological Programming Board (SGPB) meeting vawi 26-na chu August 26, 2021 khan SAW conference Hall, MINECO ah neih a ni a. Directorate of Geology & Mineral Resources leh Mizoram sawrkar hnuaia lined department  hnathawh thlirho a ni.

NI 100 CAMPAIGN
Ministry of Jal Shakti, Department of Drinking Water & Sanitation hnuaia Swachh Bharat Mission (Grameen) Phase II hmalakna, 100 Days Campaign - “Sustainability of ODF gains and achieving million soakpits chu August 25, 2021 khan Dy.Chief Minister leh PHE Department changtu Minister ni bawk Tawnluia’n a hawng.

COLLEGE HAWN
August 25, 2021 khan Higher & Technical Education Minister Dr. R. Lalthangliana hovin a pisa ah Mizoram chhunga College leh zirna in sang zawkte hawn chungchang sawiho a ni.

Olympian hmuak
August 25, 2021 khan Indian Women’s National Field Hockey player, Mizo nula Lalremsiami chuan Mizoram a rawn thleng a. Airport-ah Mizoram sawrkar chuan Official Reception Programme a lo buatsaih sak a ni.

Zirna siamthat
School Education Directorate Conference Hall-ah School Education Officer-te leh Central YMA kumpuan Committee te chuan zirna siamthat chungchang August 24, 2021 khan sawihona an nei.

Tourism Minister kawm
Mizoram Tourism Minister Robert Romawia Royte chuan Union Tourism Minister of State Pu Ajay Bhatt chu a chenna inah August 24, 2021 khan a kawm a, Mizoram Tourism Department hmalakna tlangpuite a hrilh.

HMANRUA SEM RUNPUI
Aizawl DC Dr.Lalhriatzuali Ralte, IAS hovin August 24, 2021 khan Aizawl khawpui chhung leh a chhehvel hmun thenkhata thlai leh chawhmeh zuartute, kawngsira inpho te, taxi leh bus driver/handyman te bakah truck leh maxi cab khalhtu te Covid-19 hripui laka invenna turin hmaituamna mask sem runpui neih a ni.

Secretary kawm
August 23 2021 khan Robert Romawia Royte chuan Ministry thenkhata Secretary lian te kawmin Mizoram tana thil pawimawh te a sawipui.

Share now