Thisen petute chawimawi
September 16, 2021 khan Association for Voluntary Blood Donation (AVBD) chuan HYVE Hall, Aizawl-ah thisen petute chawimawina hun an buatsaih a. Health & Family Welfare Minister Dr R.Lalthang-liana chu khuallian a ni.

Central dawr
September 15, 2021 khan SEDP hnuaia Veterinary, Fishery and Sericulture Board Vice Chairman C.Lalmuanpuia chuan Shri Upamanyu Basu, Joint Secretary (LH) Ministry of Fisheries, Animal Husbandry & Dairying Govt. of India a dawr a,  African Swine Fever chungchang a Mizoramin a tawrh nasat thu thlenin Central Assistance (puihna) awmthei chung chang a sawipui.

FLORENCE NIGHTINGALE AWARD
National Florence Nightingale Awards 2020 chu India rama Nurse 51 hnenah September 15, 2021 khan India President Ram Nath Kovind chuan NIC centre 29 kaltlangin a hlan a. Mizoram atangin mi 2 - C. Dengthangpuii, Health Supervisor (Rtd) Bungkawn Vengthar Aizawl leh Vanlalthuami, Health Worker, Theiriat Sub- Centre, Lunglei ten he chawimawina hi an dawng a ni.

HOSPITAL 14 PUIHNA
Chief Minister Zoramthanga chuan September 15, 2021 khan district hrang hranga Primary Health Centre (PHC) leh Community Health Centre (CHC) 14 hnena pek tur Oxygen Concentrator 33 a vailiam a, heng hmanrua te hi ICICI atang dawn a ni.

NIT chungchang
September 15, 2021 khan Higher and Technical Education Minister Dr. R. Lalthangliana hovin SAD Conference Hall, MINECO-ah National Institute Of Technology (NIT), Mizoram chungchanga hmalak dan tur sawiho a ni.

MP (LS)-IN MYANMAR RALTLAN TE buaipui
MP(LS) C. Lalrosanga chuan New Delhi-ah Union Home Secretary (Border Management) Sanjeeva Kumar leh Additional Home Secretary (North East) Piyush Goyal te September 15, 2021 khan a hmu a, tunhnaia Myanmar atanga Mizorama raltlante chungchang a sawipui.

MINI MARATHON
Kum 1971 Indo-Pakistan War-a India in hnehna a chan kum 50-na lawmna “Swarnim Vijay Varsh” kal mekah September 15, 2021 khan Headquarters 23 Sector Assam Rifles leh Headquarters IGAR (East) bul tumin Mini Marathon intlansiak an buatsaih.

PLASTIC WASTE
September 14, 2021 khan AMC Conference Hall-ah Aizawl Mayor Pu Lalrinenga Sailo hovin kawngpui siamna atana Plastic Waste hman tangkai theih dan tur sawi ho a ni.

NEW MARKET
Director, Commerce & Industries hovin September 13, 2021 khan Aizawl New Market-a building sak that mek chungchangah meeting neih a ni a, New Market chuan hnuai (Foreign Lane ti-a sawi thin) building cheng nuai 3,641.59 senga sak mek dinhmun thlirho niin, Main building sak tura hmachhawp thlirho a ni bawk.

BINGBI LEHKHABU 
September 13, 2021 khan Deputy Chief Minister Tawnluia chuan a pisa-ah Department of Mizo, Govt. Khawzawl College in an buatsaih 'Bingbi: A study of Mizo Fiction' chu zirlai ten tangkai taka an hman turin a tlangzarh.

MIZO KUTCHHUAK
Health & Family Welfare Minister Dr. R.Lalthangliana chuan September 13, 2021 khan a pisaah Mizo kutchhuak Zopharm Hand Sanitizer leh Disinfectant a tlangzarh.