Thlawhna service tur be mek; thlen chin ah Indigo beisei awm hrih ber : Aviation
Aizawl: Jet Airways ten Aizawl-a thlawhna service an tih tawp avangin thlawhna hmanga zin tur ten harsatna an tawk mek a, hemi chingfel tur hian Mizoram sorkar hnuaia Civil Aviation Wing chuan hma an la mek .
February 10, 2019 atanga khan Mizorama Private company thlawhna service awmchhun Jet Airways chuan an thlawhna service an ti tawp a, service ve dang Air India hi Kolkata leh Guwahati bak thlawk lo a nih bawk si avangin, Delhi to Aizawl direct flight nei chhun te hian an service a tih tawp takah chuan mipui ten harsatna an tawh phah a, chhunzawm leh tura ngen pawh ni mah se, an chhunzawm theih tak lovah chuan Mizoram sorkar pawhin hma a la mek a, hlawhtlinna la hmu chiah lo mah se, beiseina sang tak an nei.
Mizoram sorkar, GAD hnuaia Civil Aviation Wing-a Principal Consultant, Wing Commander Retired J. Lalhmingliana chuan, private airlines hrang hrang te pawh an be tawh tih a sawi a, an biak tam zawk te hnen atangin chhanna lawmawm an la dawn loh thu a sawi rualin Gurgaon, Haryana-a inbun IndiGo Airline lakah erawh beiseina sang tak an neih thu ZALEN a hrilh.
J. Lalhmingliana chuan, "Airlines engemaw zat kan bia a, IndiGo lam hi thu lawmawm kan dawnna an ni a. Aizawl ah pawh an Senior Operation, Ravi Bajaj rawn kalin thil awmzia kan sawi tawh a, ziak erawh chuan engmah tih chianna a la awm lo," a ti.
Wing Commander Retired J. Lalhmingliana chuan, “Vawi leh khatah thlawhna rawn service chuk chuk theih an nih loh thu te pawh an sawi a, bu khuar (set-up) nan hun engmaw chen an mamawh tur thu leh Central Ministry lam atanga phalna (clearence) lak an ngaih tur thu te an sawi a, an rawn lut thei anih chuan Airbus 320 emaw 319 emaw thleng pawha rawn tum tir an tum avangin, Lengpui Airport Runway endik thlenga tih an ngaih tur thu thlengin an sawi a ni,” a ti bawk. An beisei dan chuan March 31 hnulamah service hi an neih hman a beisei thu ZALEN a hrilh bawk.
Mizoram Chief Minister, Zoramthanga pawhin central sorkar lamah ziakin thlawhna service an mamawh tih a thlen tawh tih, Lalhmingliana hian a sawi a, Mizoram Governor, Kummanam Rajasekharan pawhin Civil Aviation Ministry a hmuh tur thu a hnenah a rawn thlen tawh tih sawi lang in, hmalak dun dan tur pawh an sawi dawn, tih a sawi tel.
Hmalatu dang Ronald Sapa Tlau chuan Jet Airways ten Aizawl-Delhi leh Aizawl-Guwahati an titawp avanga Mizoram-in harsatna a tawh te a thlen bakah thlawhna chuan man to uchuak bik lutuk chu a sawisel baka, inthliarna hawi nia a hriat thu te a thlen bawk.
Mizoram BJP chuan thlawhna service chungchangah hian an hmalak dan thuchhuah an lo siam tawh a, an general secretary, Ramthansanga chuan Union Civil Aviation minister Suresh Prabhu hnenah lehkha thawnin, hma lak sak turin a ngen a, Minister hian February-ah hi chuan hun a awm tawh loh thu leh March atang chuan thlawhna an thlawhbelh tir thu a lo hrilh, niin an thuchhuah hian a tarlang.
&&&&&&
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024