DOWNLOAD OUR APP

Read latest news on your phone
app-store
The Week that Was on December 10, 2023
Dec 10, 2023

Election Department-in lawmthu sawi


Aizawl : General Election to the Mizoram Legislative Assembly, 2023 atana Election Commission of India (ECI) in inthlanna kalpui dan tur schedule of election a siam chu December ni 5, 2023 khan election process zawhfel a ni.

   October ni 9, 2023 a ECI in General Election to the Mizoram Legislative Assembly, 2023 a puan atanga a tul ang ang te buaipuia inthlanna hlawhtling tak buatsaih a nih theih nana theihtawp chhuahtu Official-te chungah Election Department chuan lawmthu a sawi a. Inthlanna muanawm, felfai leh langtlang siam a nih theih nana theihtawp chhuahtu Media, MPF leh NGO-te fakawm a ti a, inthlanna tihlawhtlingtu Candidate, Political party leh mipuite chungah lawmthu an sawi.


Zoramthanga'n banna theh lut


Aizawl : Chief Minister Zoramthanga chuan General Election to the Mizoram Legislative Assembly, 2023 ah a kaihhruai MNF party in hnehna an chan zawk tak loh avangin November 5, 2023 tlai dar 4:00 pm khan Mizoram Governor Dr. Hari Babu Kambhampati hnenah Chief Minister atanga a banna a theh lut.


MNF Legislature party leader atan Lalchhandama Ralte


Aizawl : December 5, 2023 khan Sawrkarna siam zo ta lo, MNF party chuan MNF Legislature party leader atan Lalchhandama Ralte an thlang.

   MNF legislature party leader atana thlan thar Lalchhandama Ralte hi Tuivawl bial atanga thlan tlin niin, MNF sawrkar a Education etc. minister a ni.

MNF Legislature Party -

Leader : Lalchhandama Ralte,

Dy. Leader : Lalrintluanga Sailo,

Secretary : R. Rohmingliana,

Treasurer : Prova Chakma


Zoramthanga banna thehluh MNF in pawm lo


ZALEN December 6, 2023 : Kum 2023 Mizoram MLA Inthlanpuia MNF Party in sawrkarna a chan zawh tak loh avanga MNF Party President Zoramthanga'n ama mawhphurhna (moral responsibility) a ngaia MNF Party President a nihna atanga banna a thehluh chungchang chu vawiin khan MNF National Core Committee leh MNF Political Affairs Committee Joint Meeting neih a ni a, an president in banna a thehluh chu an pawm lo.

   MNF Senior Vice President Tawnluia chuan Joint meeting chuan tun inthlana an chaklohna chu amah Zoramthanga mawhphurhna bik nilovin an zavaia an mawh a nih thu a sawi a. President atanga ban (resign) a dil chu Meeting chuan a pawm lova. Chuvangin MNF President anih na hi chelh zui zel se an tih thu a sawi bawk.


Governor-in CM atan Lalduhoma appointment pe


Aizawl : December 6, 2023 khan Mizoram Governor sawmna angin Raj Bhavan-ah Lalduhoma, ZPM Leader chuan Mizoram Governor Dr. Hari Babu Kambhampati chu hmuin, sawrkar siam tura a party a tlin thu official-in a hriattir. Governor Chief Minister thar atan Lalduhoma hi appointment a lo pe nghal a ni.

   ZPM Leader thu thlen hi Mizoram Governor chuan lo pawmin Chief Minister thar atan Lalduhoma hi appointment a lo pe nghal a, ZPM Leader hi K. Sapdanga leh Vanlalhlana ten an tawiawm a ni.


Tuirini-a oil paih chungchangah FIR thehlut


Aizawl : Centre for Environment & Social Justice (CESJ) chuan Seling leh Keifang inkar Tuirini lui chunga oil an hmuh chungchangah FIR an thehlut. 

   December 6, 2023 khan CESJ chuan, Seling leh Keifang inkar Tuirini lui chunga oil hmuh a nih thu an dawng a. Saitual Police Station ah FIR theh lutin, Police-ten a hmunah investigation an nei nghal a, khawi atanga oil hi luang lut nge a ni tih an chhui chiang nghal.

   Oil hi Sathanglui, Turini lui thlen hma km2 vel atanga luang lut nia hriat a ni a, he lai vel hi Seling Police Out Post huam chhung anih vangin CESJ chuan Seling Police Out Post ah FIR an theh lut leh nghal bawk.


AR-in National Integration Tour buatsaih


Aizawl : Assam Rifles chuan November ni 20 atanga December ni 5, 2023 chhung khan Aizawl atangin Amritsar, Punjab-ah National Integration Tour an buatsaih.

   Brigadier Girish Upadhya, DIG Mizoram Range chuan Aizawl atangin tour hi a lo flag off tawh a, December ni 5, 2023 khan Flagging in ceremony neih a ni. Naupang enkawlna hmun enkawltute, zirtirtu leh enkawltute an tel a ni.

