Journalist & Home Minister
Ramri buai leh a kaihhnawih zirchiang tura rawn kal phai lam journalist ten August 4, 2021 khan Home Minister Pu Lalchamliana chu a pisa ah an hmu a, Home Minister hi Lalruatkima, I&PR Minister leh Robert Romawia Royte, Tourism Minister te bakah Home Department Secretary  Vanlalngaihsaka leh Home department officials te bakah I&PR Director  Lallianpuii ten an tawiawm a ni.

SEC in phalsak
Mizoram Sawrkar chuan August 3 khan Order No.B.13021/101/2020-DMR/Vol-V dated 31.07.2021 Clause A2 (41) in a phalsak angin, dawr leh sumdawnna hmun dang zawng kalpui dan tur chungchangah ni 4th-7th August ,2021 inkar bungraw singsa leh tifel turin hawn a phal sak.

MBCC leh CS
August 3, 2021 khan Mizoram Business Coordination Committee(MBCC) hruaitute chuan Chief Secretary Lalnunmawia Chuaungo an kawm a. Chief Secretary leh sumdawng pawl hruaitute chuan boruak thatak hnuaiah inpawh tlang takin Hripui leng avanga inkhhuahkhirhna in sumdawnna a nghawng chungchang te sawiho a ni a. He hunah hian MBCC chuan Total Lockdown vanga an harsatnate chu Chief Secretary hnenah hian an thlen bawk a ni.

KANHMUN TLAWH
Dr. R. Lalthangliana, Hon'ble Minister Health & Family Welfare, Higher & Technical, Education, Commerce & Industries chuan August 3, 2021 khan Kanhmun khua-a Covid - 19 Screening Point leh ramria duty sipaite a tlawh a. K. Lalrinliana, Supply Minister chuan a tawiawm.

Governor leh Amit Shah
August 2, 2021 khan Governor Dr Haribabu Kambhampati chuan Union Home Minister Amit Shah chu Parliament House, New Delhi-ah a kawm. Governor hian Union Home Minister Amit Shah hnenah hian tunlaia Mizoram dinhmun, ramri buaina chungchang leh Mizoram tan a thil pawimawh tak tak te a thlen. Amit Shah chuan ramri buaina chungchangah pawh inremna a awm thuai theih nan thil tih ngai apiang te tih a ni a, uluk takin hma lak mek a ni tih a lo hrilh.

I- DAY Inpuahchahna
August 3, 2021 khan Aizawl District Bawrhsap, Dr.Lalhriatzuali Ralte hovin Planning & Programme Implementation conference hall-ah kumin India Independence Day Aizawl-a lawm dan tur rel ho a ni a. Hripui leng mek avangin kumin Independence Day lawmna chu mi tlemte chauh tel turin ruahmanna siam a ni a. Ruahman ang chuan zirlai tel lovin sorkar hnathawk pawh Joint Secretary leh a chunglam chauh telin zing dar 7 ah Lammuala lawmmna programme hi hman turin tih a ni a.

DRAGONFRUIT
August 3, 2021 khan a vawikhatna atan Horticulture Department leh Clover Organic Pvt. Ltd. te tangkawp buatsaihin kuthnathawktute tharchhuah, Lakhuihthei leh Dragonfruit chu Delhi-a thawnchhuah turin JC Ramthanga, Addl. Chief Secretary, Horticulture Department chuan Horticulture Centre Chite atangin a vai liam (flag-off) a. Dr. Elizabeth Saipari, Director, Horticulture chuan a hmunah JC Ramthanga, Addl. Chief Secretary hi a lo dawngsawng a ni. 

Governor-in VP Naidu leh PM Modi a kawm
Mizoram Governor thar Dr Haribabu Kambhampati chuan August 2, 2021 khan Vice President M. Venkaiah Naidu chu Vice President Office, New Delhi-ah a hmu a. He mi ni vek hian Prime Minister Narendra Modi pawh Parliament House, New Delhi-ah a hmu a. Governor hi Lady Governor Jayashree Kambhampati chuan a tawiawm a ni.

Veng 10 tlawh
Aizawl, 1st August, 2021 : Health & Family Welfare department changtu Minister Dr. R. Lalthangliana chuan August 1, 2021 khan tun hnaia Aizawl khawpuia COVID-19 hri kai pun thar nasatna veng hrang hrang - Mission Vengthlang, Lawipu, Maubawk, Bungkawn Vengthar, Chawnpui, Chawlhhmun, Ramhlun Vengthar, Ramhlun Sports Complex, Muanna Veng leh Thuampui a tlawh.