ZALEN June 5, 2025; May ni 31 Inrinni-a Tiau Luia tla Dokhanlala (42) Nghalbual Khua Myanmar chu vawiin thlengin hmuh a la ni lo.

Tiau tui hi a la tam avangin SYMA Champhai kaihhruaina hnuaiah a nawlpuia zawn hna la kalpui loh a ni a, nimin khan Zokhawthar tui thiam rualte chuan a tlakna hmun atanga Zokhawthar thlengin tui tla zawnna hmanrua nen an zawng a. Zokhawthar bakah hian Zote, Tlangsam leh Ruantlang Branch YMA te tui tla zawng hian an thawk chhuak bawk a ni.

Dokhanlal hi Tiau Lui Zote kaiah Inrinni khan a tla a, thudawn danin Mizoram lama thing zaia inhlawh niin a pa a dam loh avanga haw chho tur niin a inhlawhna Rs. 40,000 vel a tlakpui nia hriat a ni.

#ZalenNews