2G Ethanol siam dan tur sawiho

Aizawl : March 6, 2023 khan Mizoram State Planning Board Vice Chairman H.Rammawi hovin Mau atanga 2G Ethanol siam dan tur chungchang sawihona neih a ni.
    Rountable Conference of State Officials and Potential Investors chu Secretariat Conference Hall, MINECO, Aizawl ah neih ah hian Mizoram chhunga 2G Ethanol siamna din tura ZPGL (ZoGreen leh GPS Renewables joint venture) rawtna te sawiho niin a rang lama hmalak dan tur pawh sawi nghal a ni.

NHIDCL kawngpui siam meka hnathawh thlirho

Aizawl : Governor Hari Babu Kambhampati chuan Virender Jokhar, Executive Director, NHIDCL leh a thawhpuite March 6, 2023 khan a chenna Raj Bhawan-ah a kawm.
    He hunah hian Mizoram hmun hrang hranga NHIDCL in project hrang hrang - kawngpui siam hna leh hna dang a thawh mek te thlirho a ni a. NHIDCL hotute chuan an hmasawnna bakah harsatna an neih mek hmanhmawh zawka a chinfel ngai te Governor hnenah hian an thlen a ni.
    Governor Hari Babu Kambhampati chuan Aizawl to Vairengte kawngpui 4-lane a zauh tur, la thawh theih rih loh mahse National Highway 2-lane a siam mek te 60% lai thawh zawh a ni ta chu lawmawm a tih thu a sawi a. NHIDCL te chuan an hnathawhnaah harsatna an neih te chu chinfel zung zung dan an dap thiam a ngai a, kum 2024 March thla a lo thlen chuan 2-lane NH kawngpui te hi hman theih tura Siam zawh hman a ngai a ni a ti. 

Rajya Sabha MP-in Zoram Ni hmanpui

Aizaw : Rajya Sabha MP K. Vanlalvena chuan MZP bultuma  ZORAM NI 2023 chu March 6 khan Vaivakawn Cultural Centre Cum Auditorium a hman chu khuallian niin a hman pui.
    Khuallian K. Vanlalvena chuan Zoram Ni hmangthei tura hun tha petu leh buaisaihtu MZP te hnenah lawmthu sawiin 1966 March Ni 5 hi zofate tan tawrna rapthlak tak ani tih kan hriat thar apawimawh hle a, vawiin a hetiang hun kan hmang India sawrkar lakah inlak hran tum leh na nilo in kha tih hun laia Mizo mipui tawrhna kan hre reng a, ram leh hnam hmangaihna ah harh thar leh na hun atan hman a duh thu a tarlang a, kan ram leh hnam pasaltha te hrereng tur leh thangthar te pawn thahnem ngai taka kan thiltihna ah hnam rilru pu chungin tih zel a duh thu a sawi ani.

Synthetic Turf Football Ground hawng

Aizawl : March 7, 2023 khan Mizoram State Sports Council (MSSC) Sports Complex, Muallungthu-a Synthetic Turf Football Ground chu Sports Minister Robert Romawia Royte chuan a hawng.
    Sports Minister chuan ei leh bar a intodelh tur leh thilsiam tam zawk dekchhuak tur chuan a ram a chengten hriselna tha an neih a pawimawh a, rilru leh taksa hrisel nei turin Sports Department chuan hma a la mek zel a ni, a ti. Mizoram hmun hrang hrang ah thalaite infiamna tur buatsaih mek zel a nih thu leh thalaiten an chhawr tangkai hle a, ti a, sawrkarin infiamna chi khat mai nilovin infiamna chi hrang hrang te tihmasawn turin chak taka hna a kal pui mek thu a sawi bawk. 

International Women’s Day kharna hmang

Aizawl : Social Welfare & Tribal Affairs Minister Er. Lalrinawma chuan March 8, 2023 khan PHQ Multipurpose hall, Khatla ah khuallian niin International Women’s Day kharna hun a hmanpui.
    Khuallian Er. Lalrinawma chuan hmeichhiate ropui zia sawiin khawvel pum huapa ‘Hmeichhiate ni’ neih hi an phu hliah hliah a ni a ti a, Pathian thilsiam ropui hmeichhiate pawimawhzia hi inzirtir leh inhrilhhriat fo a pawimawh thu a sawi a, hmeichhe pawl hrang hrang leh tlawmngai pawlte inpekna leh thawhrimna chu fakawm a tih thu a sawi. Mizoramah hmeichhia te dinhmun tha chho zelin mi tamtak chawikan ni tawh mah se, tan lak a la ngaih, a ti.

