Airtel 5G tlangzarh
Aizawl : Chief Minister Zoramthanga chuan 14.02.2023 khan Airtel 5G Plus Services a tlangzarh. He programme, CM office conference hall a neih hi Airtel Mizoram buatsaih niin, ICT Minister Pu Robert Romawia chu khualzahawm a ni.
    Chief Minister chuan Airtel-in 5G Plus Service an tlangzarh thei ta chu lawmawm tiin, mipui tan tangkaina tam tak a thlen ngei a rin thu a sawi a. Mizoram chu tlangram a awm a nih avanga inkalpawhna kawng pawh tihhmasawn a la ngai zel. Digital age a kan awm chhawr tangkaia, hmun leh hmuna in awmchilh ngei kherlo in, internet kaltlanga thil tih theih tangkai tak tak a awm ta zel chu malsawmna a nih thu a sawi.

DoNER Minister hovin meeting
Aizawl: , 14.02.2023 khan DoNER (Development of North Eastern Region) Minister G. Kishan Reddy chuan Chief Minister Zoramthanga video conference-ah a kawm a, DoNER kaltlanga state hmalakna hrang hrang chungchang an sawi.
    Meeting-ah hian sawrkar kum 2022-23 atana budget expenditure chungchang te, hmarchhak state-te tana investment summit buatsaih tum atana hmalakna te, G-20 summit atana inbuatsaihna te, North East Industrial Development Scheme (NEIDS) chungchang te, CNA fund system atana inbuatsaihna te, PM Devine hnuaia project chungchang leh adang te an sawi a ni.

Financial Literacy Campaign hawng
Aizawl: Sawrkar laipui Ministry of Corporate Affairs hnuaia Investor Education and Protection Fund Authority (IEPFA) leh Mizoram sawrkar Tourism Department tangkawp chuan 14.02.2023 khan “State Level Conference on Financial Literacy in Amrit Kaal” chu Aizawl Vanapa Hall-ah an buatsaih
    Tourism Minister Robert Romawia Royte chu he hunah hian khuallian niin Chief Secretary Renu Sharma chu khualzahawm a ni. He programme hi India ram zalenna kum 100 champhaphak thlen hma kum 25 “Amrit Kaal” hmalakna peng pakhat a ni.
    Robert Romawia Royte chuan Mizoram State tana Sawrkar Laipui leh Mizoram State Sawrkar tangkawpin financial literacy campaign an buatsaih chu lawmawm a tih thu sawiin, sum leh pai peipunna lam hawi inzirtirna hi Mizoram mipuiten kan mamawh hle a ni, a ti.

Rualbanlo te dinhmun zirchianna zirho
Aizawl : Centre for Disabilities Studies leh State Commission for Persons with Disabilities te tangkawpin an buatsaih Awareness on Issues and Challenges of Persons with Disabilities in Mizo Society chu , 16.02.2023 khan Aijal Club-ah neih a ni. 
    He huna khuallian State Commission for Persons with Disabilities Chairman Vanlaldiki Sailo chuan, "Rualbanlo kan tih te sawrkar chuan a ngai pawimawh chho zel a, an tan ruahmanna leh hamthatna tam tak siamin, sawrkar hna lak chungchangah pawh rualbanlote tan Rights of Persons with Disabilities, 2016 tlawhchhanin 4% dah sak an ni a, school admission tihnaah pawh 5% hial a dah tawh bawk a ni a ti. District Level Committee on PwDs chu district tinah din a nih thu te sawiin NIELIT nen tang kawpin mitdel ten computer application course an zir theihna tur ruahman mek a nih thu sawiin Gilead Special School ah Digital Class Room siam a nih thu leh autistic te tan Smart Class Room buatsaih leh chhoh mek a ni tih a sawi

New Market bulding tlawh
Aizawl: Dr. R. Lalthangliana, Commerce & Industries Minister chuan , February 17, 2023 khan New Market-a bazar tur building pahnih sak mek a tlawh a. Tourism Minister Robert Romawia Roytechuan he hun hi a hmanpui a ni.
    Minister chuan building sak te chu quality vawn that a pawimawh thu sawiin tuna building pahnih sak mek te hi mipui tam tak chhawr tur a nih bakah hmun laili leh pawimawh taka a awm avangin building sak zawh fel thuai a chakawm thu a sawi. Dr. R. Lalthangliana chuan khawtlang hruaitute chu bazar sak mekah tawiawm zel turin a sawm a ni.
    Robert Romawia Royte chuan a bial chhung a hmun pawimawh sak a nih chu lawmawm a tih thu sawiin mipui tam thei ang berin an hman tangkai ngei a beisei thu a sawi.

