DOWNLOAD OUR APP

Read latest news on your phone
app-store
The Week That Was on July 23
Jul 23, 2023

EVM hman zirna tur Demonstration Mobile Van vailiam

Aizawl : MLA General Election 2023 inbuatsaihna atan July 17, 2023 khan DC Office, Aizawl-ah Demonstration Mobile Van chu Dr. Lalhriatzuali Ralte, IAS, Deputy Commissioner, Aizawl chuan a vailiam. Demonstration Mobile Van hi Election Commission of India duhdanin EVM/VVPAT hman dan te mipuite hnena a tam thei anga hrilhhriat a nih theih nana ruahman a nih thu a sawi a ni.

Mawmrang Organic FPC te Chhibung 100 MT lei sak dawn

Aizawl : July 17 2023 khan C.Lalrinsanga, Agriculture Minister kaihruaina hnuaiah Mawmranga Organic FPC leh NHAR Organic Pvt Ltd, Guwahati te chuan Contract Farming atan thawhhona thuthlung an ziak.
    He inremna thuthlung ang chuan Mawmrang Organic FPC hnuaia kuthnathawktu chhungkaw 100 tena kumkhat chhunga Chhibung (White Sesame) an thar chhuah hi a tlem berah 60 Metric ton emaw a tam lamah 100 Metric ton chu NHAR Organic Pvt Ltd te hian an leisak dawn a ni. Mawmrang Organic FPC hnuaiah hian Pawlrang, Khawkawn, Changzawl leh Lamzawl khuaa kuthnathawktute an thawkho a ni.

MRB Chairman tharin hna zawm 

Aizawl : Mizoram Rural Bank Chairman thar Sheryl L. Vanchhong, d/o Remmawia Vanchhong, MCS (Rtd.), chuan July 17, 2023 khan a hna a zawm. 
    Sheryl L. Vanchhong hi kum 2001 khan State Bank of  India (Delhi Circle)-ah Probationary Officer-ah bultanin SBI branch hrang hrang - New Delhi, Kota (Rajasthan), Dehradun leh Noida-ah te a thawk tawh a. Mizoram chhungah pawh Branch Manager, SBI New Secretariat Branch bakah Mission Veng Branch & Aizawl Main Branch ah te a thawk tawh a ni. hemi hnuah State Bank Institute of Learning & Development (SBILD) Guwahati-ah Faculty hna zawmin, tuna MRB Chairman hna a zawm hma chiah khan Head of Stressed Assets Recovery Branch (SARB) Guwahati, SBI hna a thawk bawk.

CM hovin ram lak tur chungchang sawi

Aizawl : Chief Minister Zoramthanga hovin July 18, 2023 khan CM Conference Hall-ah Vairengte-Sairang inkara national highway siam hna thawh turah land acquisition chungchanga sawiho ngaite sawia ngaihtuahho a ni.
    Meeting-ah hian NHIDCL in Vairengte leh Sairang inkara 4-lane kawng siam hna an thawh tan theihna tura harsatna awm thenkhat leh sutkian a nih theih dan te sawiho a ni a. Stakeholder hrang hrang te'n an ngaihdan leh harsatna tawhte sawi a ni a, NHIDCL lamin clearance an neih theih nan a dilna an lo thehluh tawh te thlirho a ni a, hna thawh thuai an beisei thu an sawi hlawm a ni.

Independence Day hmanna tur tichhuak

Aizawl : July 18 khan Sawrkar chuan kumina Independence lawmna hunah a hnuaia tarlan ang hian Chief Minister leh Minister te bakah Official ruatbik te hmun hrang hrangah celebration program hmanpui turin a ruat.
1. Zoramthanga, Chief Minister - Aizawl
2. Tawnluia, Deputy Chief Minister - Khawzawl
3. Dr. R. Lalthangliana, Minister, Health & Family Welfare - Hnahthial
4. R. Lalzirliana, Minister, Power & Electricity - Saitual
5. C. Lalrinsanga, Minister, Agriculture - Lunglei
6. K. Lalrinliana, Minister, FCS&CA - Kolasib
7. Lalchhandama Ralte, Minister, School Education - Serchhip
8. Er. Lalrinawma, Minister, Social Welfare & Tribal Affairs - Siaha
9. TJ Lalnuntluanga, Minister of State, Law & Judicial - Champhai
10. Robert Romawia Royte, Minister of State, Sports & Youth Services - Mamit
11. H. Biakzaua, Deputy Speaker - Lawngtlai
    SDO (Civil) te chu an awmna Sub-Division-ah Flag pawtparh tura ruat an ni bawk.

Saitual District A.H& Veterinary Office hawng

Aizawl: Saitual District A.H& Veterinary Office chu A.H& Veterinary Minister Er. Lalrinawma chuan July 18, 2023 khan a hawng. 
    AH&Vety Minister, Er. Lalrinawma chuan Sawrkar chuan theihpatawpa District te tih changtlun chu a ngai pawimawh hle a ni, a ti a, Saitual District-ah pawh hmasawnna chi hrang hrang hmuh theih a a awm chu a lawmawm a tih thu sawiin, District office te pawh hawn belh zel a nih a beisei thu a sawi bawk.

Mualkhang Bottling Plant chungchangah inkawm

Aizawl : IOCL Executive Director & State Head, Assam Oil Division - North East bialtu leh a hoten Food Civil Supplies & Consumer Affairs Minister K Lalrinliana chu July 19, 2023 khan a office ah an kawm. 
    IOCL hotute chuan Mualkhang Bottling Plant sak len leh sak that tumna chu tan theih vat a nih dawn thu leh hemi atana lungphum phum dan tur leh a hun tur leh te an sawipui a. Lungphum hun tur hi Chief Minister kutah an dah.
    Mualkhang Bottling Plant hi 2006-a lo hawn tawh niin, Oil Industry Safety Directorate in safety norms an siam te a phak tawh loh avangin 2020 kum tir khan khar a ni a. A siam that leh tihlenna turin Mizoram sawrkar chuan kum 2021 khan ram hectare 2-a zau leiin a lo pe tawh a ni. 