Hmeichhe chhuanawm te chawimawi

Aizawl : International Women's Day, 2023 puala AIKO-in hun an buatsaih chu Hotel Regency Conference Hall-ah hman a ni a, I&PR Minister Lalruatkima chu khuallian niin he hun hi a hmanpui, International Women's Day, 2023 thupui hi 'Embrace Equity' a ni.
    Khuallian Lalruatkima chuan Mizo hmeichhe chhuanawm - Padma Shree B. Sangkhumi, Vaihlo dona kawng thawhhlawk Indian Society on Tobacco and Health, Mizoram President Lal Riliani, Mizo hmeichhe zinga High Court Judge hmasaber Marlee Vankung leh Mizo hmeichhe zinga engineer hmasa ber leh Mizo hmeichhe zinga Chief Engineer ni thei hmasaber Er. Lalhmingliani te hnenah chawimawina thilpek a hlan nghal a ni.
    He hun hi R.Vanlalena, Adviser AIKO chuan a kaihruai a,  Maggie L.Ralte, Chairman AIKO chuan kalkhawmte hi a lo lawm a ni. He hunah hian CYMA, MHIP, MUP, MJA leh pawl dang aiawhte pawh an tel a ni.

Armed Veng Synthetic Football Turf & Gallery hawng

Aizawl : Khelo India Scheme atanga sum hmanga cheng nuai zanga a sak 1st Bn. MAP Ground, Armed Veng a Synthetic Football Turf phah leh Gallery siam chu 08.03.2023 khan a hawnna neih a ni. 
    Chief Minister Zoramthanga chuan khuallian niin a hawng a, Sports & Youth Services Minister Pu Robert Romawia Royte chu khualzahawm a ni.
    Chief Minister chuan football ground changtlung tak mai, hmun danga kan la neih ngai loh gallery hnuai lama in lian tha tak, tangkai taka hman theih tur nen lama ruahmanna hawn a ni ta chu lawmawm a tih thu a sawi a. Mizoramah chuan sports infrastructure entawntlak ber zingami nia a hriat thu a sawi. Chief Minister chuan kum hmasa lama khawvel pum chu covid natna in tuam hnuah velin, inkharkhip ngaia hmasawnna hna pawhin nasa taka a tawrh hnuah, a theihna apiangah a remcham dan anga sawrkarin hma a lakna rah pakhat a lan thu a sawi.

Central TB Division hruaitu te leh  Governor

Aizawl : March 9, 2023 khan D. Dharma Rao, National Consultant - PMTBMBA, Central TB Division (CTD), Ministry of Health & Family Welfare, GOI chuan Raj Bhavan-ah Governor Hari Babu Kambhampati a hmu a. 
    D. Dharma Rao leh State TB Cell hotute chuan PowerPoint presentation kaltlangin PM TB Mukh Bharat Abhiyan hnuaia Mizoram chhunga hmalakna kal mek an sawifiah. He hunah hian Governor Hari Babu Kambhampati, TB Patient Nutritional Support program atana sum thawhtu, Nikshay Mitra of the TB Patient Nutritional Support program ni bawk chuan sum leh pai hmanga TB Natna vei te Chaw tha hlui tu te chungah lawmthu a sawi.

EF&CC Minister in Union Minister kawm

Aizawl : Mizoram hmasawnna hrang hrang leh a department chan kaltlanga hmalaknate buaipuia New Delhi a kal Environment, Forest & Climate Change (EF&CC) minister T.J. Lalnuntluanga chuan March 9 khan Sawrkar laipui Environment, Forest & Climate Change Minister Bhupender Yadav chu a Pisa-ah EF&CC Department hnuaia hmasawnna hrang hrang sawipuiin a kawm.
    Union Forest Minister a hmuhnaah hian T.J. Lalnuntluanga chuan Ministry of Environment, Forest & Climate Change kaltlanga Mizorama hmasawnna hnathawh tur chungchangte a sawipui a ni.

IIM-Rohtak ten CM rawn kawm

Aizawl : Chief Minister Zoramthanga chu 09.03.2023 khan Mizorama cham mek Indian Institute of Management (IIM)-Rohtak zirlai rual chuan CM conference hall ah hmu in an inkawm.
    IIM-Rohtak atang hian zirlai leh anmahni hruaitu mi 42 chuan Mizoram rawn tlawhin, mipui khawsak zia leh ei leh bar dinhmun te, hnam ziarang te zirchiang an lo kal a. Chief Minister chuan Mizoram state history te, harsatna nasa tak paltlanga tun hi thlen chhoh a nih dan te, economy hmasawnna kawng zawh chhoh dan te a sawipui a. Zirlaite zawhna chhangin inkawmna hun tha tak an hmang a ni.