DOWNLOAD OUR APP

Read latest news on your phone
app-store

The Week that Was on December 12, 2021

Dec 12, 2021

The Week that Was on December 12, 2021

CM leh UNDP
Chief Minister Zoramthanga leh India rama United Nation Development Programme (UNDP) India hotute December 9, 2021 khan a pisa ah an inkawm. UNDP Deputy Resident Representative Nadia Rasheed leh officials dang te nen CMr chuan Mizorama UNDP hmalakna leh hmachhawp te an sawiho.

Kum 40 tlin lawm
Cooperation Minister C. Lalrinsanga, Agriculture leh Irrigation & Water Resources enkawltu ni bawk chuan Mizoram State Cooperative Marketing and Consumers Federation Limited (MIZOFED) kum 40 tlin Ruby Jubilee lawmna program an buatsaih chu December 9 khan khuallian niin a hmanpui a. MIZOFED Chairman lo ni tawh,  Turial bialtu K. Laldawngliana MLA pawhin he hun hi a hmanpui bawk a ni.

Daingul
December 9, 2021 khan Conference Hall, Mizoram Legislative Assembly –ah Lehkhabu pahnih Daingul – I leh Daingul- II, Thu leh Hla lama Zoram Miril pahnih Rokunga leh Zikpuii Pa (KC Lalvunga) kutchhuakte zirzauna chu a duh apiang te chhiar theih turin Speaker Lalrinliana Sailo chuan a tlangzarh.

CM leh NFR
December 9, 2021 khan Chief Minister Zoramthanga chuan Anshul Gupta, General Manager, Northeast Frontier Railway leh NFR official dangte nen a pisa ah an inkawm.

CM luangchhuak
Chief Minister Zoramthanga chuan kumin Krismas pualin District 11 chhunga Home leh Centre hrang hrang te tan Discretionary Grant, 2020 – 2021 atangin tanpuina sum December 8, 2021 khan a pe chhuak a. Heng tanpuina sum pek chhuah hi a vaiin Rs. 2,35,-500/- (cheng Nuaihnih Singthum Sangnga leh Zanga) a ni:

TLANGZARH
December 7, 2021 khan Home Minister Lalchamliana chuan Synod Multipurpose Training Center Hall, Mission Vengthlangah lehkhabu - ‘Mizoram leh Assam Ramri Buaina’ a tlangzarh. 

PRIDE
Information & Public Relations Department buatsaihin PRIDE, Lok Sabha, New Delhi ah training nei turin Journalist leh I&PR Officer 12 te chuan December 7 khan New Delhi an pan a ni.

ARMED FORCES FLAG DAY
December 7, 2021 khan rampum rualin Mizoramah pawh Sainik Welfare & Resettlement chuan Armed Forces Flag Day an hmang. Armed Forces Flag Day ni hian indonaa sipai nun chan ta nupui fanau te, hliam tuara ramtuileilo a awmte leh ex-Servicemen leh hmeithai (war widow) harsa zual te tanpui nan, mi tlawmngaite leh mi inphalte hnen atangin tanpuina khawn thin a ni.

Sawipui
MP(LS) C. Lalrosanga chuan December 6, 2021 khan Parliament House, New Delhi-a a pisaah Communications, Railways, Electronic & IT Union Minister Ashwini Vaishnav hmuin, Mizoram mamawh ṭhenkhat a sawipui. 

Gov. leh Oil Company
December 6, 2021 khan Larsap Dr. Hari Babu Kambhampati chuan Oil Marketing Company – Indian Oil Corporation Limited (IOCL), Bharat Petroleum Corporation Limited (BPCL) leh Hindustan Petroleum Corporation Limited (HPCL) hotulute leh aiawhte a pisa Raj Bhawan ah a kawm.

Share now