BOUNDARY COMMITTEE
September 2, 2021 khan Mizoram State Boundary Committee chu an Chairman Tawnluia, Dy. Chief Minister hovin Directorate of Forensic Science Laboratory Conference Hall-ah thutkhawm vawi 2-na an nei a. Meeting-ah hian Home Minister Lalchamliana, FCS&CA Minister K.Lalrinliana leh L&J Minister  T.J.Lalnuntluanga bakah Boundary Committee Member dangte an tel a ; ramri chungchanga mithiam sawm bikte an tel bawk. 

INCENTIVE AWARD
Sports & Youth Services Department chuan September 2, 2021 khan Aijal Club-ah infiammi thlan bik mi 2005 te hnenah Incentive Cash Award hlanna buatsaih a ni a. Chief Minister Zoramthanga chu he hunah hian khuallian niin, Speaker Lalrinliana Sailo chu khualzahawm a ni a, Sports Minister Robert Romawia Royte chu thlengtu a ni. Cheng 120,87,450/- semral a ni.

Hawn phal
Disaster Management & Rehabilitation Department order No.B.13021 /101/2020-DMR/Vol-V dated 14.08.2021 in a phal angin Mizoram chhunga Accomodation Unit zawng zawng te chu mipui tana thlen theih tura hawn vek a nih thu September 1, 2021 khan Tourism Director chuan hriattirna a tichhuak.

Holiday List, 2022
GAD chuan September 31, 2021 khan kum 2022 Holiday List a ti chhuak a, Holiday ni 26 awmin restricted holiday ni 33 a awm.

sem dan tur rel
September 1, 2021 khan Fairelbel Utilization Committee chu an chairman, Dr Lalhriatzuali Ralte, Deputy Commissioner hovin DC Conference Hall-ah an thukhawm a. Fairelbel Charity Fund a sum tlingkhawm Rs.23,45,000 /- hmanga AMC huamchhung veng hrang hranga Covid-19 avanga miharsa zual chhawmdawl dan tur an rel ho a ni.

VIRTUAL MEETING
Aizawl 1.9.2021: India hmarchhak state-a agriculture tihhmasawn kawnga hmalak chungchangah ni 31.8.2021 khan DoNER Minister G. Kishan Reddy hovin India hmarchhak state Chief Minister-te leh an aiawhte chuan virtual meeting an nei. Union Minister for Agriculture and Farmers Welfare Narendra Singh Tomar chuan a telpui. Mizoram Chief Minister Zoramthanga leh Agriculture Minister C. Lalrinsanga pawh he hunah an tel a ni.

SAWRKAR LAIPUI DAWR
Dr. R. Lalthangliana, Minister, Health & Family Welfare, Higher & Technical Education leh Commerce & Industries department changtu chuan August 31, 2021 atang khan sawrkar laipuia ministerte leh hotu pawimawhte a dawr a ni.

Covid-19 sawiho
August 31, 2021 khan Covid-19 chungchanga sawiho ngaite sawihoin Covid-19 Medical Operational Team chu an Chairman Dr ZR Thiamsanga MLA hoin an thu khawm.

BOARD OF COUNCILLORS’ MEETING
Aizawl Municipal Corporation (AMC) chuan August 31, 2021 chawhma dar 11 khan Board of Councillors' meeting a nei a; meeting hi AMC Mayor Lalrinenga Sailo chuan a kaihruai a ni.

ONLINE PAYMENT
August 31, 2021 khan Transport Minister TJ Lalnuntluanga chuan Secretariat Conference Hall, MINECO-ah mipuiten online hmanga chhiah leh Transport Department atanga mamawh pawimawh hrang hrang awlsam taka an neih theihna tur online payment system a tlangzarh.

CM leh 2 AR Bn. Commandant
Chief Minister Zoramthanga chu August 30, 2021 khan 2 Assam Rifles Battalion Commandant, Colonel Rajesh Kumar Nayak chuan a pisa ah hmu in an inkawm.

Fairelbela sum tlingkhawm hlan
August 30,2021 khan LPS leh Zonet tangdun buatsaih, Charity Concert, Fairelbela sum tlingkhawm Rs. 23,45,000/- chu Aizawl Bawrhsap Dr. Lalhriatzuali Ralte kutah hlan a ni a. Sum hlanna hi Aizawl Bawrhsap Pisaah neih a ni.

STATISTICAL HAND BOOk TLANGZARH
Directorate of Economics & Statistics Conference Hall-ah Economics & Statistics Director B. Lalrinhlua chuan August 30, 2021 khan Mizoram Statistical Handbook, 2020 a tlangzarh. Mizoram Statistical Handbook hi kum khat dan zela tihchhuah thin a ni