Ministry of Civil Aviation-ah Mizoram tana a hmalakna tur hrilh

Aizawl : September 4, 2025 khan Dorjee Khandu Auditorium, Arunachal Pradesh Legislative Assembly, Itanagar, Arunachal Pradesh-ah Ministry of Civil Aviation, Government of India bultumin North East Region Minister’s Conference on Civil Aviation buatsaih a ni a. He hunah hian Chief Minister Lalduhoma pawh a tel.

  Union Minister for Civil Aviation Rammohan Naidu Kinjarapu leh Ministry of Civil Aviation a hotute Chairman, Airports Authority of India, Director General of Civil Aviation Asangba Chuba Ao, IAS, Joint Secretary, Ministry of Civil Aviation leh officers dangte nen One on One interactive session neiin, inkawmna hun tha tak an nei.

  Chief Minister Lalduhoma chuan Ministry of Civil Aviation in Mizoram tana hma laksak tura rawtnate a tarlang. Ministry of Civil Aviation hotute nena One on One Interactive Session neih zawh hnuah Aviation Industry a company hrang hrangte nen inkawmna hun an hmang leh bawk.

PUC-in NIRF 2025 Ranking-ah 49-na hauh

Aizawl : Ministry of Education, Govt. of India chuan September 4, 2025 khan India rama University leh College tha a thlanna, ‘National Institutional Ranking Framework’ (NIRF) ranking a tihchhuahah, Pachhunga University College chu college category-ah 49-na a ni a, Mizoram University chu University category-ah 82-na a ni thung.

  He inkhawmah hian India rama University leh College tha thlan chhuah aiawh mi thahnem tak an tel a, Pachhunga University College aiawhin Principal, Prof. H. Lalthanzara leh Mizoram University aiawhin Registrar, Prof. Lalnundanga te an tel bawk a ni.

  Pachhunga University College hi kum 2020 atang khan a tel ve tan a. Kum 2022 khan India ram college tha 45-na a ni a, 2023-ah 34-na niin 2024-ah 35-na a ni a, 2025 hian 49-naah a awm leh a ni. India ram college 50000 chuang zingah kumin hian college 4030 an tel a, PUC hi 49 naah a lang a, PUC tih loh chu India hmarchhak college zingah ranking 100 hnuai lama lang pha an awm lo a ni.

Scientific Laboratory Equipment an sem

Aizawl: School Education Department chuan Treasury Square, Aizâwla an pisa-pui - Directorate tual zâwlah kum 2025 ‘Zirtîrtute Ni’ (Teacher’s Day) denchhenin 4.9.2025 khan HSLC Exam Centre 105 leh HSSLC Exam Centre 15 hnênah Scientific Laboratory Equipment an sem

  He programme hi Angela Zothanpuii, Director, School Education Department chuan a kaihruai a; David Lalthantluanga, Special Secretary, School Education Department, Gov’t. of Mizoram chuan he hun hi hmanpuiin Scientific Laboratory Equipment-te hi a sem a ni.

  School Education Department-in HSLC Exam Centre 105 leh HSSLC Exam Centre 15 hnêna Scientific Laboratory Equipment an sem dân chu Microscope 150, Analytical balance 30, Meter bridge 75, Prism 635, Ammeter 635, Rheostat 381, Burette 635, Conical Flask 635, Beaker 635, Measuring Cylinder 635, Test Tube 2540, Glass Slab 635, Concave Lens 635, Convex Lens 635 leh Spirit Lamp 381 te a ni.

Larsap-in Bharat Darshan Tour kal turte a vai liam

Aizawl: Mizoram Larsap General (Dr) Vijay Kumar Singh, PVSM, AVSM, YSM (Retd) chuan September 3, 2025 khan Ministry of Home Affairs (MHA) hmalakna hnuaia Border Security Force (BSF) ruahman, Bharat Darshan Tour hmanga Delhi kal tur zirlai naupang 100, zirtirtu 8 leh tour guide-te chu Raj Bhavan atangin a vai liam.

