August 28, 2023; Khawthlangtuipui Group YMA Monitoring Committee, Tlang VC leh Zodin VC te huaihawtin, naktuk August ni 29 ah NH 302 siamthat hnatlang an nei dawn.

Thuchhuah an siamah, beiseina nena kawng dinhmun ziaawm deuh hun kan nghah leh ngaihchan thin laiin, kawng dinhmun a that loh tial tial bakah, lirthei tang pawh a tam tual tual zawka hriat a ni a. Mizoram hmun hrang hrangah inkalpawhna kawng laih ni ve tho mah se, keimahni anga tuar nasa leh tuar rei an awm ve lo, niin an tarlang.
 
"Hetiang hi thil awmdan a nih tak avang leh, NH 302 tih loh inkalpawhna kawng dang zawh tur kan neih loh avangin, a huphurhawm dan tur hre reng chungin he kawng chhelai thawmtha tura hnatlangpui koh lo thei lo dinhmunah kan ding tain kan inhria a ni," an ti bawk.

Hnatlanga thawkchhuakte hi Tlabung Truck Owners' Association leh Tlabung Puck Up Owners' Association te chuan an veivahna tur an ngaihtuahsak dawn, tih an puang tawh a ni.