Siaha tlawh
December ni 2, 2021 khan Helicopter hmangin Mizoram Larsap Dr. Hari Babu Kambhampati chuan zan khat riakin Siaha a tlawh. Mizoram Governor Dr. Hari Babu Kambhampati hi Circuit House-ah Siaha District a sawm bik ten an lo hmuak.

Sawrkar laipui dawr
New Delhi a cham mek Rural Development Minister Lalruatkima chuan December 2, 2021 khan sawrkar laipui (Government of India) hnuaia Ministry of Rural Development leh Ministry of Home Affairs hnuaia mi pawimawh hrang hrang te New Delhi-a an office-ah a hmu

Kum 75 pualin hun hmang
December 2, 2021 khan Chanmari YMA Hall-ah Mizoram a Common Service Center te chuan Independence Day vawi 75-na lawmna Programme an nei a Lalramsanga Sailo, IRS, Secretary ICT Department chu khuallian a ni.

Union Minister leh NSA adviser hmu
Mizoram Chief Minister  Zoramthanga chuan Housing and Urban Affairs leh Petroleum and Natural Gas changtu Union Minister Hardeep Singh Puri chu December 1, 2021 khan Parliament Building-a a pisaah a hmu a. National Security Adviser Pu Ajit Doval nen inkawmna hun an hmang bawk.

Khawpui fai endik
October ni 2, 2021 atanga November ni 30, 2021 chhunga Mizoram Khawpui Fai Intihsiakna 2021 inpuahchah hun chhung a zo ta a, endikna kalpui tan nghal a ni. Endiktu tura ruat ‘Panel of Judges’ te hi 1.12.2021 khan Secretary, UD&PA Department K. Lalthawmmawia’n UD&PA Directorate tualah a vailiam a ni. 

Ward cheithat hawng
Health Minister Dr R Lalthangliana chuan Aizawl Civil Hospital Emergency (Casualty) Ward tihchangtlun leh cheithat chu December 1, 2021 khan a hawng a. Health & Family Welfare Board Vice Chairman Dr ZR Thiamsanga, MLA chu khual zahawm a ni.

Hnathawh endik
K.Lalrinliana, Food, Civil Supplies & Consumer Affairs Department Minister, Kolasib Assembly Constituency bialtu MLA ni bawk chuan Kolasib khaw chhunga MLA-LADS hmanga hmalakna thenkhat December 1, 2021 khan a endik a, 2022 KTP General Conference thlenna tura ruahman Diakkawn Field-a inbuatsaihna kalpui dan tur a enpui bawk a ni.

Vanlaltlana lalut
December 1, 2021 khan Durbar Hall, Raj Bhavan-ah Governor Hari Babu Kambhampati chuan Pu Vanlaltlana Chief Engineer Retired chu Member, Mizoram Public Service Commission(MPSC) atan rinawmna thu tiam tirin a lalut.

Rally neih a ni
Mizoram State AIDS Control Society (MSACS) bultumin December 1, 2021 khan World AIDS Day Rally (kawngzawh) neih a ni a. Health Minister Dr R. Lalthangliana’n hmanpui, Vanapa Hall atanga Millenium Centre thleng kawngzawh a ni a, Millenium Centre tualzawlah inkhawmna hun tawi hman a ni.

Amit Shah hmu
MP (LS) C.Lalrosanga  chuan November 30, 2021 khan Union Home Minister Pu Amit Shah chu Parliament House a office-ah a hmu ahmuin Mizoram mamawh thenkhat bakah Zokhawsanga Assam Rifles sawnchhuah chungchangah hma thar la turin a ngen.

Union Finance Minister hmu
November 30, 2021 khan Mizoram Chief Minister Zoramthanga chuan Union Finance Minister Nirmala Sitharaman chu Parliament Building-a a pisaah a hmu a, Mizoram mamawh hrang hrang a sawipui.

MIZO TAWNG ZIRHONA
November 30, 2021 khan Mizoram Sorkar, Human Resource Development Board bultumin Pachhunga University College Mizo Department chuan ni hnih awh, Video Conference kaltlanga Mizo Tawng Zirhona, 'Mizo Tawng : Dinhmun leh Hmathlir' (International Webinar on Mizo Language : Status and Prospects) an buatsaih chu Mizoram Youth Commission Chairman, Dr. Vanlaltanpuia chuan a hawng.

Narendra Modi hnenah mamawh thlen
Mizoram Chief Minister Zoramthanga chuan November 30, 2021 khan India Prime Minister Narendra Modi chu Parliament Building-a a office-ah hmuin inkawmna hun tha tak an hmang a. Mizoram mamawh hrang hrang a thlen te chu Prime Minister  Narendra Modi hian ngai pawimawhin a tul anga bawhzui a nih tur thu a sawi a ni.

FLORIST FAIR HAWNG
Mizoram Florist Association (MFA) buatsaih, Florist Fair chu November 30, 2021 khan Aijal Club Park-ah Dr.Renu Sharma IAS, Chief Secretary-in a hawng.