SPEAKER CHAWIMAWI
23.5.2022 (Thawhtanni) khan Mizoram Assembly Speaker Lalrinlaina Sailo chu Former Legislators Association of Mizoram (FLAM) hruaituten a office chamber-ah hmuin, Mizoram Legislative Assembly Golden Jubilee ni 9 & 10 May, 2022-a lawm chungchangah Letter of Appreciation hlanna leh lawmthu sawina an nei.

Inkawm
CM Zoramthanga chu CM bungalow ah May 24, 2022 khan Union Minister of State for Railways and Textiles Darshana Jardosh chuan hmu in, Mizorama textile industry hnuaia hmalak theihna tur leh rel kawng chung -chang te an sawi dun.

CM leh JICA
May 24, 2022 khan Chief Minister Zoramthanga chu Japan International Cooperation Agency (JICA) India hotute leh JICA Tokyo aiawh lo kalte chuan a chenna CM bungalow ah hmu in Mizorama an hmalakna te an sawipui. Environment, Forest and Climate Change Minister TJ Lalnuntluanga leh Bamboo Development Board Vice-Chairman Dr. K. Pachhunga te pawh an tel a ni.

Laldenga Culture Centre
Deputy Chief Minister Tawnluia leh Union Home Secretary Ajay Kumar Bhalla chu May 25, 2022 khan a pisa, New Delhi ah an inkawm a, Deputy Chief Minister hian Assam Rifles te Zokhawsang a an insawn tur chungchang a sawipui.

SAMARTH TRAINING
May 25, 2022 khan Minister of State for Railways and Textiles Smt. Darshana Jardosh chuan Samarth Training Programe chu Thenzawl ah a hawng a. Sericulture Minister Dr. Beichhua chuan Mizoram Handloom Export Facilitation Hub, Thenzawl ah a lo dawngsawng a ni.

MPSC KUM 30
May 25, 2022 khan Mizoram Public Service Commission (MPSC)-in an kum 30 tlin puala a tihchhuah Coffee Table book “A saga of three decades” tia vuah chu MPSC Mini Examination Hall-a programme buatsaihah Planning Board Vice Chairman H.Rammawi chuan a tlangzarh.

CHAWILUNG TLAWH
May 26, 2022 khan Minister of State for Railways and Textiles Smt. Darshana Jardosh chuan Chawilung-ah mulberry leh eri chingtute nen inkawmna hun hmang.

HIV/AIDS
May 26, 2022 khan Health Minister Dr. R.Lalthangliana sawmna angin UNAIDS leh CDC (Centre for Diseases Control and Prevention) atangin an hotute Mizoramah an lo kal a, HIV /AIDS dona kawnga inrawnkhawmna hun hman a ni. He hun hi Health Minister Dr. R.Lalthangliana’n kaihruaiin, sawrkar Department mi pawimawh te, Kohhran hruaitute leh CYMA hruaitute bakah Community aiawh te nen he hun hi hman a ni.

RD Minister-in hawng
Rural Development Minister Lalruatkima chuan May 26, 2022 khan Mizoram University-ah ni hnih awh tur “National Seminar on Local Government & Management in North-East India” chu a hawng.

Training Institute tlawh
Thawhlehni a lo thleng Union Minister of State for Railways and Textiles Darshana Zardosh chuan May 26, 2022 khan Zemabawk a Sericulture Department enkawl mek Sericulture Training Institute a tlawh a. Sericulture changtu Minister Dr. K Beichhua chuan Union Minister hi an lo dawngsawng.