American luxury jewelry company lar Tiffany & Co. chuan an global ambassador thar atan BLACKPINK star Rosé an ruat.

Tiffany & Co. hian global ambassador atan hian - Kenyan-Mexican actress Lupita Nyong’o, American actress Elle Fanning leh Chinese actor-musician Jackson Yee te an nei mek a, Rosé hi an thawhpui ve leh dawn ta a ni. 

Korean-New Zealand singer Rosé chuan, "High school ka kal lai atang tawhin Tiffany jewelry hi ka lo inbel ve tawh thin a, ka ngaina tak zet a ni. An zinga ka tel ve thei tur hi ka lawm tak zet a, ka inchhuang hle bawk a ni," tiin a sawi. 

'On The Ground' singer Rosé hi a hming tak chu Roseanne Park a ni a, May thla tir atang hian Tiffany & Co. tan hian a campaign tan dawn a ni.