Chief Minister hovin inrawnkhawmna nei
COVID-19 second wave hrileng mek laka mipui an him theihna tura hmalak zel dan tur chungchangah July 2, 2021 khan Chief Minister Zoramthanga hovin Assembly Annexe Conference Hall-ah inrawn- khawmna neih a ni. Hei hi June ni 24, 2021-a all political party, all NGO leh MKHC joint meeting resolution bawhzuina a ni a.

COMPARTMENTAL EXAM
Higher Secondary School Leaving Certificate Special/Compartmental) Examinations, 2021 chu July 23rd - 27th, 2021 hian center 11-ah neih a ni dawn tin MBSE chuan July 2, 2021 khan thuchhuah an siam. 

AGRI MINISTER leh MJA
Zan hnih riaka Lunglei District tlawh Agriculture Minister C. Lalrinsanga chuan July 2, 2021 khan a Department chan Agriculture leh I&WR-te hmalakna a enpuia, a bial chhung VLTF-te a tlawh hnuin Lunglei Civil Hospital a tlawh. Agriculture Minister C. Lalrinsanga hian Lunglei Circuit House ah Lunglei MJA ten ne inkawmhona hun an hmang.

AIZAWL DC HRIATTIRNA
Assam ram chhunga hmun thenkhat Containment Zone/Area-a puan a nih avangin heng hmunah hian lirthei veivah khap a ni a. Exit Permit mamawh chuan dilna Deputy Commisioner, Aizawl hnenah mcovid19.mzoram.gov.in (mPASS Exit Permit)-ah thehluh theih a ni.

MOTOR 3 A HLAN
July 1, 2021 khan Disaster Management and Rehabilitation (DM&R) Minister Lalchamliana chuan kangthelh motor High Pressure Pump Fire Tender pathum chu a tul hun apianga hman theih turin Fire & Emergency Services Department hnenah a hlan. Rs.1,39,50,000 (vaibelchhe khat nuai sawmthumpakua leh singnga) senga lei a ni.

Covid Vaccine
Aizawl, the 30th June 2021: Health & Family Welfare chuan Covid 19 hridanna la la rihlo ten awlsam zawka Covid 19 Vaccine First Dose an lak theihna turin ruahmanna a siam. Kum 18 chunglam tan Aizawl bikah chuan a la dawng ve lote tan veng hrang hranga an pekna hmun bakah Sunday tiam lohvin nitin Dawrpui Multipurpose Hall, Civil Hospital Aizawl bul leh Bawngkawn South YMA Hall-ah lak theih reng a ni.

JUNE 30 tleng pawn chhuah khap
Hripui leng mek COVID-19 laka mipuite him zel theih nana Govt. of Mizoram, DM & R Dept. Order No. B-13021/101/2021-D1WV01-V Dt. 29.6.2021 thuchhuak bawhzuiin June 30, 2021 khan pawn chhuah khapna thupek chhuah a ni; Section 144 CrPC (Act No. 2 of 1974) in thuneihna a pek angin pawn chhuah tlat a ni tih DC, Aizawl chuan mipuite a hriattir a ni.

NESTLE-IN THIL PEK PE
Ni 29.6.2021 khan Nestle India Limited, Kolkata branch ten CSR atangin maggie- 19200 packets leh nescafe drinks - 6000 packets Deputy Commissioner Aizawl leh Lunglei District- a District Administration hnuaia forefront staff te tan an hlan. 

Hri kai damlote enkawl dan sawiho
June 30, 2021 khan Health Minister Dr. R. Lalthangliana hovin SAD Conference Hall, MINECO-ah Mizorama COVID-19 hri kaite enkawl dan chungchang sawiho a ni a. He hunah hian DIPR Minister Lalruatkima, Chief  Secretary Lalnunmawia Chuaungo, Health Secretary R. Lalramnghaka, Health department hotu pawi- mawhte bakah ZMC a damlo enkawltu daktawrte, IMA,  Non-Government Hospital Association of Mizoram, Association of Physicians leh Aizawl Civil Hospital aiawhte an tel a ni.

ONLINE EDUCATION
L. Thangmawia, MLA & Vice Chairman, HRD Board kaihhruai 'Online Education Committee' te chuan Covid-19 hrileng avanga sikul khar ngai leh chumi nghawng avanga zirna pangngai kalpui theih loh laia mumal zawka zirna kalpui dan tur ngaihtuahin June 29, 2021 khan Directorate of Education, Treasury Square-ah an thu khawm.

H&TE HRIATTIRNA
Mizoram State quota professional course hrang hrang (NEET leh JEE in a huam loh) dil tumte chuan dhte.mizoram.gov.in / page/smatee-form ah online in dilna submit theih a ni e. Form hmasa email hmanga lo submit tawh tan tih that a ngai lo a, form hmasa pawh a duh tan chuan a hman zel theih.

CM leh Sipai hotu
June 28, 2021 khan CM pisaah Chief Minister Pu Zoramthanga chu Lt. Gen Manoj Pande, AVSM, VSM, General Officer Commanding -in- Chief, Eastern Command chuan hmuin inkawmna hun an hmang.

Lt Gen Manoj Pande leh Governor
June 28, 2021 khan Raj Bhavan-ah Lt Gen Manoj Pande, AVSM, VSM, the General Officer Commanding -in- Chief, Eastern Command chuan Governor P.S.Sreedharan Pillai a kawm.