DOWNLOAD OUR APP

Read latest news on your phone
app-store

Thirban chhipah savawm

Jun 13, 2021

Sulphur Springs Valley Electric Coperative chuan electric bana savawm tang hi khaw dai deuhvah an hmu

United States-a Arizona khawpui chhim lam, Wilcox-ah chuan electric bana hrui inzam hnawk karah savawm a tang a, engtianga tang mai thei nge a nih erawh hriat a ni lo.

Power leh thil dang dang pe chhuaktu, Sulphur Springs Valley Electric Coperative chuan electric bana savawm tang hi khaw dai deuhvah an hmu.

Company lineman, Werner Neubauer chuan current-in a man loh nan an off nghal tih a sawi a. Thirban chhip thleng turin bucket lift hmangin a inchawi chhoh tir a, fibreglass tiang metre hniha sei nena tangin savawm hi thirban atang hian a la thla a ni.

Neubauer hian a bul a thlen hian a seh a hlau ve tho va, a bia tih a sawi a, lak thlak tum a nih thu a hrilh tih sawiin, “A hrethiam ve deuh a ni mai thei,” a ti.

Tiang hi a seh fuh ngheh hnuah chhuk nan a hmang a, a bul thlaler lamah a tlan bo nghal tih a sawi.

Tun hnaiah Arizona-a ualau taka savawm an hmuh vawi hnihna a ni tawh a, tun tuma an hmuh dan erawh a dang deuh a ni.

Share now