- George L Ralte

Media hi kan in biak pawh tawnna hmanraw tangkai tak niin mi tam takin a rual a kan dawn theih leh kan hman tangkai em em hi Mass Media an ti a, Tin kei mahni ngeiin a kan awka leh chetzia a thu awmze nei a kan entir reng reng hi Media chuan a huap tel vek a, hei hi  Presentational Media an ti a ni.

Khawvel thang zel ah hian mihring nun hi a khawih danglam nasa hle a, a tangkaina sawi tur tam tak a awm laiin a tha lo zawng a hman theih hi tam tak a awm bawk a ni. Khawtlang ah leh Kohhran ah hian Media hman tangkai dan hi tun aia nasa hian in zirtir ila, hemi atang hian hmasawnna pawimawh tak kan lo nei dawn tihna a lo ni. Kan hriat hauh loh laia min zirtir rengtu chu kan thil hmuh leh hriat hi a ni thin a, heng te hi Mass Media hian a huam tel vek a ni.

Tunlai sualna langsar zual mipat hmeichhiatna hman dik loh hlemhletna hrang hrang zu leh damdawi hman khawloh dan bawhchhiatna tharum thawh leh tualthah thleng hian Mass Media chuan a huam a, thil tha lo tam tak kar ah hian mihring te thianghlimna hi a bo zo vek thin a, heng thil te hian a hranpa in sualna lam ti turin min fuih hauh lova, kan rilru  lam ah nasa takin min kai peng thin a, kan lehkhabu chhiar duh atang leh Flim kan en duhna atang te hian kan khaw haw kan tih zauh viau laiin a tha lo lam ah pawh min zirtir tel a hauhawm khawp mai. A tir a sual ang a lang lem lo pawm zam hian kei mahni ah sualin hmun a khuar zui duh viau a ni.

Tunlai a hmanraw tangkai tak a kan neih Computer te hi Telephone a thlun zawmin Internet atang hian kan thil hriat duh engkim mai hi awlsam takin a hmeh chhuah zung zung theih a ni. Heng thil hmang tangkai duh tan chuan thil tha tak a ni awm e. Heng Internet atang hian sakhaw duk dak lo thil tam tak min zirtir mek bawk a, USA ram a sakhaw kal sual an sawi thin HEAVEN S GATE an tih ho pawh khan Internet-a Webside hmangin an thurin an vawrh darh thin a nih kha, hetiang thil tha lo tam tak hi hmuh tur leh hriat tur a niin sawi a ni thin a, chuvangin Media lam a hma kan sawn zel lai hian heng kan hmasawnna te hian kan nun a ti bawlhhlawh thei em tih in zawt thin ila, thianghlimna kawng ata min hruai peng thin em tih a in zawtin fimkhur tak leh uluk tak a Media hi kan hman tangkai a tul tak zet a ni.