Aizawl; Lalthianghlimi thih thu-a thu zawhfiah atana man, Lalrothuama chu nimin zing khawvar hma khan Vaseikai Police Station lock-up ah inawkhluma hmuh a ni. Lalthianghlimi hi Lai Autonomous District Council-a LDC hnathawk a ni a, Nilaini kalta khan Vaseikai-ah thi-a chhar a ni a, a ruang hi a ngal chen vel tuiah a inchiahin, a taksaah hliam hnuhma a awm bawk. Mi kut tuara thi nia rinhlelh a nih avangin postmortem a nih hnu ah he thihna chungchanga rinhlelh Lalrothuama chu Police ten an man a, thu zawhfiah tura an kawl laiin amah a intihlum ta mai nia hriat a ni. Lalrothuama hi Police ten an veng deuh reng a, an ven loh kar reilote chhungin a lo inawkhlum hman ta tho niin thu lakna chuan a tarlang.