Tlangkang sa hmangin ei zawng

Admin - May 22, 2021

Tlangkang atanga inphuh chhuak lung sa te pizza siamna thuk atan hmangin ‘Pacaya Pizza’ a siam chhuak a. Khualzinte mak tih a hlawh a, leisaktu pawh an tam hle.

Guatemala rama Pacaya tlang hi February atang khan a kang a inphuh chhuak tawh a, mi tam takin hlauvin mangang hle mah se David Garcia tan erawh ei zawnna a ni.

Garcia hian tlang bulthut chu chokaah a siam hlauh va, khualzinte hiptu a ni hlauh.

Kum 34 mi, Garcia hi accountant a ni a, tlang bulthutah hian tlangkang atanga inphuh chhuak lung saah te pizza siamna thuk atan hmangin ‘Pacaya Pizza’ a siam chhuak a. Khualzinte mak tih a hlawh a, leisaktu pawh an tam hle.

“Mi tam takin tlangkang sa atanga siam chhuah pizza chu ei ve hrim hrim châkin an lo kal nasa a ni,” tiin AFP hnenah a sawi a. Pacaya tlangkar avanga khuar awm dek dukte chu ani chuan a hna thawhna hmunah a chantir a ni.

A choka atana a hman hi thiah darh theih maiin a siam a, thuk atana a hman lung thenkhat hi chu 1,000 degree Celsius laia sa pawh a awm niin an sawi a. Amah pawh a lu atangin invenna thuam nan a awm a, sipai boot a bun bawk.

Share now