  Tun tum Bharat Darshan Tour atan hian District pali- Aizawl, Lunglei, Mamit leh Saitual District-a School 8 a zirlai 100 leh zirtirtu 8 te thlan chhuah an ni a. Ni 6 chhung September 3-8, 2025 thleng awh tur niin, Delhi-a History hmunhma pawimawh tak takte, cultural & heritage site-te, Sawrkar office leh Museum-te an tlawh bakah MHA official-te nen inkawmhona hun an hmang a. Zirlaibu a chuang mai piah lamah thil pawimawh hrang hrang- India ram chanchin, hmunhma pawimawh, hmasawnna, khawtlang leh hnam ziarang hrang hrangte leh Sawrkar inrelbawlnate Bharat Darshan Tour kaltlang hian zirtir tum an ni.

56th GST Council ah Minister Dr. Vanlalthlana tel

Aizawl : Thla 9 chhunga a vawikhat meeting neih lehna hmasa ber atan, September 3, 2025 khan 56th GST Council, chu Chanakya Hall, Shushma Swaraj Bhawan, New Delhi-ah neih a ni a. He meeting hi Nirmala Sitharaman, Chairman, GST council- in a kaihruai a ni.

  He council-ah hian member a nih angin Minister Dr. Vanlalthlana hi Taxation enkawltu a nih angin a tel a. Minister hi HK. Lalhawngliana, Commissioner of State Tax in a tawiawm a. 02.09.2025 khan a hmun ngaiah tho hian GST Officers' Meeting neih a ni a. He Officers meeting-ah hian HK. Lalhawngliana, Commissuoner of State Tax hi a tel a. 

  Officers meeting hian GST Council meeting-a an sawiho tur hi sawihona an nei ?hin a, heta an thu sawiho te hi mahni State minister theuhte nen an sawidun leh thin a ni. Chuvangin he Officers meeting hi a pawimawh hle a ni. Meeting hi naktukah a tiak ang.

Ambulance thar 8 vailiam

Aizawl: September 3 2025 zing khan Health Minister Lalrinpuii chuan MINECO Khatla atangin NHM hnuaia NAS enkawl, Sawrkar damdawiin-a dah tur 102 Ambulance Motor 8-te chu a vailiam.

  Tunah hian National Ambulance Service, NHM hnuaiah, Ambulance motor 62 awmin district hrang hranga sorkar damdawiin 59 ah te dah an nih thu leh chungte chu NHM hnuaia Call Centre (102) atanga darkar 24 chhung enkawl (monitor) an ni. Ambulance-te chu an lo Service rei ve deuhtak avangin, a tahtawl a a thar thlak tur a ruahmanna siam zel tum a ni.

  Ambulance-te hi a hnuaia tarlan hmunahte hian pek tura ruahman a ni : 1) Chawngte CHC 2) Sakawrdai CHC 3) Ngopa CHC 4) Bunghmun South PHC 5) Khawbung PHC 6) Tawipui PHC 7) West Phaileng PHC te Rawpuichhip PHC te ta tur a ni.

Chief Minister Lalduhoma hovin SCRAM thukhawm

Aizawl : Planning & Programme Implementation Department Conference Hall-ah FOCUS 2.0 hmalakna tura thuneitu sang Society for Climate Resilence Agriculture in Mizoram (SCRAM) te chu September 2, 2025 khan an Chairman Lalduhoma, Chief Minister hovin an thukhawm.

  FOCUS 1.0 hnathawh hun chhung a zawh tawh avangin Mizoram sorkar chuan FOCUS 2.0 hmalakna hi Handholding Scheme nena kal dun tura kalpui leh a remti a. International Fund for Agricultural Development (IFAD) sum Rs. 380 Cr. hman phalna hi State sorkar Finance Department chu pe tawhin, sawrkar laipui lamah dilna thehluh mek a ni. Department hrang hrangten hma an lakhona (convergence) a nih angin Planning & Programme Implementation Department hnuaia kalpui tur a ni ang.

  FOCUS 2.0 thuneitu sang ber Governing Council thar dinna Notification hi August ni 20 khan tihchhuah niin, a hming hi "Society for Climate Resilient Agriculture in Mizoram (SCRAM)" a ni a. Chief Minister chu Ex-officio Chairman niin, Planning Secretary chu Ex-Officio Member Secretary a ni. FOCUS 2.0 hi kum ruk chhung kalpui tur a ni ang.

