The Week That Was on May 23, 2021

Admin - May 22, 2021

The Weekthatwason

Bill thei dawn
Dr. Chawngthanchhunga, Principal Chief Executive Officer, Mizoram State Health Care Society chuan May ni 19, 2021 khan hriattirna tichhuakin Sawrkar recognised Hospital, Dedicated Covid Health Centre (DCHC), Covid Care Centre (CCC) leh Community Covid Care Centre (CCCC/4C) hnuaia COVID-19 hri kai enkawl, Mizoram State Health Care Scheme hnuaia in register te chuan an inenkawlna senso (ei leh in man telin) an bill thei dawn tih a tarlang.

SAMAGRA SHIKSHA
Samagra Shiksha hnuaia school-ten inkharkhip kara zirna an kalpui dan tur Google meeting hmangin May 20, 2021 khan sawiho a ni. Secondary School leh Higher Secondary School hawn thar tura thawktu lak tharte chuan online-in an hna zawm phawt se. Samagra hnuaia zirna sikulah te chuan naupang admission pawh online-a kalpui phawt nise, tih rel a ni.

khulhsak dawn
Aizawl East-II Bialtu MLA leh Minister of State ni bawk Robert Romawia Royte chuanMay 20, 2021 khan Aizawl East-II bial chhunga mi harsa (Ration Card Eng (AAY) leh Ration Card Hring (PHH) chhungkua zawng zawng mi 11,087 te tan Buhfai Ration chu May 2021 atanga kumin December 2021 thleng a khulh sak thin dawn ti a puang.

THUKHAWM
May 20, 2021 khan Mizoram Sawrkar tana High Powered Committee chu jail tangte Covid19 hrileng laka an him theihna ngaihtuahin an Chairman Justice Michael Zothankhuma, Judge, Gauhati High Court hovin an thu khawm.

Morgue Van hlan
Health Minister Dr. R. Lalthangliana chuan May 20, 2021  khan Zoram Medical College-a hman tur COVID-19 hri kai boralte ruang phurhna tur "Morgue Van" chu State Bank of India Regional Manager LP Lalchangkima hnen atang a dawng.

Ration
Aizawl DC chuan Aizawl District huamchhungah ration Buhfai, Chini leh Khawnvartui khaihlak lohva sem a nih theih nan May ni 19 khan thupek a tichhuak a, Government of Mizoram, Directorate of Food, Civil Supplies & Consumer Affairs lehkha No.B.99011/2/2021-DTE(SPY)M&M/44 Dt. 11.5.2021 in a tarlan angin Public Distribution System (PDS) commodities (Buhfai, Chini leh Khawnvartui) te hi mipui tan khaihlak lova sem a nih theih nan hmalak a nih thu a tarlang.

Video Conferencing
Union Health Minister Dr Harsh Vardhan hovin India hmarchhak State 8 leh West Bengal Health Minister ten May 19, 2021 khan video conferencing hmangin COVID-19 hripui leng mek dona kawnga hmalakna leh a kaihhnawih chi hrang hrang sawiho a ni a. Health Minister Dr. R. Lalthangliana pawhin Mizoramin COVID-19 dona kawnga hma a lak dan chi hrang hrang bakah mamawh a neih te a thlen a ni.

GOOGLE MEETING
May 19, 2021 khan School Education Minister  Lalchhandama Ralte hovin School Education Department Officer-ten Google meeting an nei a, hripui leng kara zirna kalpui dan tur leh a kaih-hnawih te an sawiho.

Mid-day Meal
Dt 18.05.2021 khan Naupang Chawchhun (Mid-day Meal)pek chungchanga India rama thuneitu sang, Programme Approval Board chu Anita Karwal, Secretary, Ministry of Education, Govt. of India kaihhruaiin Online hmanga meeting neih a ni a. Mizoram atangin Dr.Lalzirmawia Chhangte IAS, Special Secretary, School Education Department bakah James Lalrinchhana MCS, Director, School Education leh Officer dangte an tel a ni.

100 inhlawhna
Rural Development Minister Pu Lalruatkima chuan kum 2021-22 chhung a MGNREGS hnuaia inhlawhna tura Ministry of Rural Development, Govt. Of India-in thla kalta a Rs. 7788.34 lakha rawn sanction chu beneficiary ten an chhawr tangkai theih nan chak taka an bawhzui thu leh April thla chhunga ni 100 inhlawhna sum Rs. Nuai 4600 chu May 18, 2021 atang khan beneficiary-te account ah thunluh a nih thu sawi.

SAWIHO
May 18, 2021 khan Health Minister Dr. R. Lalthangliana hovin SAD Conference Hall, MINECO-ah Aizawl khawpui huamchhunga bial nei Minister, MLA leh AMC Councillor ten Aizawl khawpui chhunga COVID-19 hluar zel chung-changah inrawn- khawmna an nei a, meetingah hian Aizawl City Local Council Association, Health Department, AMC leh Police hotute an tel.

MOT IN CCC TLAWH
Medical Operational Team (MOT) chuan May 18, 2021 khan an Chairman Dr ZR Thiamsanga hovin Aizawla CCC thenkhat - SAI Hostel, Mission Vengthlang; Tribal Art Centre, Tanhril; JCTC, Chawlhhmun leh MLA Hostel CCC te an tlawh a. Thawktute leh damlo awm mekten harsatna an neih leh neih lohte an enfiah bakah damdawi leh thawktute thingpui inna tur an pe.

Green Mizoram
May 18, 2021 khan State Level Sub-Committee On Green Mizoram chu an Chairman leh Environment, Forests & Climate Change Minister ni bawk TJ Lalnuntluanga, kaihhruaina hnuaiah biakhmuhtheihna (Video conferencing) hmangin an thukhawm.

RS.91,50,000
Chief Minister’s Relief Fund hman dan tur ngaihtuahtu atana din Committee on Utilization of Chief Minister’s Relief Fund for COVID-19 chu an Chairman Lalnunmawia Chuaungo, CS hovin May 17, 2021 khan an thukhawm. Lockdown puan chhunga harsatna tawk, chhuan-chhamte tanpui nan cheng nuai sawmkua pakhat leh singnga (Rs.91,50,000) semchhuah an remti a. He committee-ah hian Addl.Chief Secretary JC Ramthanga chu Co-Chairman niin, Finance Commisioner Vanlalchhuanga chu Member Secretary a ni a, tlawmngai pawl NGO Co-ordination Committee aiawh  Vanlalruata CYMA President leh Mizoram Kohhran Hruaitute Committee (MKHC) Secretary Rev Lalrinsanga te chu member an ni.

Share now