PAC-in State Sports Academy hmu enfiah

Aizawl : July 19, 2023 khan Mizoram Legislative Assembly hnuaia Public Account Committee (PAC) chuan Sports Academy, Zobawk, Lunglei chungchanga C&AG of India report bawhzuiina hmunah kal chilhin an zir chiang.
    State Sports Academy on spot study visit a tel thei te chu PAC Chairman Vanlalhlana leh member 3 - Zodintluanga Ralte, Dr.Vanlalthlana leh Zothantluanga te an ni.

MYC SUPER IAS 2023 Result puang

Aizawl : July 19, 2023 khan Dr Vanlaltanpuia, Chairman MYC chuan, a pisaah Mizoram Youth Commission-in Super IAS 2023 programme hnuaia kum 2023 chhunga New Delhi-a MYC Full Sponsorship hmu-a Foundation Course zir tura a thlan te RESULT puanchhuahna a nei.
    Written Exam Result leh Personal Interview atanga a ti tha zual mi 11 te chu MYC Super IAS 2023 hnuaia Full Sponsorship hmua New Delhi-a Coaching Centre a FOUNDATION COURSE kal tura thlan an ni ta a ni. 
1. K Lawmsangzuala s/o K. Lalsangvunga, Farm Veng, Lunglei.
2. Lalhruaitluanga s/o J. Lalruata, New Ngharchhip, Hnahthial District
3. Vanlalrindika s/o Simlathanga, A-80/1, Dawrpui Vengthar, Aizawl
4. Vanlalchaka s/o David Lalchawiliana, H.No -59(A), EV-IV, Electric Veng Lunglei
5. Timothy Lalrinchhana Chinzah s/o Sangliankhuma Chinzah, H.No A-24, Lunglawn, Lunglei
6. Andy L Khobung s/o Lalhmingsanga Khobung, H.No C-40/C, Chanmari West, Aizawl
7. PC Lalruatfela s/o PC Vanlallawma, LT/B-63, Durtlang Leitan
8. H Lalvenhima s/o H. Lalpianruala, H.No-143, Lawngtlai Vengpui.
9. James Rodingliana s/o J Lalhmachhuana, 873, Phunchawng kawn, Tlangnuam, Aizawl
10. James Lalthankhuma s/o Lalhmingthanga Hmar, H.No U-71/B, Taitesena Section, Laipuitlang, Aizawl
11. Lalhlimpuia Renthlei s/o Thomas Lalrammawia, H.No- JJ-1, New Capital Complex, Khatla, Aizawl

Rangvamual leh Phunchawng Mission Chhanchhuahna

Aizawl : Aizawl District Bawrhsap Dr Lalhriatzuali Ralte kaihruaina hnuaiah Core Committee: Mission Chhanchhuahna (Phunchawng leh Rangvamual te tana eizawnna tluantling ngaihtuahna Committee) chu July 19, 2023 khan Rangvamual local council house ah an thukhawm.
    He Mission Chhanchhuahna hi Rangvamual leh Phunchawng veng pahniha eizawnna mumal neilo, zu zuar leh dan in a phalloh hmanga eizawngte chhanchhuahna tur project niin Senior Social Scientist Debashish Mukherjee leh a team ten zirchianna an nei tawh a, hemi zirchianna atang hian sawrkar department hrang hrang in an scheme, loan leh service dang dang te eizawnna atana an hman theihna tur siam nan tanho a tul tih avangin Core Committee leh Working Committee din a ni.

Governor hnenah State Finance Commission Report thehlut

Aizawl : July 20 khan F. Vanlalruata, Chairman leh Lalmalsawma, Member Secretary, Second Mizoram Finance Commission te chuan Governor Dr Hari Babu Kambhampati hnenah State Finance Commission report an buatsaih chu an thehlut a. State Finance Commission report hi Governor in Finance Department hnenah zirchian turin a thawn leh dawn a ni.
    State Finance Commission hian State sawrkar in chhiah chi hrang hrang a lak atanga tualchhung sawrkar, heng village councils, municipalities leh autonomous district councils te’n an chan tur zat bituk te, State Sawrkar sum bawm atanga tualchhung sawrkar te tanpuina grants-in-aid pek dan tur leh tualchhung sawrkar te sum dinhmun siam thatna tur chungchang te mumal taka zirchianna an neih hnuah report hi an buatsaih a, he report hian kum 2021-22 atanga 2025-26 financial year chhung a huam dawn a ni.

Under Graduate topper te lawmpuina hun hmang

Aizawl : Deputy Chief Minister Tawnluia chuan July 20, 2023 khan Mizo Students’ Union (MSU) buatsaih Under Graduate Mizo Toppers lawmpuina 2023 Vanapa Hall a neih chu a hmanpui a.
    Tawnluia chuan zirlai khawmte chu Pathian leh kan ram leh hnam tan an thiamna te, theihna te chhuah zel turin a chah a. Ram chu nek chep a, rahbeh a nih loh zel nan mitin hian mawhphurhna kan neih vek a ngai a, hnam hmangaihna rilru in tuh belh deuh deuh zel turin zirlaite chu a fuih. Thalaite chu hnam tan kutke la ni mai tur an nih thu sawiin Tawnluia chuan Mizoram ziarang humhalh chung zelin rilru hmasawnna (progressive thinking) nei turin leh ram leh hman tana inpekna thuk zawk nei turin a fuih a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh