April 20, 2024; 'Ride to clean air’ tih thupuia hmanga thirsakawr hmanga India ram fang mektu, Vanlallawmzuala Varte (LZa) s/o VL Chhuanawma, Mission Veng chuan vawiin hian Panaji, Goa a lut dawn.

LZa hian January 25, 2024 khan Aizawl a chhuahsan a, tun thlengin km 7,300 vel a tlan tawh a, km. 9,000 vel tlan tur a la nei.

Thirsakawra India ram fang mek Lza Varte hian tluang taka a tlan theih chuan kumin Agust thla ah India ram fan chhuah theih a in beisei tih ZALEN a hrilh.

"Khua a lum in kawng a chhuk chho ang reng a, tlan sawt a har khawp mai, ka hriselna pawh Pathian zarah ala pangngai viau e," tiin ZALEN a hrilh bawk

Nikum May thla khan Lailapur, Assam atangin Mizoram chhim tawp, Khaikhy thleng ke ngatin a lo kal chhuak tawh bawk a, km 623 hi ni 18 leh darkar 13 chhungin a thleng hman a ni.