IFMIS chungchang sawiho

Aizawl: Chief Minister Lalduhoma hovin September 2, 2025 khan Adviser to CM TBC Lalvenchhunga leh Finance Department thuneituten IFMIS chungchang sawihona an nei.

  Meeting-ah hian IFMIS-a Works Account dah tel dan tur zirchiangtu Study Team for Cheque Payment under IFMIS te report ngaihthlak niin Rothuama Tochhawng, MFAS, DD, Secretary, Study Team chuan state te kal dan an zirchianna report hi a pe a. Rawtna an neihte pawh a thlen nghal a ni. Heng an rawtnate hi a tul anga an sawiho hnuah a bawhzui zel dan turte ruahman a ni.

Mobile Forensic Vehicle 10 vailiam

Aizawl: Home Minister K. Sapdanga chuan September 1, 2025 khan Directorate of Forensic Science Laboratory kawt zawlah Mobile Forensic Vehicle 10, sawrkar laipuiin Rs. 4.818 Crore-a a leisak chu flag-off na hun a hmang. 

  He motor hi motor satliah ni lovin a chhungah hian forensic evidence pawimawh hrang hrang lakkhawmna tur hmanraw pawimawh tak tak a awm a ni. Heng motor 10 leina atana Rs. 4.818 Crore hi kumin August thla khan pek tlak tawh a ni.

  Sorkar laipui chuan State/UT tin FSL tih changtlunna turin khawl pawimawh leina tur (Machineries & Equipment) leh pawikhawihna hmun thlen zung zung theihna tur Mobile Forensic Vehicle (MFV) leina tur sum a ruahman sak a. Mizoram FSL pawh khawl pawimawh 15 leina tur Rs. 6.13 Crore leh Mobile Forensic Vehicle 10 leina tur a rawn pe a ni.

Thenzawl peace City lawmna nei

Aizawl : Thenzawl-a Village Councils, NGOs, leh khawtlang mipui tangrual chuan September 1, 2025 khan Thenzawl Peace City lawmna inkhawm Jt. YMA Hall, Bazar Veng-ah an buatsaih a, bialtu MLA Lalduhoma, Chief Minister chu khuallian niin, B. Lalchhanzova, Supply Minister chu khualzahawm a ni.

  Chief Minister a nih hnua New Delhi a zin vawi hnihnaah khan Thenzawl Peace City dinna tur hi India Prime Minister Narendra Modi hnenah a dil a. A hnu reiloteah a dilna ang hian Central sawrkar chuan Thenzawla mipui nuaih sawm vel khawsak theihna tur khawpui changkang, kilometer 108 thuta zau Master Plan siam a rawn phalsak a. Ministry of Housing & Urban Affairs kaltlangin Master Plan siamna tur hi cheng vaibelchhe sawm (Rs. 10 Cr.) a rawn pe a ni.

  Master Plan siam hna bawhzui nghal a ni a. July ni 22 khan a siamtu tur zawnna hmahruai Request for Proposal for selection of Consultant tihchhuah niin company lian tak tak sawm leh pariatten an rawn ngaihven a. Ruahman anga thil a kal chuan tun thlaah hian a thawktu tur hi thlan fel hman beisei a ni.

Ruihhlo do beihpui thlakna tur khuh hawnna nei

Aizawl: Home Minister K. Sapdanga’n September 1, 2025 khan a pisaah Mizorama ruihhlo do beihpui thlakna tur khuh hawnna a nei. He hunah hian Excose & Narcptics Minister Lalnghinglova Hmar, Home Department Secretary, IGP (L&0), Aizawl DC leh SP bakah Excise & narcotics leh Polkice hotu pawimawhte an tel a, Central YMA hruaitute pawh an tel a ni.

  August ni 7, 2025 khan Mizoram Sorkar a Home Department, Mizoram Excise & Narcotics Department, Mizoram Police, SIB te leh CYMA hruaituten awmze nei leh zuala ruihhlo do anih theihnan uluk taka sawihona leh inrawnna neih a ni a. He meeting-ah hian Mizorama ruihhlo lo lut te hi Burma lam atangin a hlawmin a rawn lut a, chung a rawn luhna hmun 22 (sawmhnih pahnih) te pawh tarlan a ni a. Hemi meeting hian ruihhlo do beihpui chhuah a tul takzet tih hria in a hnuai ami ang hian hma lak tura ruahman a ni.