The Week that Was on July 18, 2021

Admin - Jul 18, 2021

The Week that Was on July 18, 2021

PPE 3,000 HFW hnenah hlân
July 16, 2021 khan Dr. R. Lalthangliana chuan' Scheme for Support of Local Artistant who lost thier sources of livelihood due to Covid-19 pandemic.lockdown' hnuaia Commerce & Industry department in Aizawla puanthui te a thui tir personal protective equipment (PPE) set 3,000 chu Health Department hnenah a hlan

IPR leh Visual media
Information & Public Relation (IPR) minister Lalruatkima chuan July 21 khan Secretariat conference hall-ah electronic media - Doordarshan, All India Radio, LPS Vision leh Zonet Cable TV aiawh te chu inkawmhona a neihpui a, electronic media kaltlanga mipui zirtirna kalpui dan tur an sawiho.

Electric bill 
Zirtawpni khan Power & Electricity department chuan thuchhuah siamin elctric bill siam dan chungchang an sawifiah a, May 10, 2021 atangin lockdown vangin  consumer energy meter reaading lak, bill sem leh bill counter hawn tihtawp lailawk a nih thu leh social media leh chanchinbu lamah thu dik tawk loh vawrhdarh a nih thu an thuchhuah-ah hian an tarlang.

ZMC-ah pe
July 16, 2021 khan SRH-ZMC-a thawhtute ei tur leh Poor Fund-ah Rs. 11,000 chu Mizoram Medical Laboratory Technology Graduate Association (MMGA) chuan an pe a, laboratory staff te ei leh in sendo atan Rs. 4,500 an pe bawk. MMGA chuan Covid-a19 avanga damlo te buaipui tura hlawh nei lova inpe te chungchang lawmthu an sawi. 

Enfiah
Covid-19 hri lek meka Mizoram dinhmun zirchiang tura rawn kal te chuan Nilaini-a health minister nen inkawmna an neih hnuah July 16, 2021 khan Zoram Medical College an tlawh.

Mizoram parukna
July 15 khan health minister Dr. R. Lalthangliana hovin Covid-19 veite enkawlna hmun atanga chhuah tir dan chungchang sawiho a ni a. he hunah hian minister chuan Mizoram chu Covid-19 vaccine pekah India ram state leh union territory zinga ti tha parukna a nih thu a sawi.

DoNER leh CM te
Ningani khan DoNER minister thar G Kishan Reddy hovin hmarchhak CM ten video conference hmangin inkawmhona hun an hmang a, he hunah hian chief minister Zoramthanga pawh a tel. Space technology chungchang sawiho a ni.

Exam hun sawn
July 23-30, 2021 inkara HSLC leh HSSLC special/coampartmental exam hun tura ruat chu Mizoram Board of School Education (MBSE) chuan a hun a sawn a, HSLC hi August 9-13 inkara neih tur niin HSSLC hi August 9-11 inkara buatsaih turin thuchhuah a siam thar.

BSUP tlawh
Aizawl mayor Lalrinenga Sailo leh sawrkar official te chuan Covid-19 veite enkawlna Basic service for the Urban Poor (BSUP leh Durtlang Covid care centre (CCC) chu ICFAI University CCC-ah sawn a nih dawn avangin heng hmun te hi an tlawh.

Thlawp turin ngen
July 14 khan Sports & Youth minister Robert Romawia Royte chuan Tokyo Olympic 2020 atana Indian Olympic official t-shirt chu a pisaah a sem a, Mizoram atanga he Olympic a tel tur Lalremsiami thlawp turin Mizo mipuite a sawm.

CM piancham
July 13, 2021 khan Chief Minister Zoramthanga pianchampha vawi 77 na a ni a, State chhung piah lamah ram hruaitu engemaw zatin lawmpuina an hlan.

Unicef-in pe
Sawrkar damdawiina hman turin UNICEF chuan Mizoram health department hnenah oxygen concentrator 150 leh a kaihhnawih hmanrua hrang hrang chu July 12, 2021 khan an dawng.

PM leh CM te
July 13, 2021 khan India hmarchhak state pariat chief minister te chu Prime minister Narendra Modi chuan video conference hmangin inkawmna a neihpui a, he hunah hian Covid-19 thawh hnihna chungchang sawiho a ni a, CM Zoramthanga pawh he hunah hian a tel a, Mizoram mamawh te a thlen nghal bawk.

HM leh Press
Home Minister Lalchamliana chuan Thawhtanni khan a pisaa Press mite inkawmhona a neihpui a, he hunah hian Mizoram leh Assam ramri buai chungchangah Mizoram sawrkar chuan thal thlah hmasak a tum lo tih a sawi a, "A tul a nih erawh chuan kan inkap ang," a ti.

Tawlh tum lo
July 12, 2021 khan Rajya Sabha MP K. Vanlalvena chuan Phainuam ram, Buarchep hmuna Mizoram police inkulhna hmun a tlawh a, buaina thlengah Mizoram sawrakar chu a tawlh ngai loh tur thu a sawi.

Nuai 27 man Bungrua pe
Zoram Medical College (ZMC) a hman turin Thawhtanni khan D-3 Buisness Enterprise chuan ICU bungrua cheng nuai 27 man an pe a, ZMC Director hnenah a neitu Dr. Lalmalsawma Nghaka chuan heng bungrua te hi a hlan.

MHIP thuchhuak
Mizo Hmeichhe Insuihkhawm Pawm (MHIP) General Headquarters chuan July 12, 2021 khan thuchhuah siamin, Mizoram chhan nan hmeichhia ten tangkaina an neih chuan tlanchhiat an tum lo thu leh an tanrual tlat tur thu an taralang.

Hun pawtsei
April-a district hrang hranga kangmei chhuak zirchiang tura din, Sate Special Investigation Team in report an thehluh hun tur chu ni 15 atan pawhsei a nih thu Diasater Management& Rehabilitation department chuan Thawhtanni khan thuchhuah an siam.

Share now