The Week that Was on January 23, 2022
MOBILE I-LAB HAWNG
Sawrkar Laipuia Ministry of Science & Technology in Mizoram tana a thlawna an pek Mobile I-Lab (Infectious Disease Diagnostic Laboratory) chu January 20, 2022 khan Chief Minister Zoramthanga leh Union Minister of State for Science & Technology Jitendra Singh ten internet kaltlangin an hawng.
NITI Aayog Team & CM
Chief Minister Zoramthanga chu January 20, 2022 khan a Office ah NITI Aayog a Sustainable Development Goals (SDGs) buaipuitu Sanyukta Samaddar, Adviser (SDGs) NITI Aayog leh a hoten an hmu a. SDG a tehfung hrang hranga a ram pum leh state dangte tehkhina Mizoram dinhmun te; Hmarchhak District te SDG zirchianna Mizoram District dinhmun te an sawiho a ni.
Virtual meeting
Health Minister Dr. R. Lalthangliana hovin District tina Chief Medical Officer (CMO) ten COVID-19 dinhmun sawihovin January 19, 2022 khan virtual meeting an nei a, Minister hi Health Secretary R. Lalramnghaka leh Dr Lalbiakkima, President, Mizoram State Medical Council & Executive Member, IMA ten an tawiawm.
MP (LS) IN TLAWH
January 18, 2022 khan Northern Eastern Frontier Railway-in Khamrang leh Sihhmui inkar rel kawng an siam mek chu C. Lalrosanga, MP (LS) chuan a hmunah kalchilihin chip-chiar takin a enpui.
SAMAGRA SHIKSHA
School Education Minister Lalchhandama Ralte hovin SAW Conference Hall Aizawl-ah January 19, 2022 khan Samagra Shiksha Mizoram hmachhawp leh Annual Work Plan & Budget 2022-23 siam dan tur ruangam thlirho an nei.
PISA LUAH FEL
December ni 17, 2021-a Deputy Commissioner's Office, Aizawl District a kangmei nasa tak chhuah avanga Superintendent of Police, Aizawl Office-a luah hnuin January ni 18, 2022 atangin District Emergency Operation Centre (DEOC) Building, Deputy Commissioner Office Complex-ah a in sawn fel.
NGHAM nen inkawm
January 18, 2022 khan Health Minister Dr R. Lalthangliana hovin a pisa ah Non-Government Hospital Association of Mizoram (NGHAM) hruaitute an inkawm a, Covid-19 a hmalakna hrang hrang an sawiho.
3D AH PAKHATNA
India ram state hrang hrangte intihsiakna National Kala Utsav 2021 January 1-12,2022 chhunga neih result puanchhuah Visual Arts 3D painting-ah Mizoram aiawha chhuak Lalruatfeli, Class IX, Kids Care School, Ramhlun South, Aizawl chu pakhatna a ni.
Minister leh IMA
Health Minister Dr R. Lalthangliana hovin Indian Medical Association (IMA) hotuten a pisa ah Mizoram thingtlang khaw hrang hranga COVID-19 hripui darh nasa mek chung-changah Jan. 18, 2022 khan IMA ten hma an lak dan tur an sawiho.
PAC thukhawm
Mizoram State Legislative Assembly hnuaia Public Accounts Committee chu Chairman Vanlalhlana MLA hovin January 18, 2022 khan Assembly Committee Room-ah an thukhawm a. Mizoram sawrkar sum hmanna leh hemi chungchanga enzui ngai te an thlir ho a ni.
VETY & SERI BOARD
AH & Vety Minister Dr. K. Beichhua kaihhruaiin SEDP hnuaia Veterinary & Sericulture Board member leh Department hotute'n kum kal ta a hmalak tawhna leh 2022-2023 a hmalak chhoh dan tur sawihona SAD, MINECO-ah January 17, 2022 khan an nei.
Thukhawm
State Task Force on Immunization chu an Chairman Pu R. Lalramnghaka, Health Secretary hovin Directorate of Health & Medical Education (DHME) Conference Hall, MINECO January 17, 2022 khan ah an thukhawm.
REPUBLIC DAY
Kumin India Republic Day Aizawl-a lawm dan tur chung chang ah January 17, 2022 khan Dr.Lalhriatzuali Ralte IAS, Deputy Commissioner Aizawl District hovin sawrkar department pawimawhte leh NGO aiawh te Aizawl S.P conference hall-ah an thu khawm a. Joint Secretary chin chung lam te bakah sawm bik mi tlemte chauh telna tura duan a ni a. March Past leh Award sem te awm lovin Band party leh Armed contingent tlem te chauh tel turin ruahman a ni.
PISA LUAH TAN
January 17, 2022 khan Serchhip Bawrhsap thar tura ruat Nazuk Kumar, IAS chuan a mawhphurhna thar a pisa luah tan ta a, he mawhphurhna lo chelh hmasatu Kumar Abhishek, IAS pawhin Serchhip chhuahsanin a hnathawhna hmun tur Delhi lam a pan nghal bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024