DOWNLOAD OUR APP

Read latest news on your phone
app-store
The Week that Was on January 30, 2022
Jan 30, 2022

SDCO hawng
January 24, 2022 khan K.Lalrinliana, Minister of State for Food, Civil Supplies and Consumer Affairs Department, Kolasib Assembly constituency bialtu MLA ni bawk chuan Sub-Deputy Commissioner's Office, Bairabi building sak thar a hawng a. Dr.H.Lalthlangliana, Deputy Commissioner-in SDC Office building thar hawnna hun hi kaihruaiin Kolasib district-a sawrkar office hrang hranga hotute leh Bairabi NGO hruaitute an tel a ni.

Hotel/Guest House 3 
Nilaini khan Aizawl DC, Chairman District Disaster Management Authority ni bawk chuan The Disaster Management Act, 2005 bung 34(a) in thuneihna a pek ang leh hemi tlawh chhanin Hotel/Guest House 3- Tourist Lodge, Chaltlang ; Grand Hotel, Chanmari ; Lushai Hills Residency, Zarkawt chu Covid hri vei mahse natna langchhuak lote (asymptomatic covid positive persons) tan man chawi inenkawlna hmuna (Paid Covid Centre) atan hman a nih tur thu hriattir in heng Hotel/Guest House te hi a Requistion tih a puang.

National Voters’ Day 2022 hman a ni
Aizawl January 25, 2022 khan ram chhung hmun hrang hrang rualin Mizoramah pawh National Voters’ Day(NVD) vawi 12-na hman a ni a. State huapa he ni hmanna, Election Department buatsaih, SAD Conference Hall MINECO-a neih chu Chief Secretary Dr. Renu Sharma in a hmanpui a ni.

REPUBLIC DAY VAWI 73-NA
India ram Danpui hman tanna ni, Republic Day chu India ram hmundang te rualin Mizoram hmun hrang hrangah te CoVID-19 Hrileng karah Sawrkarin Inkaihhruaina a siam te tha taka zawmin lawm a ni a. Mizoram chhunga 72nd Republic Day lawman programme lian ber chu January 26, 2022 zing dar 8 khan Sipai Lammualah neih a ni. He hunah hian Governor Hari Babu Kambhampati chuan India Hnam Puanzar pawtparhin Parade contingent ruat bik ten Hnam Puanzar zahna chibai an buk chu a chhanglet a. Hemi hnu hian Republic Day puala thuchah a sawi chhunzawm nghal a ni.

Virtual Programme
Chapchar Kût Organising Committee chu an Chairman Chief Minister Zoramthanga hovin Assembly Annexe Conference Hall-ah January 27, 2022 khan kumin Chapchar Kut (March ni 4) lawm dan tur relin an thukhawm a, Virtual programme hmanga hman tura rel a ni.

IAAP Conference
Aizawl January 27, 2022 khan Governor Hari Babu Kambhampati chuan Department of Clinical Psychology, Mizoram University in a buatsaih, 57th National and 26th International Conference of the Indian Academy of Applied Psychology(IAAP) chu a hawng a. He conference-ah hian “Relevance of Psychology on Pandemic Condition and its impact on well-being in the digital world”, tih chu thupuiah hman a ni e. Conference hian ni 2 chhung a awh dawn a ni.

ATL hawng
School Education Director Pu James Lalrinchhana chuan January 27, 2022 khan Govt. Mizo High School, Aizawl-a Atal Tinkering Laboratory (ATL) siam thar a hawng.

DINHMUN SAWIHO
January 27, 2022 khan Health Minister Dr R. Lalthangliana hovin SAD Conference Hall, MINECO-ah COVID-19 hripui dona kal mek a thawktu healthcare frontline worker te leh hmanraw hrang hrang dinhmun sawiho a ni a, Health & Family Welfare Board Vice-Chairman Dr ZR Thiamsanga MLA, bakah DM&R leh Health & Family Welfare department hotute an tel a ni.

 

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh