Aizawl March 7,2024: Vawiin khan National Highway (NH) 54 kawngpui sial hna thawhin an chenna In a tihchhiat dawn avanga zangnadawmna pek tawh, an chenna in thiahna tur thupek “Eviction Notice” pawh pek tawh, an chenna In la thiat duh lo leh insenghawi duh lo Thualthu khuaa In pali thiahsak an ni.

In thiahsak te hi Hmangaihthangi, T. Thanliana, Lalruata leh Rinawmi te chenna In a ni a, Competent Authority for Land Acquisition (CALA), Lunglei District aiawh Assistant Sattlement Officer leh Executive Magistrate K. Lalhlimpuia hova thiah sak leh a ni.

Tahrik ni 5/3/2024 khan Tawipui ‘S’ khuaa S. Lalnghinga In pawh lo thiahsak tawh a ni.

NH54 kawngpui sial mekin an chenna in a tihchhiat dawn avanga zangnadawmna an lo pek tawh, mahse, In la thiat loh leh insaseng duh loh te hi vawi tam, thuneitu ten an in te thiat a, insaseng turin a lo hriattir tawh a. Mahse thupek zawm duh loh an la awm cheu avangin tahrik ni 5/3/2024 atang khan Competent Authority for Land Acquisition (CALA), Lunglei district chuan hma a la tan ta a ni.