The Week that Was on October 3, 2021
Dy. CM IN HMANPUI
Ningni khan Deputy Chief Minister Tawnluia chu ‘State Level Workshop on Swachh Survekshan Grameen, 2021’-ah khuallian niin, District tin a Deputy Commissioner leh PHE Officials ten telpuiin, Zoom kaltlangin a hawng.
CEO hovin sawiho
September 30, 2021 khan Mizoram Chief Electoral Officer P.Jawahar, IAS chuan political party hrang hrang aiawhte SAD Conference Hall, MINECO, Aizawl-ah kokhawmin thla leh ni 30.10.2021-a 4-Tuirial (ST) Assembly Constituency-a Bye Election kalpui dan tur leh Election Commission of India atangin guidelines awm ang ang a hrilhfiahin an hriat tur thil pawimawh dangte an sawiho.
TOMATO CHINNA TLAWH
C.C. Lalchhuangkima, Deputy Commissioner, Khawzawl District chuan September 30, 2021 Khawzawl District chhung Tualte khuaa tomato chinna hmun a tlawh a, an hnathawh hrang hrangte enpuiin hmalak zel dan turte a sawipui.
MP TEN TANPUIN NGEN
C.Lalrosanga MP(L.S) leh K.Vanlalvena MP(R.S) te chuan nimin tlai khan Rajesh Bhushan Secretary, Ministry of Health & Family Welfare chu a office ah hmu in Mizoram in Covid 19 hripui vanga harsatna a tawh mek chungchang ah Central sawrkar tanpuina an ngen.
CM & Aviation minister Inkawm
Aizawl, the 30th September 2021: Chief Minister Zoramthanga leh Union Minister of Civil Aviation Pu Jyotiraditya Scindia chuan September 30, 2021 khan virtual meeting an nei a, Mizorama thlawh-na tam zawk a service theih dan tur an sawi.
MSCU Thukhawm
September 30, 2021 khan Mizoram State Cooperative Union (MSCU) chuan Board of Directors Meeting an nei. All India Cooperative Week vawi 68-na hman dan tur te, Affiliated Cooperative Society ten Cooperative Education Fund an chhunluh dan tur leh inkaihhruaina siamthat te sawiho a ni.
RALTLAN NAUPANGTE ZIRNA
Myanmar ram buai avanga Mizorama rawn tlan chhia zinga naupang sikul kal rual ten zirna an chhunzawm theihna atan School Education Minister Lalchhandama Ralte office chamber-ah September 29, 2021 khan online meeting neih a ni.
RT-PCR laboratory
Health Minister Dr. R. Lalthangliana chuan RT-PCR laboratory la din lohna district dang zawngah din turin sawrkarin hma a la a, ruahmanna a siam tih September 29, 2021 khan a sawi. Health Minister hian RT-PCR khawlte hi district dinhmun leh hmunhmate thlirin a tahtawlin bun a nih tur thu leh a tul ang ang bawhzui nghal char char a nih thu a sawi bawk.
AMBULANCE 2 HLAN
September 29, 2021 khan Mizoram Government Adhoc Aided High School Teachers Association (MIGAHTA) hruai-tute chuan School Education Minister Lalchhandama Ralte hnenah a tulna hmun apianga hman turin Ambulance 2 an hlan.
CM &Health Care Society
September 28, 2021 khan Chief Minister Zoramthanga hovin Mizoram State Health Care Society (MSHCS) Governing Body meeting vawi 25-na chu CM Conference Hall-ah neih a ni.
COVID-19 ex gratia
Disaster Management & Rehabilitation Department, Government of Mizoram chuan COVID-19 vanga nunna chan chhungte hnena zangnadawmna (ex-gratia) pek theih tur te tan inkaihhruaina zawm tur thuchhuah September 28, 2021 khan an siam .
TUIRIAL (ST) AC BYE ELECTION HUN TUR PUANG
September 28, 2021 khan Kolasib-ah Dr. H. Lalthlangliana, Deputy Commissioner chuan Tuirial (ST) Assembly Constituency-a Bye Election kalpui dan tur chungchang, Election Commission of India-in inthlan hun tur a puan zar tawh avangin Model Code of Conduct pawh Kolasib district pumah hman zui tur a nih thu sawiin ni 30.10.2021 ah inthlanna kalpui tur a nih thu a sawi.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024