INPUMKHATNA BUS
May 9, 2022 zingf khan Chief Minister Zoramthanga chuan Directorate of Transport, Tuikual atangin 'Hnam Impumkhatna Bus Service' hmasa ber (Aizawl leh Behliangchhip Inter-state service) chu a vailiam. Hemi pual hian Transport Directorate ah inkhawm tawi buatsaih a ni.

Special Session
May 10, 2022 khan Mizoram Legislative Assembly in kum 50 a tlin champha phak denchhenin Special Session of the 8th Mizoram Legislative Assembly neih a ni. Governor Hari Babu Kambhampati chuan Golden Jubilee puala thuchah a sawi a, Chief Minister Zoramthanga, Leader of the House ni bawkin thu a sawi hnuah Special Session tan a ni.

Panchayat Awards
May 11, 2022 khan Local Administration Department (LAD) buatsaihin National Panchayat Awards 2022 lawmna hun chu Aijal Club-ah neih a ni a. LAD Minister K Lalrinliana chu khuallian a ni.

RTI Online
Lalnunmawia Chuaungo, Chief Information Commissioner, Mizoram Information Commission(MIC) hovin May 11, 2022 khan Mizoram RTI Online hmalakna kal mek thlir ho a ni. Mizoram RTI Online chu July ni 1, 2022 atanga a mamawhtute apiang tan hman tan tura peihfel ni se CIC chuan a ti.

TECHNOLOGY DAY
India ram hmun dang rualin May 11 khan National Technology Day vawi 24-na hman a ni. He Ni lawmna hun hi Directorate of Science & Technology huaihawtin MINECO-a Innovation Facility Centre-ah neih a ni a, Human Resource Development Board Vice Chairman L. Thangmawia, MLA-in a hmanpui.

ASSEMBLY TLAWH
Mizoram Legislative Assembly kum 50 na lawmna kal zelah leh Aizawl Bawrhsap hmalakna in May 11, 2022 khan school thlan bik- Lalmalsawma Memorial School, St. Paul's Higher Secondary School, Ramhlun South H/S, J.L Higher Secondary School, St. Joseph's Higher Secondary School, Govt. Bethlehem Vengthlang H/S, Rosebud School, Dawrpui Centenary School, Govt. Mizo H/S, Govt. Mizo Higher Secondary School ten Mizoram Assembly House an tlawh a. Exhibition te en in, guide teacher ten an kaihruai a ni.

MRB CSR
Mizoram Rural Bank chuan Corporate Social Responsibility (CSR) kaltlangin hospital leh YMA hman tangkai tur bus leh ambulance May 11, 2022 khan a pe a. Heng an thilpek hlanna pual hian MRB office, MINECO ah inkhawm buatsaihin, Chief Minister Zoramthanga chuan a hmanpui a ni. 

VETERINARIAN AWARD
Indian Veterinary Association chuan World Veterinary Day 2022 pualin State hrang hranga Veterinary Profession-a hna thawk thate hnenah May 12, 2022 khan chawimawina a hlan. 2022 hian Dr C.Sangnghina chu 'Lifetime Achievement Award'dawng tura thlan a ni a. Dr. Lalbiakzuala Sailo hnenah 'Best Veterinarian Award' leh Dr Esther Lalzoliani Ralte chu 'Best Lady Veterinarian Award' an hlan bawk a ni.

EXCELLENCE AWARDS
 Information & Communication Technology (ICT) Department buatsaihin ‘Government Online Excellence Awards 2021-2022’ hlanna leh ‘Web Monitoring System’ leh ‘Online Domain Registration System’ tlangzarh hun May 12, 2022 khan neih a ni a. Governor Hari Babu Kambhampati chu Khuallian a ni.

AMFU Assembly
May 12, 2022 khan C.Lalrinsanga, Agriculture Minister chuan All Mizoram Farmers Union (AMFU) General Assembly vawi 18-na, Durtlanga neih chu khuallian niin a hmanpui. Agriculture Minister hi Land Revenue and Settlement Board Vice Chairman Rochhunga Ralte leh Agriculture Director James Lalsiamliana ten an tawiawm a ni.

LAWMMAN SEM
Multi-Disciplinary Training Centre, ITUI, Aizawl-ah National Health Mission (NHM) programme buatsaihin Kayakalp (Damdawi in Tha leh Felfai Lawmman) chi hrang hrang May 12, 2021 khan sem a ni a. Health Minister Dr R.Lalthangliana chu khuallian niin Health & Family Welfare Board Vice Chairman Dr ZR Thiamsanga chu khual zahawm a ni.