AMBULANCE A HLAN
May 28, 2021 khan Man Power Development Board Vice Chairman leh Aizawl West-I Bialtu MLA ni bawk, Zothantluanga chuan a bial chhung AMC Area pawna khaw pathum - Dinthar Sairang, Sihhmui leh Sairang - khawtlang mipuite tan Sairang Jt. VC hnenah Ambulance a hlan.

Truelab Quattro
K.Lalrinliana, Minister of State for Food, Civil Supplies and Consumer Affairs Department, Kolasib Assembly Constituency bialtu MLA ni bawk chuan May 28, 2021 khan Pu Covid-19 vei leh vei loh endikna khawl MLA-LADS hmang a lei, Truelab Quattro chu Dr. Doris Lalnunmawii Sailo, DMS, District Hospital, Kolasib hnenah a hlan.

PPE set 3000
May 28, 2021 khan Dr Lal PathLabs, Bazar Bungkawn, Aizawl chuan COVID-19 hripui leng dona hmanraw pawimawh tak Personal Protective Equipment (PPE) full set 3000 Rs. 28,50,000/- man hu Mizoram sawrkar hnenah an hlan a. Heng PPE hi Health Minister Dr. R. Lalthangliana hnenah Dr Lal PathLabs aiawhin Nathan T. Lalchhanchhuaha, Lab Administrator leh C. Lalramtiammawia, Territorial Manager ten an hlan a ni.

Enfiah
Committee for Fixation of Price of Meat, Vegetables and Fruits within Aizawl Municipal Council (AMC)’, Aizawl DC Dr. Lalhriatzuali Ralte kaihhruaina hnuaia din chuan Committee bituk angin sa leh thlai an zuar em tih May 28, 2021-ah khan endikin khawpui chhunga bazar hrang hrang an tlawh kual.

Mobile and Internet Services din
Hripui avanga zirlaite leh zirtirtute bakah sawrkar office te leh sumdawnna hrang hrangin Mobile leh Internet lama harsatna an neihte sukiang tura ICT Minister Robert Romawia Royte hmalakna kal zelah ICT department hnuaiah Spl. Secretary  Lalramsanga Sailo, IRS kaihruaina in May 28, 2021 khan Covid Task Force on Mobile and Internet Services din a ni.

Hriattir
The Mizoram Fisheries (Amendment) Act, 2016 Section-6 Sub-Section (1) Clause (e) (i) tlawhchhanin Fisheries Director chuan May 28, 2021 khan thuchhuah siamin luidunga nungcha la puitling lo leh te lutuk (juvenile stage) man chu khap tlat a nih thu leh a man tute pawh lung in tan leh pawisa chawi tira hrem theih a ni tih mipuite a hriattir.

VITRA-C 500 HIM LO
Lalsawma, Jt.Director (F&D) -cum- Dy.Commisioner of Food Safety Directorate of Health Services, Govt. of Mizoram chuan Vitamin C chi khat “VITRA-C 500” chu ei atan a him loh thu May 27, 2021 khan thuchhuah a siam.

HARSATNA SAWIHO
May 27, 2021 khan Higher & Technical Education Minister Dr R. Lalthangliana hovin SAD Conference Hall, MINECO-ah COVID-19 hripui len vanga Mizoram chhunga College leh University zirlaite harsatna tawh sawiho a ni.

KHELO INDIA CENTRE
May 27, 2021 khan Ministry of Youth affairs and Sports, Government of India chuan Khelo India Centre (KICs) atan Regional Sports & Training Centre, Football Academy, Kolasib District leh Boys Hockey Academy Kawnpui, Kolasib District chu a thlang a, Khelo India Centre(KICs) enkawlna tur sum hi Director, Sports & Youth Services Mizoram chuan Sports Authority of India kaltlangin heng Centre 1 atan cheng nuai sawm ve ve a dawng dawn a ni.

PPE set 600
SBI Foundation chuan COVID-19 hripui leng dona hmanraw pawi-mawh tak Personal Protective Equipment (PPE) full set 600 Rs. 8,61,000/- man hu Mizoram sawrkar hnenah May 27, 2021 khan an hlan a. Heng PPE hi Health Minister Dr. R. Lalthangliana hnenah SBI Foundation aiawhin L.P. Lalchangkima, Regional Manager, SBI leh a thawhpui ten MINECO tualah an hlan a ni.

KHULHSAK DAWN
Aizawl East-II Bialtu MLA leh Minister ni bawk Robert Romawia Royte chuan tun thla May 2021 atang hian a bial Aizawl East-II chhunga veng 7 - Chite Veng, Armed Veng South, Armed Veng, Chhinga Veng, Tuithiang Veng, Saron Veng leh Dawrpui Venga Ration Card Eng(AAY) leh Ration Card Hring(PHH) hmangtu mi 11087 tan Buhfai thlatin kg  61,140 chu thla 8 chhung a khulh sak dawn. May 26, 2021 khan heng veng 7 te May thla qouta a khulhsak a ni.

State Research Unit 
May 25, 2021 khan Health Minister Dr. R. Lalthangliana hovin SAD Conference Hall-ah State Research Unit on COVID-19 an thukhawm a, Chief Secretary Lalnunmawia Chuaungo pawhin a telpui a ni. State Research Unit on COVID-19 hi tunhnaia sawrkarin Mizorama COVID-19 dinhmun kil tin atanga chik zawka scientific evidence nena zirchiang tura a ruat a ni.

Himna tur sawiho
May 25, 2021khan Home Minister Lalchamliana, DM&R leh, Taxation changtu ni bawk chuan tun hnaia Central Jail-a COVID-19 positive 20 lai hmuhchhuah thar an nih chungchang chu Home department, Prisons leh DM&R department hotute a sawipui a, thil awmdan te thlir hoin hma lak zui zel dan tur te an sawi ho a ni.