Aizawl: Mizoramah thla 9 kalta January atanga September thla chhung khan nau piang 17871 awmin thi 5318 an awm bawk. Additional Chief Registrar of Births & Deaths chhinchhiah danin nau piang zingah hian mipa tam zawkin thla 9 chhunga nau piang zat hi 12072 an ni a, hmeichhia 5809 an awm bawk. Thi zingah pawh hmeichhia aiin mipa an tam a, thi zawng zawng zinga 3949 hi mipa niin hmeichhia thi 1369 an awm bawk a ni. Mizoram district 8 zingah Aizawl district chu nau piang leh thi tamna ber a ni a, thla 9 kalta chhung khan Aizawl district-ah nau piang 6569 an awm a, thi 2307 an awm. Thla 9 kalta chhung vek khan Serchhip district chu nau piang tlemna ber niin piang 790 chhinchhiah a ni a, Mamit district chu thi tlemna ber a niin mitthi chhinchhiah 119 an awm a ni.