March 31, 2024; East Lungdar a Kohhran Pavalai Pawl inkhawmpuina tur pandal chu tukin thli tleh khan a len chhe vek a, naktukah senghawi hnatlang neih a ni dawn.

East Lungdar atanga ZALEN thudawn danin, tukin dar 9 bawr vel a thli tleh khan Kohhran Pavalai Pawl inkhawmpuina tur pandal sak zawh vek tawh hi a len tlu vek a, a chhungah mihring tumah an awm loh lai a ni.

Pandal hi Central YMA steel structure hmanga sak niin, a zawm belhna te nen a tlu vek a, Kohhran Pavalai Inkhawmpui neih hun tur April ni 21 hmain peihfel leh hman a beiseiawm loh niin thudawn a ni.

Ruahmanna siam lawk danah pandal sak hna hi naktuk ah khawtlang huap hnatlang neih a zawhfel theih beisei a ni tawh a, thli tleh vangin harsatna hi an tawk zui ta a ni.

Pandal hi March ni 5 atanga sak tan a ni a,

A dung feet 156 leh a vang feet 146 a ni a, a chhung thuthleng siamah mi 5,000 leng tura ruahman a ni.