Tuirual bialtu lalut
Assembly House Speaker Lalrinliana Sailo chuan November 5, 2021 khan Tuirial Assembly Constituency Bye-Election a bialtu MLA atana thlan tlin K. Laldawngliana chu rinawmna thu tiam tirin, 8th Mizoram State Legislative Assembly member atan a lalut.

PM hovin meeting 
November 3, 2021 khan Prime Minister Narendra Modi chuan COVID-19 vaccine chungchangah State leh Union Territory hotute kawmin, vaccine pechhuak tlem zual state-te chu tan la turin a fuih a. Mizoram Chief Minister Zoramthanga pawhin he virtual meeting hi a chhim a,  Health and Family Welfare Minister Dr. R. Lalthangliana chuan a tawiawm a ni.

Raltlan tan 
Hnahthial District Executive Force (DEF) bultumin November 3, 2021 : Hnahthial District chhunga Raltlan awmna khua Thingsai, Bualpui 'H'; Tarpho, Khawhri, Ngharchhip, New Ngharchhip leh Cherhlun-ah te Raltlan  pualin Legal Awareness Campaign neih a ni.

Thukhawm
November 3, 2021 khan The Mizoram (Village Councils) Bill, 2021 Drafting Committee chu an Chairman Pu Zothanmawia, LAD Secretary hovin SAD Conference Hall, MINECO-ah an thukhawm.

Textile minister ngen
Mizoram Youth Commission Chairman, Dr Vanlaltanpuia MLA leh chuan November 2, 2021 khan Piyush Goyal, Minister of Textile chu a Office ah kalchilhin Handloom Park din chungchanga Project a lo thehluh tawh Covid hrileng avanga hmalak chhunzawm loha awm chu tharthawh leh turin a ngen.

DAN ZIRHO
National Commission for Women leh National Legal Services Authority bul tumin November 2, 2021 khan Mizoram State Legal Services Authority, High Court Legal Services Committee, Gauhati High Court, Aizawl Bench leh Aizawl District Legal Services Authority tangkawp chuan Aijal Club-ah Legal Awareness Campaign on Women's Right an buatsaih. Justice Michael Zothankhuma leh Justice Nelson Sailo, bakah High Court Legal Services Committee, Gauhati High Court, Aizawl Bench ten an hmanpui a ni.

CM leh ADB
November 2, 2021 khan Chief Minister Zoramthanga chuan Asian Development Bank Senior Health Specialist Dinesh Arora nen virtual meeting an nei a. Mizoram hmasawnna tur atana pawimawh hrang hrang an sawiho. ADB atanga state tan puihna awm thei hrang hrangte leh hmalak ngai lai te sawiho a ni. Chief Minister hi State Planning Board Vice-Chairman H. Rammawi leh Adviser to Chief Minister (Technical) Er. K. Lalsawmvela te leh Planning Board Member Lalthansanga, Finance Commissioner Vanlal Chhuanga leh Finance Addl. Secretary Ramchuana ten an tawiawm a ni

MoU ziak
School Education Deptt. leh Reckitt & Plan India te chuan November 2, 2021 thawhdunna thuthlung (MoU) an ziak a. MoU hi Dr. Lalzirmawia Chhangte, IAS, Secretary, School Education Deptt chuan Mizoram aiawhin hming a ziah hnan a, Dr. Komal Goswami, Chief of Party, Reckitt chuan Reckitt & Plan India aiawhin hming a ziak thung.

ELECTORAL ROLL
November 1, 2021 khan Mizoram District tinah (District 11) Draft Electoral Roll, 2022 tarchhuah a ni a, Draft Electoral Roll en duh chuan mahni bialtu ERO/AERO/BLO hnenah emaw, DC/DEO Office-ah emaw, CEO website - ceo.mizoram.gov.in/ ah en theih a ni. Draft Electoral Roll hian Inthlan neih mekna 4-Tuirial(ST) Assembly Constituency a huam lo. Tunah hian Mizoram pumah Service Voters Mipa 4916 leh Hmeichhia 70, a vaiin 4986 an awm mek bawk.

CIC thar lalut
Mizoram State Chief Information Commissioner thar atan Lalnunmawia Chuaungo, IAS (Rtd.) chu November 1, 2021 khan Chief Minister Zoramthanga’n Mizoram Assembly House Conference Hall-ah oath of office, rinawmna thu thiam tirin a lalut.