The Week that Was on October 10, 2021

Admin - Oct 10, 2021

The Week that Was on October 10, 2021

ALLIANCE AIR
Alliance Air chuan October ni 18, 2021 atangin kar khatah ni li -Thawhtanni, Thawhlehni, Ninqanileh Inrinni ah te Thlawhtheihna Service : Kolkatta-Guwahati-Aizawl ShilIong ah te thlawh tir dawn tih October 7, 2021 khan tih chian a ni. 

LIVESTOCK MISSION 1st MEETING
October 7, 2021 khan National Livestock Mission (NLM) State Level Executive Committee chu an chairman Additional Chief Secretary JC Ramthanga hovin CM Conference Hall-ah an thukhawm. NLM hmalakna, kum 2014-15 atanga hman tan tawh chu kumin hian sawrkar laipui chuan a kalphung thlak (re-align) in, vawiin meeting hi hemi hnua state level excutive neih hmasak ber a ni.

Insawifiah turin ti
Tunhnaia Zoram Medical College-a contract-a thawk tur staff nurse 50 lak zingah personal interview hmachhawn lo leh nursing registration neih ngai nei si lote lak tel ni anga social media a thuthang a awm avangin October 7, 2021 khan Health & Family Welfare Department, Govt. of Mizoram chuan ZMC Director chu insawifiah turin a ti.

PSA Oxygen Plant 
Chief Minister Zoramthanga chuan 07.10.2021 khan Mizoram State Cancer Institute (MSCI), Zema- bawkah PM Cares kaltanga sawrkar laipui atanga dawn PSA (Pressure Swing Adsorption) Oxygen Plant chu hman theihin a hawng.

Azadi Ka Amrit Mahotsav Iconic Week 
October 7, 2021 khan Environment Forests &Climate Change Department chuan India ramin zalenna a neih kum 75 na lawmna kal zelah Azadi Ka Amrit Mahotsav Iconic Week 2021 hawnna hun chu Tam Dil-ah an hmang a. EF&CC Minister Pu TJ Lalnuntluanga chuan he hun hi a hmanpuii.

FAIRELBEL CHARITY
Fairelbel Utilization Committee chu an chairman, Dr Lalhriatzuali Ralte, Deputy Commissioner hovin October 6, 2021 khan an thukhawm a. Fairelbel Charity Fund a sum tlingkhawm chu a thawhhnihna atan AMC huamchhung veng hrang hranga Covid-19 avanga miharsa zual chhawmdawlna pek dan tur an rel.

Anthurium Festival
October 6, 2021 khan Tourism Minister Robert Romawia Royte hovin a pisaah kumina Virtual Anthurium Festival hman dan tur an rel.

BYE ELECTION inpuahchahna
October 6, 2021 P.Jawahar, IAS, Chief Electoral Officer, Mizoram chuan 4-Tuirial (ST) AC Bye Election kalpuina tur a Lungdai, Serkhan, Hortoki, Kawnpui leh Thingdawla Polling Station-te a endik a, Kolasiba Counting Hall leh Strong Room buatsaih dan te a hmunah a endik nghal bawk a ni.

Study Team lo kal
Mizorama COVID-19 hripui darh mek zirchiang tura sawrkar laipuiin a rawn tirh Multi Disciplinary Covid-19 Study Team chuan October 5, 2021 khan Mizoram an rawn thleng a, State Integrated Disease Surveillance Programme (IDSP), Chief Medical Officer (CMO) Aizawl East leh Aizawl West-a officer te nen an thukhawm nghal.

SDMA thukhawm
October 5, 2021 khan Chief Minister Zoramthanga hovin CM Conference Hall-ah State Disaster Management Authority (SDMA) chu an thukhawm a. Dy. CM Tawnluia, Minister of Home, DM&R, etc. Lalchamliana, P&E Minister R. Lalzirliana leh EF&CC Minister TJ Lalnuntluanga te an tel.

INZIRTIRNA BUATSAIH
4-Tuirial (ST) Assembly Constituency Bye Election neih tur a inpuahchahna kal zel ah  Nodal Officer-te chuan tTraining an buatsaih mek zel a. October 5, 2021 khan Lalmuan Puia, Nodal Officer, Election Model Code of Conduct chuan inthlanna felfai kalpui a nih theih nana hriattur pawimawh inzirtirna hun, DC Conference Hall, Kolasib-ah a nei.

APPRENTICESHIP MELA
October 4, 2021 khan Labour, Employment, Skill Development & Entrepreneurship Department leh Skill India tangkawp buatsaih 'Apprenticeship Mela 2021' chu a tum khat nan Govt. ITI Complex, ITI Vengah hman a ni. Mela hi LESDE Director K.Lalhmingliana’n a hawng.

Share now