Project thlirho
Chief Secretary Lalnunmawia Chuaungo leh Addl. Chief Secretary J.C. Ramthanga te hovin September 10, 2021 khan SAD Conference Hall MINECO ah Ministry of DoNER, NEC, NESIDS, Special Assistance to States for Capital Expenditure (SASCE) hnuaia project hrang hrang 77 kalpui mek te thlirho a ni.

CANCER HEMNA 
Chief Minister Zoramthanga chuan  9.9.2021 khan Mizoram State Cancer Insitute (MSCI), Zemabawk ah cancer hemna khawl lian, Truebeam Liner Accelerator (LINAC) chu a hawng. He khawl leina leh a chah thlenna atan hian cheng vaibelchhe 17 chuang sen a ni.

Public Health Experts 
September 7, 2021 khan Health Minister Dr. R. Lalthangliana hovin Mizoram sawrkar hnuaia Public Health Experts daktawr rualten Mizorama COVID-19 hripui leng mek chungchang ah inrawnkhawmna an nei. MOT on COVID-19 Chairman Dr. ZR Thiamsanga, MLA, Health Secretary R. Lalramnghaka, Health Principal Director Dr. F. Lallianhlira, Aizawl district bawrhsap Dr. Lalhriatzuali Ralte leh SNO COVID-19 Dr. Pachuau Lalmalsawmate an tel bawk a ni.

Ministry nawr
Mizoram MP C. Lalrosanga chuan September 7, 2021 khan Parliamentary Standing Committee thutkhawmnaah Mizoram leilung hausakna dapchhuah hna thawk chak turin Coal and Mines Ministry a nawr. Kum 5 kalta chhunga hmarchhak state 5-a leilung hausakna dap-chhuah belh a ni lo chu a ngaihmawh thu a sawi.

ANDREW H.THANGLIANA RAL
September 6, 2021 khan Mizoram Legislative Assembly Speaker Lalrinliana Sailo hovin MLA rualten Andrew H.Thangliana, Tuirial Assembly Constituency bialtu MLA, vanduaithlak taka kumin August ni 17-a boralta chu a chenna in, Chawlhhmun, Aizawl-ah ralna hun an hmang.

CII NUTRITION PE
September 6, 2021 khan Confederation of Indian Industry (CII) chuan Covid-19 hripui laka mi tam zawkin invenna vaccine an lak theih nan an project pakhat, Project Vaccine Nation atangin Mizoram Sorkar ah Covid-19 vaccine dose 1000 lai CII Young India, Mizoram Chapter kaltlangin an pe. HIV positive chhung-kaw 300 chuang tan nutrition an pe tel bawk.

Exhibition HAWNG
Information & Public Relations Department-in India ramin zalenna a hmuh kum 75-na puala Photo Exhibition a buatsaih chu September 6, 2021 khan I&PR Director Lallianpuiin Aizawl Art Gallery, MUP Building-ah a hawng.

BEST CITIZENS OF INDIA AWARD 2021 
September 6, 2021 khan hnathawk tha te chhuichiangtu The International Publishing House chuan Dr. ZR Thiamsanga MLA chu Best Citizens of India Award 2021 chawimawina an hlan a.

BEST FARMER AWARD 
September 7, 2021 khan Indian Institute of Horticultural Research, Bengaluru, Karnataka chuan kuthnathawk titha te hnena award a hlan tur zingah Vanlalkunga, Lengte, Mamit District chu “Best Farmer Award” dawng tura thlan a nih thu an puang.