CM leh NABARD
Chief Minister Zoramthanga chu a pisa ah NABARD Mizoram Regional Office General Manager KVSSLV Prasada Rao chuan 29.8.2022 khan a hmu a, RIDF XXVIII hnuaia Mizoram chhunga rural infrastructure project hmalakna tur Rs.230 crore allocate a nih thu NABARD Chairman in a hriattirna lehkha a pe.

COM thukhawm
August 30, 2022 khan Chief Minister Zoramthanga hovin Council of Ministers chuan Mizoram sorkar department thenkhat atanga sawrkar inrelbawlna tura thu pawimawh an thlen chu an ngaihtuah a, The Mizoram Liquor (Prohibition) Draft Rules, 2022 leh zu zawrh khapna dan chu khawng taka kalpui a nih zel tur thu leh Mizoram chhunga kuthnathawktute grep thar wine-a siam leh hralh erawh a phalsak.

PRESS I.D
Eizawnna atana media / chanchinbu hmang lo leh Press mi ni loten PRESS I.D. leh PRESS Sticker insiamchawpin an hmang thin tih hriat a ni a. Hemi chungchang ngaihtuah hian August 31, 2022 khan Commissioner & Secretary, Home Department H. Lalengmawia hovin a pisaah meeting neih a ni.

MP leh NEC

MP(LS) leh NEC-ah August 31, 2022 khan MP (LS) C Lalrosanga chuan NEC Secretary Moses Challai, NEC Financial Advisor  Gaigongdin Panmei leh Advisor Planning Calvin Harris Kharshing te a kawm a. Hmarchhak biala NEC kaltlanga hmasawnna hnathawhte leh NEC thuneihna leh sum tam zawka NEC thuamṭhat a ṭul thute an sawi ho. 

Minister in vailiam
September 1, 2022 khan C. Lalrinsanga, Agriculture Minister chuan Tuichangral Organic FPC Ltd thar lakhuihthei 15.7 metric tonnes  chu Sonipat, Haryana leh a chhevel a hralh turin Ch.Saprawnga Truck Terminal, Rangvamual ațangin a vai liam. 

Kum 50 tlin lawm
September 1, 2022 khan Fire and Emergency Services chuan an kum 50 tlin lawmna F&ES Headquarters Huntharah an lawm a. Home Minister Lalchamliana chu khuallian niin Home Commissioner H.Lalengmawia leh DGP Devesh Chandra Srivastava te chu khual zahawm an ni.

COMPUTER SEM
September 1, 2022 khan LAD Minister K. Lalrinliana chuan Village Council 50 hnenah  Computer leh  thildang mamawh te ama office chamber-ah a sem a.

THUKHAWM
September 1, 2022 khan Save Chite Lui Executive Committee chu Chairman Renu Sharma, IAS, Chief Secretary hovin an thukhawm.

NEIGRIHMS tlawh
MP (LS) C. Lalrosanga chuan September 1, 2022 khan Shillong-a North Eastern Indira Gandhi Regional Institute of Health Medical Sciences (NEIGRIHMS) a tlawh a. Medical Superintendent Dr. Daniala leh a hoten NEIGRIHMS damdawi in leh khawl thar  bun mek te an enkualpui..

Lawmpui
CM Zoramthanga chu September 2, 2022 khan a pisaah Mizoram Police hotulu te nen an inkawm a. An hnathawh that avanga World Book of Records ah an lang chu a lawmpuina thu a hrilh.

Sawiho
September 2, 2022 khan Dr R. Lalthang-liana hovin a pisa-ah SELCO Foundation CEO Harish Handa, NABARD Mizoram General Manager Prasada Rao leh H&FW hotulu pawimawh ten ni zung chakna (solar energy) hmanga Mizoram chhunga damdawi in te  chawm dan tur sawi ho na hun an hmang.