ADDMA thukhawm
September 23, 2021 khan Aizawl District Disaster Management Authority(ADDMA) chu Chairman Dr.Lalhriatzuali Ralte IAS, Deputy Commissioner, Aizawl District hovin Planning & Programme Implementation conference hall-ah an thukhawm a. Covid-19 dona kawnga ADDMA hmalakna leh, khuarel chhiatna chungchanga ADDMA huang chin leh mawhphurhna te an sawiho a ni.

AB PMJAY ANNIVERSARY
Taxation Auditorium MINECO-ah Mizorama damlo ten a thlawna an damdawi in awmna senso an bill let leh theihna AB-PMJAY kum thum tlin pualin Sdeptember 23, 2021 khan AROGYA MANTHAN 3.0 hun hman a ni.

Godown a hmunah a tlawh
September 23, 2021 khan Durtlang North-a Agriculture Godown hman tangkai tawh loh chu tuai thar a, Sawrkarin a ruahman mek Vegetable Supply Chain-a thlai thar phochhuah nana hman tangkai dan tur enpuiin Agriculture Minister C. Lalrinsanga chuan a hmunah a tlawh.

KHAWTHLIRNA 
Tourism Minister Pu Robert Romawia Royte chuan September 23, 2021 khan Central Scheme PRASAD project atanga Khawthlirna (Viewing Gallery) Laipuitlanga sak dan tur hmun a en. 

CONCURRENT LIST-AH SPORTS
Ni 20. 9. 2021 khan Union Sports Minister Anurag Singh Thakura kaihhruaina hnuaiah Sports Ministers’ Conference chu online mode-a neih a ni a. Hetah hian Sports Minister Pu Robert Romawia Royte chuan India rama sports hmasawnna tak tak a thlen theih nan Sports chu India Constitution a state list atangin concurrent list ah dah a rawt.

Vantlang hmun tur en
September 22, 2021 khan Land Revenue & Settlement changtu Minister Lalruatkima chuan Salem Local Council leh khawtlang hruaituten an vengin, Govt. Aizawl College, Mualpui, World Bank Road bulah vantlang hmun tana ram an lo humhalh leh helai hmun an dil chungchangah a hmunah Revenue Department hotute hruaiin a enpui.

O2 CONCENTRATOR
Rotary Club of Aizawl chuan September 22, 2021 khan Health Minister Dr. R. Lalthangliana chu a pisa ah hmuin COVID-19 hripui dona atana hman turin Oxygen Concentrator 135 an hlan.

MYC leh MFA
September ni 20,2021 khan Mizoram Youth Commission leh Mizoram Football Association te chuan Football hmasawnna tur leh thalaite eizawnna kawh hmuh kawng a thawk dun turin thawhhona thuthlung an ziak.

IB DIRECTOR HMU
MP (LS) Pu C. Lalrosanga leh OSD to Chief Minister Rosangzuala ten September 22, 2021 khan New Delhi-ah Union Home Secretary Ajay Kumar Bhalla leh Intelligence Bureau Director Arvind Kumar te an hmu a. India hmarchhak biala thil awmdante bakah Myanmar-a thilthlengte leh raltlante chungchang an sawipui. 

LANGUAGE BOARD
September 21, 2021 khan Mizo Language Board (MLB) study team te chu  L.Thangmawia, Vice Chairman, HRD Board office chamber-ah an thukhawm a, Mizo language Board din tura hmalakna kal mek an thlirho.

Anaemia Mukh Bharat
Aizawl District Bawrhsap Dr Lalhriatzuali Ralte hovin District Level Steering Committee on Anaemia Mukh Bharat chu September 21, 2021 khan an thukhawm a. He hmalakna hian a tum ber chu Nausen thla 6 leh kum 49 te thisen tlakchhamna lak atanga an him theih na tur leh an hriselna tur ngaihtuah a ni.

VANIJYA SAPTAH
Aizawl, 21st September, 2021: India zalen kum 75-na lawmna, Azadi Ka Amrit Mahotsav kal zelah Sawrkar Laipui Commerce Department hmalaknain September 20 atanga 26 chhung hian rampumah insumdawntawnna (commerce) hapta ‘Vanijya Saptah’ hman mek a ni. September 21, 2021 khan Mizoramah pawh Commerce and Industries Department buatsaihin hawnna hun Aijal Club-ah neih a ni a. Ports, Shipping and Waterways changtu Union Minister Pu Sarbananda Sonowal chu khuallian niin Commerce and Industries Minister Dr R.Lalthangliana chu khualzahawm a ni.

Kawngpui siam chungchang
September 21, 2021 khan NH44A, NH102B, NH6, NH54 hna kal mek chungchang a hmalakna sawi ho in Er. H. Lalzirliana, Vice Chairman Road & Infrastructure Development Board Office chamber ah RIDB Members, PWD hotute leh Road Construction Company te an thukhawm.

DELTA PLUS VARIANT
Dr Pachuau Lalmalsawma, SNO, Official Spokesperson on COVID-19 chuan tun hnaia RT-PCR positive sample 350 Whole Genome Sequencing tura an thawn zinga COVID-19 hrik chhuak thar 316 (90.30 %) hmuh leh a nih thu September 21, 2021 khan a sawi.

MYC LEH MZU
September 21, 2021 khan Mizoram Youth Commission leh Mizoram University te chuan Skill Training, MZU in Online Learning & Online Programme hnuaia a buatsaih zinga thlanchhuah bik thenkhatah thawhhona thuthlung an ziak.

CM leh NITI Aayog
Chief Minister Pu Zoramthanga leh NITI Aayog member Pu V.K. Paul leh a thawhpuite chu 20.9.2021 khan virtual meeting neiin, Mizorama hmasawnna ruhrel din kawnga thu pawimawh tak tak an sawiho.