-Peipung Edutech

Pawisa hi a ni ber em? : “Chhui chiang chhin ang aw”

2016- a “Kaun Banega Crorepati” a pakhatna Sushil Kumar-a chuan a lawmman dawn Crore 5 chu enga tan nge a hman em em tih pawh hre lovin a kumleh ah chuan a sum dawn zawng zawng chu a hmang ral vek mai a, he thil atanga kan zirchhuah chu mihring te hian kan sum leh pai vawn dan tur leh kan hman dan tur hi zir tir kan lo ngai vek tih hi a chiang hle a ni. Ni e pawisa hi a ni ber lo an ti na a, pawisa hi hna kan thawh chhan ber a ni lawi si, hlim rau rauah pawisa neilo aiin pawisa nei chu hlim dan pawh a dang deuh mai thei. Chutih rualin sum leh pai kan hman danah erawh chuan Bible in a sawi : Sual tinreng bul sum a tih hi kan tawng vat thei a ni. He article hi tawite ni mah se, i hman tangkai erawh chuan sum leh pai enkawlna kawngah i hriatna a zau sawt dawn a ni. Sum leh pai kan enkawl thiam phawt chuan kan hma hunah chhiat tawh thilah pawh lungngai lovin kan in veng thei reng dawn a ni.

Hauhsak thut na a awm lo.

Bible chuan thlan tla a ei tur thawkchhuak turin min duh a. Ni e, khawvelah hi chuan zan khat thil thu a han hausa thut hi chu an awm teh meuh mai, hei hi chu mi zawng zawng tan a ni lem lo a ni. Thil kal dan phung ngunthluk taka han ngaihtuah pawh hian dik taka tih dawn chuan han hausak thutna hi a awm lemlo niin a lang. Chuvangin, he thuziak atang pawh hian hausak thutna tur kan sawi dawn lova, amaherawhchu, kan sum neihsa atanga kan pun belh tir zel dan tur kan sawi dawn a ni. Hun reilo te chhunga hausak thur thurna a ni lem lova, muang changa sum peipunna a ni dawn a ni.

Sum khawlkhawm (Savings) : Kailawn hmasa ber atanga hmasawn zel.

Sum kan lakluh apiang hmang zo vek mai a awm theih a, chutih rualin khawl tur tlem azawng tal dah tha thin an awm bawk a. Engpawh nisela a tawpah chuan sum khawl lo chuan chhiat tawh thil ah an laina hnai pawisa an puk leh nge nge thin a ni. I sum khawl chhan chu engvang pawh ni se, a pawimawh ber chu tawpsan mai loh a ni. Khawl kan tum chuan heng hi kan lo hre reng dawn nia:

1) Kan thawhchhuah atanga 100 ah 10-30 tal dahthat

2) A tello a kan awm theih loh chiah lei

3) Mamawh tih tlem

4) Ba neih loh

5) Loan kan la emaw, Credit Card kan hmang a nih pawhin sum chang thei ah chiah hman ni se.

   Heng panga te hi kan zawm phawt chuan tun atang kum 5 ah chuan sum tam tak kan khawlkhawm thei a, damloh thilah leh chhiat tawh thilah pawh lungnga­ihna tur a awm tawh lo a ni.

Sum peipun (Investment): Engtin nge kan sum neih kan puntir ang.

Sum khawl ringawt hi chuan sum peipun a har khawp mai a, chuvangin khawvela Investor lalpa Warren Buffet-a chuan “I mutthilh lai pawh a sum siam dan I thiam loh chuan, i dam chhungin hna i thawk ang” a lo ti hial a ni. Sum peipun kan tih hian thil pui hluai turah kan ngai thin a, Computer khawvela kan chen tawh avangin thil harsa tak hi a awm tawh lo a ni. Sum kan peipun duh pawhin sum tlemte atangin kan tan thei a, sumlu (Capital) tam thama tih kher pawh a ngai lemlo a ni.

Sum kan peipun theihna tur hi tam tak a awm thei a, hengte hi han ngai pawimawh zual ila – Bank Fixed Deposit, Bonds, Mutual Fund, Stock Market leh Real Estate. Hengte hi India ram dan leh khuahkhirhna hnuaia awm te an ni a, abak hi chu investment him tak hi a awm lemlo tih hi hriat tur a ni. Henga kan sum kan dah phawt chuan a rei poh leh a pung a tha a, heng sum peipunna te hian a tum ber chu hun kal zela kan pawisa lo pun tir zel (Wealth Creation) kha a tum a ni, kan sum neih ang ang te kan punter zel chuan sap hoin ‘Financial Success’, Sum leh Pai enkawlna kawnga mi hlawhtling min nih-tir thei a ni. Article lehpekah a aia thuk zawk­in kan luhchilh leh dawn nia.