Aizawl June 11, 2023 : Mizoram sawrkara Taxation department chuan kum kal mek, 2023-24 (April leh May)-ah chhiah Rs. 2,18,15,65,464 a hmu tawh a. Hetihlai hian kum kal meka chhiah hmuh tur beisei zat chu Rs. Vbc. 1,084.29 a ni.

Taxation department chuan kum kal mek, April thlaah Rs. 1,34,78,34,419 hmuin May-ah Rs. 83,37,31,045 a hmu a, chhiah hmuhna tam ber chu GST a ni.

Taxation Department hi Mizoram sawrkar tana chhiah chhung luttu lian ber a ni a, GST, VAT leh Prof. Tax atangin chhiah a lakhawm a. Financial year 2022-2023 chhunga chhiah a hmuh zawng zawng chu Rs. Vbc. 1,020.66 a tling.

Revised estimate (RE)-ah Rs. Vbc. 900 hmu tura beisei an nih laiin RE target hi Rs. Vbc. 120.62-in an khum a. State’s own rax revenue target Rs. Vbc. 917.79 pawh Rs. Vbc. 102.87-in an khum.

Taxation department tar lan danin, 2005-06-ah chhiah Rs. 45,95,99,733 (vbc. 45.95) a nih laiin, 2022-23-a hmuh erawh Rs. vbc. 1,020.66 a tling.

Tar lan tawh angin Taxation department chuan chhiah lakah a theih ang angin tan an la a, tax return file lote reminder pein, office lamah pawh an puih bakah, tax return file lote an dapchhuak thin.