Home Commissioner hovin B20 Meeting thlirho
Aizawl : Home Commissioner  H. Lalengmawia, IAS, G20 Core Committee Chairman ni bawk hovin March ni 2 a Aizawl a G20 intawhkhawma chikhat – B20 Meeting March 1 leh ni 3 inkar a awm tur atana inpuahchahna leh inbuatsaihna te February 6 khan an thlir ho
    Meeting kaihruaitu Core Committee Chairman H. Lalengmawia he intawhkhawmna atana inbuatsaihna leh inpuahchahna kalpui mek te a tha thawhkhat nia a hriat thu sawiin hengte hi amah hovin Core Committee chuan enzuiin an vil reng thu a sawi bawk. Sub-Committee hmalakna chu Mizoram hmel lanna bakah India ram hmel lanna anih tel avangin an hmalak tawhna ah lawmthu hrilhin theihtawp chhuah zel turin a chah a ni.

Union minister in Serchhip tlawh
Aizawl : Sawrkar laipuia Telecommunications Ministry enkawltu Minister of State Devusinh Chauhan chuan February 17 khan Serchhip a tlawh.
    Serchhip helipad-ah Serchhip district bawrhsap Nazuk Kumar, Serchhip SP Stephen Lalrinawma, Serchhip Addl DC Lalmuansanga Ralte leh Serchhip district a sawrkar official ten an lo hmuak a ni.
    Serchhip DC Conference Hall-ah Serchhip district official pawimawhte nen inkawmhona hun hmangin Devusinh Chauhan chuan Prime Minister Narendra Modi-a'n India hmarchhak hmasawnna a ngaih pawimawh thu leh a vei thu a sawi a, Minister te chu India hmarchhak state tlawh vek turin a tih thu sawiin anni pawhin phur takin an bawhzui tih a sawi.

HIV/AIDS tana thawktute hmun tur sakna lung phum
Aizawl : Health & Family Welfare Minister Dr. R. Lalthangliana'n chuan February 17, 2023 khan MINECO-ah State Resource Centre for HIV/AIDS building thar sakna tur lungphum phumna hun a hmang. Khuallian Health Minister Dr. R. Lalthangliana chuan State Resource Centre for HIV/AIDS tiin a hming vuah mah ila anihna dik takah chuan MSACS office building tur a ni tih a sawi a, hun rei tak office nghet nei lova an insawnkual sek hnua hetianga hmun nghet an nei ta chu a lawmawm a ni a ti.

BUDGET 2023-24 pharh
Finance changtu chief minister Zoramthanga chuan February 13 khan Assembly Budget Session-ah kum 2023-24 atana Mizoram budget ruahman Rs. Vbc 14,209.95 a pharh. Budget thar hi 2022-23 budget Rs. Vbc. 14,008.15 aiin Rs. Vbc.  201.80 in a tam zawk a. State sawrkar flagship programme SEDP (Family Oriented) ah Rs. Vbc. 300 dah a ni.
    Chief Minister hian budget a pharh rual hian kum 2021-22 chhunga sum indaih lohna phuhrukna tur Supplementary Demand For Grants Rs. vbc. 3,141.36 a pharh nghal bawk.

RBI buatsaih Financial Literacy Week 2023 hawng
Aizawl: Governor Hari Babu Kambhampati chuan February 13, 2023 khan Financial Literacy Week 2023 chu Auditorium, Mizoram Rural Bank, MINECO ah a hawng a. FLC 2023 chung hian thupui atan “Good Financial Behaviour – Your Saviour” tih hman a ni a. 
    Governor Hari Babu Kambhampati chuan India sawrkarin tihpuitlin a duh em em chu mitin ban phaka sum vawn dan tha zawk – banking services leh digital banking services te chhawp a ni tih a sawi a. Kum 2013 khan National Strategy for Financial Education chu tlangzarh a ni.