March 13, 2024; Agriculture minister PC. Vanlalruata'n, sawrkarin a thlan bik thlai thar tihralna chungchang-ah sawrkarin a pawp a hnawh dawn tih a sawi.

Vawiin assembly budget session zawhna leh chhanna hunah member te zawhna leh zawhbelhna te chhangin, agriculture minister chuan ZPM policy thlai thar lei chu a nihna takah chuan sawrkarin a va lei tak tak dawn ai mah chuan, sawrkarin a pawp a hnawh dawn tihna a nih thu a sawi.

"Kuthnathawktu ten a rate hre sain hnathawk ve tawh se kan ti a, kan tlangau thin a, chutia kan tlangauna ah chuan miimum suport prive kan pe ang kan ti a, chutiang zel chuan Hmarcha, Aieng, Hmunphiah leh Sawhthing ah te a ni," a ti bawk.

"A hranpa a sawkar inrawlh a, buara va dawh ve ngawt thu a awm lo a, society khaw tin ah kan din dawn a, society te a taka leitu turah kan siam ang. Amaherawhchu kuthnathawktu ten mumal zawk a thlai an hralhna turin minimum support price kan pe dawn a ni," agriculture minister chuan a ti.

Kuhva chungchangah pawh sawrkarin hma a la dawn tih sawi bawkin, bana kaih policy hnuaiah a scope na tur buaipui tum a nih thu leh a tihro dan te pawh dapa ni dawn tih a sawi a, chungte chu kuhva chingtu ten man man zawka an tih ral theihna tur a nih thu a sawi.