-   George L. Ralte

   Vaivakawn

Ni 29.2.2024 Ningani zan atanga ni 3.3.2024 Pathianni zan hmang a neih Mizoram a Kohhran thalai Inkhawmpui lian ber KTP INKHAWMPUI LIAN vawi 60 na Ngopa khua a neih chu harsatna em em awm lovin engkim ti thei kan Pathian hruaina leh awmpuina a zar ah tluang tak a neih zawh a lo ni leh ta hi a lawm awm tak zet a ni.

He KTP INKHAWMPUI LIAN neih zawh tak ah khan KTP Inkhawmpui lian thupui atan MI DANG TE TANA MALSAWMNA tih a ni a, KTP Inkhawmpui lian Speaker atana hman chu Rev. Dr. H. Vanlalruata niin a ni hian tum thum KTP Inkhawmpui lian thupui hi a sawi a ni.

KTP Inkhawmpui lian Ngopa khua a neih zawh tak kha KTP Inkhawmpui lian neih tawh ah chuan an kal tam ber tum niin an sawi a, hei hi a chhan ni a lang chu kum 2024 KTP Inkhawmpui lian neih zawh tak tak kha kum 60 a tlingna chiah niin he KTP Inkhawmpui lian kum 60 a tling pual hian ni 2.3.2024 inrinni zan Pathian Biak Inkhawm ban khan Concert buatsaih niin Pastor bial thenkhat atang leh Mizoram a zai thiam lar kan neih thenkhat ten he hun ah hian zai a rawngbawlna neiin hun hlim awm tak hman a ni.

Kum 1997 a KTP Inkhawmpui lian Ratu khua a an neih khan KTP Inkhawmpui lian hi ka kal ve tan a,hemi atang hian tun thleng hian KTP Inkhawmpui lian hi KTP kum avanga ka chhuahsan thlengin ka kal ve ta char char a, tun tum KTP Inkhawmpui lian neih zawh tak kha vawi 18 KTP Inkhawmpui lian ka kalna chiah a lo ni ve ta hi Pathian min hruaina leh min awmpuina ah lawmthu ka sawi tak zet a ni.

KTP Inkhawmpui lian 2024 neihna hmun Ngopa khua ah hian kum 1947 khan ka pu Rev.Siamhnuna (L) hi Presbyterian Ngopa Pastor Bial ah khian Bialtu Pastor hmasa ber niin hun rei tak he Prebyterian Ngopa Pastor Bial hi a lo vawng tawh bawk a ni.

KTP Inkhawmpui lian kal tam ber an chhin­chhiah dan chuan Pu Ngokama hi KTP Inkhawmpui lian kal tam ber niin an sawi a, Pu Lalsangzuala Sailo Vaivakawn hi KTP Inkhawmpui lian kal tam zingah chuan chhinchhiah tur zing ah chuan a tel pha awm e. Pu Lalsangzuala Sailo hi KTP Inkhawmpui lian Ngopa khua a neih zawh tak kha vawi 37 KTP Inkhawmpui lian a kalna chiah niin Pu Ngokama leh Pu Lalsangzuala Sailo te hi chawimawi an phu mai bak ah fak an phuin KTP Member te hian KTP Inkhawmpui lian kal chungchang ah entawn tur leh tan lakna tur tam tak an nei awm e.