   National Integration Tour-ah hian naupang 13, zirtirtu 3 leh Mizoram Student Union atangin mi 4 te an tel.


Jharkhand CS-ah Mizo pa


Aizawl : December 6, 2023 khan Jharkhand Chief Secretary turin Mizopa Lalbiaktluanga Khiangte ruat a ni.

   Jharkhand sawrkar chuan December 6, 2023 khan an state chhunga IAS leh IPS Officer thenkhat hna chanpual a siksawi a, Jharkhand Chief Secretary thar atana ruat Lalbiaktluanga Khiangte hian tunah hian Jharkhand Ranchi-a Shri Krishna Institute of Public Administration-ah Director General hna a chelh mek bakah Addl. Chief Secretary hna a chelh bawk.

   Tuna a hna chanpual chelh mek hi Jharkhand Chief Secretary hna chelh lai Sukhdev Singh hnenah pek niin, Lalbiaktluanga Khiangte hian Chief Secretary hna hi a chelh thung dawn a ni.

   Lalbiaktluanga Khiangte hi kum 1964 October ni 26-ah a piang a, kum 1988-ah IAS ah inziak tlingin, Jharkhand Cadre pek a ni a. Jharkhand bakah Mizoram sawrkar hnuaiah dinhmun pawimawh hrang hrang lo chelh tawh a ni.


District level Fire Prevention committee thukhawm


Aizawl : District Level Committee in Fire Prevention chu December 7, 2023 khan an Chairman, Aizawl DC Nazuk Kumar hovin DC Conference Hall ah an thukhawm.

   He meeting-ah Hina kangmei laka inven leh do kawnga thu ngaihtuah tur pawimawh tak tak te sawiho a ni a. Kum hmasa lama hmalakna lo neih tawhte thlirho niin, kum lo awm tura chetlak dan tur ruahmanna te sawiho a ni. Fire Prevention Week hman hun tur chungchangah state level committee in a ruahman ruala neih tura rel a ni a. Inhrilhriatna neih dan tur ruahmanna hrang hrang chhawpchhuah te en ho a sawiho a ni.


Armed Force Flag Day hmang


Aizawl : December ni 7, 1949 atanga hman tan "Armed Forces Flag Day" chu India ram pum ah kum tin December ni 7 ah hman thin a ni.

   Kumin-ah pawh hemi pual hian ram himna atana an hun lo hlan ta armed forces te'n an kalsan tak an chhungte tan vehbur khawm thin a ni. Mizoram ah pawh Sainik Welfare & Resettlement hma lakna-in ram pumah vehbur khawn a ni.

   7.12.2023 khan sawrkar official hrang hrangte hnen-ah vehbur khawn niin, Rs. 21,060 (Cheng singhnih sangkhat sawmruk) an hmu a. District Sainik Welfare Office pali ten Armed Forces Flag Day material lapel badge leh sticker sawrkar department hrang hranga chan sak tura an sem atangin thahnem tak hmuh belh tura beisei a ni bawk.


Aizawl district Crime Revenue meeting nei


Aizawl : December 7, 2023 khan Aizawl SP Conference Hall-ah District Crime Review Meeting 2023 thutkhawm neih a ni. He meeting hi IGP (L&O) Neihchungnunga, IPS chuan hawngin Aizawl SP Rex Zarzoliana Vanchhawng chuan a kaihruai a ni.

   He hunah hian Aizawl District chhunga Sub-Divisional Police Officer-te, Officers-in-Charge leh Investigating officer-te an tel a ni.

   District Crime Review meeting vawiina neihah hian member kalte hnen atangin kum 2023 chhunga special report case (sensational case) leh District chhunga case register chungchanga hmalakna leh hmalak zui dan turte sawiho a ni a. Aizawl District-ah hian kumin 2023 November ni 30 thlengin case register 2238 awmin heng atang hian case 920 te chu charge sheet tawh a ni.


Mi pali hnenah Millionaire Farmer of India Award 2023 hlan


Aizawl: December 7, 2023 khan Pusa Ground, New Delhi-ah ‘MILLIONAIRE FARMER OF INDIA AWARD 2023’ semna neih a ni a. Mizoram atangin District pali a kuthnathawktu ten he award hi an dawng.

   Award dawngtute chu - KB. Sangkhuma, Rabung, Khawzawl District; M. Hrangmawia Siata, Siaha District ; VL Remruatpuia, Darlak, Mamit District ; Vanlalfela N. Vanlaiphai, Serchhip District te an ni. Award dawngtute hi Mizoram KVK ten nomination an siam atanga an thlan chhuah an ni a. He program hi Krishi Jagran te chhawp chhuah niin, Mahindra Tractor ten an sponsor a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh