HSLC Result
May 17, 2022 khan Mizoram Boad of School Education (MBSE) chuan HSLC Examination 2022 result a tichhuak a. Result kimchang hi MBSE website www.mbse.edu.in/ ah a en theih a ni.

RD meeting-ah tel
17 2022 khan Assam Administrative College, Guwahati-ah Lalruatkima, Minister of State, RD, LR&S, I&PR, Govt. of Mizoram chu Regional Review Conference - Ministry of Rural Development, Govt. of India in North-East States-a Rural Development Department enkawltu Minister te tana a buatsaihah a tel.

NSS Committee
State Level National Service Scheme (NSS) Advisory Committee Meeting vawi 18-na chu May 18, 2022 khan Sports & Youth Services Minister Robert Romawia Royte hovin a office chamber-ah neih a ni.

MUSEUM DAY
Mizoram State Museum, Art & Culture Department chuan May 18, 2022 khan International Museum Day an hmang. He hunah Mizo rimawi hmanrua chi hrang hrang te pholan niin a hman dan a taka entir a ni.

PATIENTS’ LODGE
I&PR, RD leh Revenue changtu Minister Lalruatkima chuan May 18, 2022 khan NEIGHRIMS bul Mawkasiang, Shillonga damlo leh an awmpuitu te tana Mizoram Sawrkarin In a sak mek Patients' Lodge chu a hmunah a tlawh.

Drug Free India
Dr.Lalhriatzuali Ralte IAS, Deputy Commissioner, Aizawl District kaihhruaina hnuaiah “Nasha Mukt Bharat Abhiyaan (Drug Free India Campaign)” chu Aizawl District ah hmalak mek hawnna chu May 19, 2022 khan neih a ni a. Thalai-te a bik takin kum tlinglo (below 18 yrs) te zingah damdawi ruihtheih hmansual a hluar hle ni a hriat a ni a. Hemi kawnga hma la turin Aizawl SP Chairman-na hnuaiah Task Group din a ni.

Training nei 
Aizawl District Disaster Management Authority (ADDMA) leh Aquatics Association of Mizoram te tangkawp chuan May 16, 2022 atanga May 19, 2022 chhung khan 'Water Rescue and Retrieval of Drowned Victims Training' chu Aquatics Association of Mizoram te swimming pool, ITI Veng ah an buatsaih.

Mamawh chungchang sawiho
May 19, 2022 khan Supply Minister K Lalrinliana chuan FCS& CA (Supply) Deparment official te bakah Food Corporation of India (FCI) leh Indian Oil Corporation Ltd (IOCL) hotute kovin tunlai ruahsur nasa in rel kawng leh motor kawng a tih chhiat avanga ration buhfai, POL (Petroleum, Oils and Lubricants) leh chalkhai dang Mizorama lakluh (supply) a tih khaihlak dan leh mipuiin an tawrh loh na tura hmalak dan tur a sawipui.

VLDP leh SLCC
Planning & Programme Implementation Department in khaw thlan bik 6 a Village Level Development Programme kalpui nana an din State Level Coordination Committee chu May 19, 2022 khan Planning & Programme Implementation Department Conference Hall ah an thukhawm.

SEDP Health & Family Welfare Board
May 19, 2022 khan Chief Minister Zoramthanga hovin SEDP Health & Family Welfare Board chu CM Conference Hall-ah thukhawmin, Health & Family Welfare Department hnuaia post hnawhkhah ngai leh Primary Health Centre (PHC) hrang hrang tihchangtlun ngai chungchang an sawiho.