CS Charge la
Aizawl the 30th October, 2021 :Nimin (29.10.2021)  khan Chief Secretary Pu Lalnunmawia Chuaungo, IAS chuan Pu JC Ramthanga, IAS hnenah Chief Secretary charge a hlan  a, Pu Jc Ramthanga hian a hna chelh lai Addl. Chief Secretary hna bakah CS hna hi a chelh rih dawn a ni.

CEO phalsak
Chief Electoral Officer Mizoram in Election Commission of India (ECI) a Bye Election neihna biala electoral roll ennawmna chungchanga Integrated draft electoral roll of Special Summary Revision of Photo Electoral Rolls 2022 chhuah ni tur sawn hlat an dil chu October 29, 2021 khan a rawn phal sak a, November ni 8, 2021 thleng hun an rawn pek belh.

SOP thar
Mizoram State Disaster Management Authority-in COVID-19 darh zel tur vênna atâna ni 30.10.2021 thleng hman tura tih chu a hun a tawp tak avangin 30.11.2021 zanlai dar 12:00 thlenga hman tur chu October 29, 2021 khan thuchhuah thar siamin a ti chhuak.

Anthurium Festival 
Zan hnih awh Anthurium Festival 2021 chu October 28, 2021 zan khan Deputy Chief Minister Tawnluia chuan Vanapa Hall-ah a hawng. Mizoram chhung leh pawn atanga a duh apiang chhim turin hawnna programme hi TV leh internet kaltlanga live a tihchhuah a ni a, Zirtawp zan khan a kharna Tourism minister Robert Romawia Rote hovin neih leh a ni.

Raltlante Zirna chhunzawm phalsak
Mizoram Board of School Education chuan raltlan zinga High School leh Higher Secondary School zirlaite tan Mizorama zirna chhunzawm phalsak a nih thu leh hmalak dan tur hriattirna 28.10.2021 khan a chhuah.

LEI LAIH KHUAHKHIRH
Aizawl Municipal Corporation(AMC) Site Development & Slope Modification Regulation, 2017 chu October ni 29 atang khan Notification chhuaha hman tan ni,  October 27 khan  Dy.Mayor R.Thanglura hovin AMC Auditorium, Thuampui-ah he Dan zirhona hi neih a ni. He dan tharah hi chuan Aizawl khawpui huam chhungah phalna nei lo tan lei laih khap a ni.

THIAMNA.COM
October 26, 2021 khan Mizo thalaite thiamthil (skills) nei tha te hman tangkai theih tur website thar. thiamna.com chu Dr Vanlaltanpuia, MLA, Chairman, Mizoram Youth Commission chuan a tlangzarh. 

Synod Nurse College building thar hawng
Aizawl the 26th  : Chief Minister Zoramthanga chuan October 26, 2021 khan College of Nursing, Synod Hospital, Durtlang main building sak thar chu a hawng. North Eastern Council (NEC) atanga sum hmuh Rs. 833 lakhs atanga dawn hmanga sak a ni.

VOTE THLAK
October 26,  2021 khan Kolasib DC Conference Hall-ah 4-Tuirial (ST) AC Bye-Election neihna tur a Polling Station-a Security leh Medical Duty tur mi 32-te tan Ballot Paper hmang a Vote thlak hun an hmang.

CIC thar atan Lalnunmawia Chuaungo
Mizoram Governor chuan State Chief Information Commissioner thar atan October 26, 2021 khan Lalnunmawia Chuaungo, IAS a ruat (appoint) a. Chief Information Commissioner thar ruatna Notification hi October 20, 2021 khan General Administration Department chuan a tichhuak a ni.

Vigilance Week
October 26, 2021khan Chief Secretary Lalnunmawia Chuaungo, Chief Vigilance Officer ni bawk hovin MINECO tualah Vigilance Awareness Week denchennin MINECO a thawk Sawrkar hnathawkten a huhoin hlemhletna do a, eirukna lakah fihlim turin thutiam ‘Integrity Pledge’ a rualin an sawiho. 

ALL MASK CAMPAIGN
October ni 11 a, Health Department Minister Dr. R.Lalthangliana hova lo rel tawh angin Aizawl District chhungah All Mask Campaign chu Aizawl Bawrhsap Dr. Lalhriatzuali Ralte in Aizawl DC Complex -ah October 25, 2021 khan hawnna hun a nei.