- F.Vanlalpeka, IMCS Aizawl. 8837056218

Khawvel ram ropui zawk te leh India Ramah ngei pawh, Eizawn nana Sumdawnna an kalpui dan te hi kan varpawh ve hi a hun tawh hle. Chuvangin, mahni Tapchhak Buzawl atanga thil changkang chi hrang hrang kan sawi-rawtui em em thei ang hian, Eizawnna leh Sumdawnna hi “a tak ram leh hmuh theih, deh theih reng”tura kalpui a ngai a. Thu chauh, Hla chauh a ni ve lo.

Mizoram mipui tam ber ten “Sumdawnna” kan varpawh dan ber chu Company thil siam Bungrua (Product Goods) atanga Hralhna (Market Sales) kalpui hi a ni deuh mai a. Heng Bungrua te lo Hralh saktu nihna (Company Agents & Seller) leh a hlawkna tlem te te (Fixed shares %) hmu ve tura Dawr siam hi Sumdawnna changtlung ber leh Hlawk berah kan ngai. A dik reng mai. 

Nimahsela, kan sawi tum ber zawk chu EIZAWNNA NGHET LEH SUMDAWNNA HLAWK BER a ni thung. Mizoram chhunga kan kutkawih ve theih loh chi chu thuhran, Midang te Bungraw zawrh hawh sak a, Hralh saktu satliah mai mai ni lo, eng items pawh chu ni se, Company Bungrua leh Market Bungrua ni tura kan seng luh dan tur luhchilh vena lam zawk hi kan sawi ber chu a ni. 

Khawvel thiamna (Technology) hrang hrang hmanga Eizawnna tura Sumdawnna nghet ber leh Hlawk ber in­nghahna chu he Ram Leilung (Agri-Land) atanga thil deh­chhuah hi a ni. A kalpui dan tur erawh kawng hnih a awm. Agri-Business leh Agri-Clinic a ni. Agri-Business chuan Leilunga thil dehchhuah te chu Eizawnna tur leh Sumdawnna Hlawk ber ni turin a kalpui a. Agri-Clinic chuan chung thil dehchhuah te chu enkawl puitlin zuina chu a kalpui bawk. 

Hetiang atang hian Tual­chhung mamawh, Ramchhung Mamawh leh Rampawn mamawh a inthliar fel vek. Chutiang zelin, khawvela Eizawnna tlak Sumdawnna Hlawk ber intan dan pawh, Mahni Leilung ngeia Tharchhuah atanga Tualchhunga mamawh Hralh chi (Local Demand Direct Market) te, Ramchhunga mamawh Hralh chi (National Demand Indirect Market) te leh Rampawn lama mamawh Hralh chi (International Demand Indirect Market) kalpui theih Items neih a ngai. Hei hi Company tam ber te inelna chu a ni.Hetiang kawng zawh tur hian Tharchhuah tur Items atanga suartluan vekna “Agri-Business leh Agri-Clinic System” (Planting Materials to Cultivation, Products Processing to Marketing) dik taka kalpui a ngai.

Tunah hian Mizorama nitin mamawh lian tak pathum chauh atanga Ramdang hnena Sum kan pekchhuah tarlang ila. Tel - Hriak (Oils Seed Products Refined Oil) lamah Thlatin cheng Vbch. 70 aia tam, Bawnghnute (Dairy Milk) lamah Thlatin cheng Vbch. 40 aia tam leh kan Ran vulh Vawk, Ar leh Sangha Chaw (Animals Feed) lamah cheng Vbch 30 aia tam. A vaiin cheng vbch. 140 kan thehchhuak hiau hiau mai!

Eizawnna tlak Sumdawnna Hlawk ber kan tih, a hlawkna pumhmawm vek theih chi,Tualchhunga mamawh Hralh chi (Local Demand Direct Market) pakhat, Ran Chaw atana tha ber (Natural Readymade Feed) an tih erawh chu tunah hian Mizoram District hrang hrangah mimal Sumdawng thenkhatin an kalpui ve ta der mai ! A lawmawm hle. Thil tha zawnchhuah hi kan zavaia tan a pawimawh hle.