TLAWH
January 4, 2022 kha kum 2022 atana sorkar pisa hawn tan ni a ni a,  Minister Robert Romawia Royte chuan a Department enkawl 3- ICT Directorate, Mizoram State Sports Council, Tourism Directorate leh Sports Directorate office te tlawhin kumthar chibai a buk. Minister hi Pu TC Pachhunga Ex-MLA,Vice Chairman,Sports,Youth Affairs,Tourism & ICT Board in a tawiawm.

THUKHAWM
Health Minister Dr R. Lalthangliana hovin Health & family Welfare Department official pawimawh ten January 4, 2022 khan Mizorama Covid dinhmun thlirhona leh Covid variant thar 'Omicron' lo thleng thei thlir lawkin meeting an nei a. Health & Family Welfare Board Vice Chairman Dr. ZR Thiamsanga, MLA pawhin he hun hi a hmanpui a ni.

AADHAAR Card
Aizawl District bawrhsap Dr. Lalhriatzual Ralte, IAS chuan December Ni 17, 2021 a Deputy Commissioner, Aizawl Office kangmeiin a tihchhiat avanga Aadhar thlalak ngai tam tak ten harsatna an tawk chu pawi an ti thu thuchhuah a siam a, mipuiten harsatna an tawh chhunzawm loh nan January 4, 2022 khan ruahmanna a siam a, Aadhar thla la duh ten heng a hnuaia Common Service Centres te pan turin a ti.

MIZORAM TEAM
Labour, Employment, Skill Development and Entrepreneurship Department hmalaknain Mizoram Team member 12-te chu trade 9-a India Skills National Competition, New Delhi-a neih tura intihsiakna hmachhawn turin Lalramsanga Sailo, Secretary, LESDE Dept. chuan January 4, 2022 khan a vailiam.

CM leh EKI
January 4, 2022 khan Chief Minister Zoramthanga leh EKI Energy Services Ltd. hotute CM pisa ah an inkawm a, carbon trading chungchang an sawiho. Mizoram chuan carbon trading atan potential /theihna nasa tak a neih thu leh state tana sum hnar tha tak a nih theih dan te an sawiho.

CM leh N. Ranga Rao & Sons Pvt. Ltd. hotute inkawm
Thawlehni khan Chief Minister Zoramthanga chuan a pisa ah N. Ranga Rao & Sons Pvt. Ltd. hotute nen inkawmin, mau hmanga thilsiam chhuah chungchanga Mizorama hmalakna awm thei an sawiho.

HEALTH MINISTER LEH CYMA
January 5, 2022  khan Health Minister Dr. R. Lalthangliana chuan Central YMA Office Bearers-te a pisaah kawmin COVID-19 hripui chungchang an thlirho bakah leh hmalak zel dan turte an sawiho a, Health & Family Welfare Board Vice Chairman Dr. ZR Thiamsanga, MLA pawh he meeting ah hian a tel a ni.

THUCHHUAH
Ministry of Home Affairs leh Mizoram Sawrkar Home Department-in dan kalha Myanmar atanga kuhva leh thinghmarcha lakluh leh phurh chhuah khap tura a tih bawhzuina kalzelah District Magistrate, Champhai District Maria C.T Zuali chuan Kuhva leh Thinghmarcha lak luh leh phurh chhuah khap tlat a nih thu January ni 5, 2022 khan a chhuah.

College Principal te Kokhawm
January 6, 2022 khan Higher & Technical Education Minister Dr R Lalthangliana chuan SAD Conference Hall, MINECO-ah Mizoram Sawrkar hnuaia College Principal zawng zawngte ko khawmin meeting a neihpui.

Mamawh thlen
Delhi a Sawrkar laipui dawra kal, Rural Development Department changtu Minister Lalruatkima chuan January 6, 2022 khan Sawrkar Laipui Ministry of Rural Development hnuaia Officer pawimawh te an Office ah tlawhin a Department chan hnuaia hmalakna kal mek leh hmachhawp-te a sawipui a. Mizoram tana nasa zawka hmalakpui turin a ngen a ni.

Agriculture Minister Meeting
January 6, 2022 khan Union Minister for Agriculture Narendra Tomar leh DoNER Minister G. Kishan Reddy te hovin Hmarchhak Agriculture Minister te chuan video conferencing kaltlangin Hmarchhak state hrang hranga lo neih leh tharchhuah chungchangte leh hengte kaihhnawiha an hmachhawp leh harsatna te an sawiho a. Agriculture Minister C Lalrinsanga pawh he meeting ah hian a tel.