March 26, 2024; ‘Save the Riparian’ pawl te chuan vawiin March 26, 2024 atang hian Tlawng lui 

fintu lui te te thenfai hnatlang an nei dawn a. He project ah hian tlawng lui fintu lui pahnih, Serlui A leh Tuikual lui bakah, Serlui in Tlawng a finna atanga Sairang kai thlenga thenfai hnathawh tum a ni a, ni 20 emaw a aia rei thawh tura ruahman a ni.

A hmun hi endik (survey) lawk tawh niin an hnathawh dan tur chu heng hi a ni:

Mission veng luikawr atanga Tlawng: A hmasa berin Model veng leh Mission Vengthlang 

inrina luikawrah chhukin heta tang hian Frontline workers ten hna thawk tanin bawlhhlawh an chhar khawm anga, phurh chhuah nghal a ni ang. Motor-in SWMC, Tuirial panpui a ni ang.

Helai hmun atang hian chhuk thla leh zelin Zotui-intlak hmun, Mission Veng thlanmual zawnah bawlhhlawh te hi chhawp chhuah leh a ni anga, motor-a phurh a ni leh ang. Zotui intlak atangin Vailui leh Sakhi sih inrinaah chhukin heng lai inkar bawlhhlawh te hi chhawpchhuah leh a, motor-a phurh leh tura ruahman a ni.

Helai hmun atang hian Nghaltan zauah chhukin Nghaltan zauah hian bawlhhlawh chu chhekkhawl a, phurh chhuah leh tur a ni. Nghaltan zau atanga chhukin Serlui A ah chhuk lehin bawlhhlawh te chu Serlui atanga phurh leh tur a ni.

Serlui A pawhna leh Tlawng inkar hi a tawp hle a, helai bawlhhlawh chharkhawm chu team ten thiar chhuak leh in SWMC hmuna paih tura phurhliam tur a ni.

He hna an thawh chhung zawng hian Management Team te chuan lo vil in, bawlhhlawh paihna 

tur motor an lo ruahhman ang a, chu mai bakah luidunga bawlhhlawh an chhekkhawm te thiar chhuak tur lo ruaiin pawl ang emaw, mimal ang emaw a inhlawh tur an lo ruahman dawn a ni.

Frontline Workers ten medical treatment an mamawh anih chuan Medical Team te an che vat zel ang.

Documentation Team te chuan heng hnathawh hi uluk takin an lo vil bawk ang.

 Aizawl Municipal Corporation Mayor, Lalrinenga Sailo- inba Flag-off sak a, Aizawl bawlhhlawh buaipui awm zia sawiin vengchhung bawlhhlawh enkawl na kawngah tan la deuh deuh tur leh bawlhhlawh supply tih tlem pawimawh zia a sawi.